ايماق باسشىسى الدىمەن «توعىز» اۋىلدىق وكرۋگىندەگى 120 ورىنعا ارنالعان №7 جالپى ورتا ءبىلىم بەرەتىن مەكتەبىنىڭ اشىلۋ شاراسىنا قاتىستى. قۇرىلىس جۇمىسى 2018 جىلدىڭ مامىر ايىندا باستالعان بولاتىن. وبلىس اكىمى مەكتەپ ءىشىن ارالاپ, بالالارعا جاسالعان جاعدايمەن تانىستى.
سونىمەن قاتار, شالقار قالاسىنداعى م.شىمان ۇلى اۋىلىندا 60 ورىندىق سارىقامىس نەگىزگى ورتا مەكتەبى دە ەل يگىلىگىنە بەرىلدى. قۇرىلىسى 2017 جىلى باستالعان ءبىلىم وشاعى جاڭا وقۋ جىلىنا ساقاداي ساي.زامان تالابىنا ساي,سوڭعى ۇلگىدە سالىنعان مەكتەپتە سپورت زالى, اسحانا, كىتاپحاناسى بار. وبلىس اكىمى اتالعان ەكى مەكتەپتىڭ اشىلۋىنا وراي, قاجەتتى قۇرالدار الۋعا قوماقتى قارجىلاي سىيلىق تابىس ەتتى.
«مەملەكەت باسشىسى قاسىم-جومارت توقاەۆ ءوزىنىڭ ءاربىر تاپسىرماسىندا ءبىلىم سالاسىنا ەرەكشە كوڭىل بولۋدە. جاستاردىڭ ءبىلىم الۋ مۇمكىندىگىن الەمدىك وزىق دەڭگەيگە تەڭەستىرۋ ءۇشىن بار مۇمكىندىكتى جاسايمىز»,-دەپ اتاپ ءوتتى وڭداسىن ورازالين.
ايشۋاق اۋىلدىق وكرۋگى, بەگىمبەت اۋىلىنان جاڭادان اۋىلدىق مادەنيەت ءۇيى اشىلدى.120 ورىنعا ارنالعان نىساننىڭ قۇرىلىسى وتكەن جىلى باستالعان بولاتىن. مادەني وشاق جەرگىلىكتى تۇرعىنداردىڭ ۇلتتىق ونەرمەن سۋسىنداۋىنا, تالانتتى جاستاردىڭ تالابىن شىڭداۋعا مۇمكىندىك بەرمەك.
«حالقىمىزدىڭ قايتالانباس وزىق مادەنيەتىن زاماناۋي ۇلگىدە قايتا تۇلەتۋ ءۇشىن ءبىز مادەنيەتىمىزدى, مادەنيەت وشاقتارىن دامىتۋ جۇمىستارىن قولعا الۋىمىز كەرەك, بولاشاقتا الەمدى اۋزىنا قاراتار ناعىز حاس تالانتتار وسىنداي ورتالاردان شىعارىنا سەنىمىم مول»,-دەدى ءوڭىر باسشىسى.
وبلىس اكىمىنىڭ جۇمىس ساپارى «نۇرالى» شارۋا قوجالىعىنىڭ جۇمىسىن كورۋمەن جالعاستى. شارۋا قوجالىق قازىردە 460 باس ءىرى قارا, 820 باس قوي وسىرۋمەن اينالىسىپ وتىر.
بيىل مەملەكەتتىك «سىباعا» باعدارلاماسى اياسىندا 60,0 ملن.تەڭگە نەسيە الىپ, رف-نان 105 باس ابەردين-انگۋس تۇقىمدى انالىق باس الىپ كەلگەن. سونداي-اق, مۇندا 5000 باسقا دەيىنگى مال بورداقىلاۋعا ارنالعان كەشەن سالىنىپ جاتىر. ينۆەستيتسيا كولەمى – 300,0 ملن. تەڭگەنى قۇرايتىن كەشەننىڭ قۇرىلىسى بيىل اياتالماق.وتكەن جىلى مال سويۋ جانە ەت وڭدەۋ تسەحى ىسكە قوسىلعان. ينۆەستيتسيا كولەمى – 147,0 ملن. تەڭگە بولاتىن كاسىپورىن جىلىنا 1000 توننا سيىر ەتىن, 400 توننا قوي ەتىن وندىرەدى.
جۇمىس ساپارى سوڭىندا ايماق باسشىسى, اۋدان اكىمى باۋىرجان قانيەۆكە اۋداننىڭ الەۋمەتتىك- ەكونوميكالىق جاعدايىن دامىتۋدى, قوسىمشا جۇمىس كوزدەرىن اشىپ, مەملەكەتتىك باعدارلامالار ارقىلى شاعىن جانە ورتا كاسىپكەرلىكتى دامىتىپ, ينۆەستيتسيا تارتۋدى تاپسىردى.
