يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتتەرىنشە, 5144 قۇرىلىسشى مەن 223 ارنايى تەحنيكا جەكە تۇرعىن ءۇي قۇرىلىسى جانە كوپقاباتتى تۇرعىن ۇيلەر قۇرىلىسىنىڭ 3232 نىسانىندا ء(بىر كۇن بۇرىن 2989 نىساندا) جۇمىس ىستەيدى. وسىلايشا, كۇن سايىن قۇرىلىسشىلار قالپىنا كەلتىرۋدى قاجەت ەتەتىن 200-دەن استام ءۇيدى جوندەۋ جۇمىستارىمەن قامتۋدا. تاعى 1,5 مىڭ قۇرىلىسشى «سامۇرىق–قازىنا» اق قاراجاتى ەسەبىنەن 62 الەۋمەتتىك نىساندى (53 ءبىلىم بەرۋ نىسانىن, 6 دەنساۋلىق ساقتاۋ جانە 3 سپورت نىسانىن) قالپىنا كەلتىرىپ جاتىر.
يدم ۆيتسە-ءمينيسترى قايىربەك وسكەنباەۆتىڭ ايتۋىنشا, جاقىندا 600-700 جۇمىسشىنى تارتۋمەن قوسىمشا كۇش جۇمىلدىرىلادى. بارلىق زارداپ شەككەن جانە بۇزىلعان نىساندار 2019 جىلدىڭ 1 تامىزىنا دەيىن تاپسىرىلۋى ءتيىس.
