ايماقتار • 16 شىلدە، 2019

تۇركىستان وبلىسىنىڭ اكىمى كومباين جۇرگىزىپ، بيداي وردى

666 رەت كورسەتىلدى

تۇركىستان وبلىسىنداعى بيداي القابىنىڭ بۇگىندە 44 پايىزى ورىلعان. ياعني، 94 مىڭ گەكتاردان 183 مىڭ توننا استىق جينالىپ وتىر. جالپى وڭىردە 218 مىڭ گەكتاردان 463 مىڭ توننا بيداي الۋ جوسپارلانۋدا. استىق ورۋعا 1012 استىق كومباينداردىڭ 90-95% دايىندالىپ، جيناۋ جۇمىستارىنا كىرىسكەن.

وبلىستا استىقپەن قاتار، اۋىل شارۋاشىلىعى داقىلدارىنان بۇگىنگى تاڭعا 211،4 مىڭ توننا كارتوپ، 553،3 مىڭ توننا كوكونىس، 592،4 مىڭ توننا باقشا داقىلدارى جينالىپ، وزگە وڭىرلەرگە جىبەرىلۋدە جانە شەتەلگە ەكسپورتتالۋدا. جىل سوڭىنا دەيىن 2،7 ملن توننا كارتوپ، كوكونىس، باقشا ونىمدەرىن جيناۋ جوسپارلانىپ وتىر. ورداباسى اۋدانى ءبورجار ەلدى مەكەنىندەگى «ماقتا كومپانياسى» جشس-نا بارعان تۇركىستان وبلىسىنىڭ اكىمى ومىرزاق شوكەەۆ ەگىس كولەمىمەن، اۋىل شارۋاشىلىعى سالاسىنداعى جۇمىستارمەن تانىستى. شارۋالارمەن كەزدەسىپ، ۇسىنىستارىن تىڭدادى. سونىمەن قاتار، وبلىس باسشىسى  ەگىس القابىندا كومباين جۇرگىزىپ، بيداي وردى.

وبلىستىق اۋىل شارۋاشىلىعى باسقارماسىنىڭ باسشىسى نۇربەك بادىراقوۆتىڭ مالىمدەۋىنشە، بيىلعى اۋىل شارۋاشىلىعى داقىلدارىنىڭ ەگىس كولەمى - 823 مىڭ گەكتار. بۇل وتكەن جىلدان 9،8 مىڭ گەكتارعا ارتىق. ال بيدايدىڭ ەگىس كولەمى بيىل 218 مىڭ گەكتارعا جەتسە، مايلى داقىلدار – 96،8 مىڭ، ماقتا – 129 مىڭ گەكتارعا ەگىلگەن.

سوڭعى جاڭالىقتار

ۇقساس جاڭالىقتار