سەناتور ساپارىنداعى العاشقى نىسان – تالعار اۋدانىنداعى موناح شاتقالىندا ورنالاسقان «سپۋتنيك» بالالار ساۋىقتىرۋ ورتالىعى بولدى. دينار نوكەتاەۆا وسىندا دەمالاتىن بالالارمەن كەزدەسىپ, ورتالىقتىڭ جاعدايىمەن تانىسۋ بارىسىندا مادەني-سپورتتىق ءىس-شارالار وتەتىن دەمالىس بولمەسىندە, سپورت جانە ويىن زالدارىندا بولدى, اسحانانى, كلۋبتى, فۋتبول, ۆولەيبول الاڭدارىن كوردى.
سەناتور سونداي-اق پەداگوگيكالىق قۇراممەن اڭگىمەلەسىپ, مەديتسينالىق كومەك ورتالىعىنىڭ قىزمەتكەرلەرمەن تانىستى. دەپۋتات وسىنداي ورتالىقتاردا پاتريوتتىق, تاريحي, تانىمدىق تاقىرىپتارعا ارنالعان شارالاردى وتكىزۋدىڭ ماڭىزىن اتاپ ءوتتى.
د.نوكەتاەۆا «سالەم» ساۋىقتىرۋ لاگەرى بولعان كەزدە ەلىمىزدىڭ تۇكپىر-تۇكپىرىنەن كەلگەن بالالارمەن اڭگىمەلەسىپ, ءار بالانىڭ جاعدايىنا نازار اۋداردى جانە ولاردىڭ لاگەردەگى جاعدايدى جاقسارتۋ جونىندەگى تىلەك-نيەتتەرىن سۇرادى. دەپۋتاتى ساۋىقتىرۋ ورتالىقتارىنداعى بالالاردىڭ جازعى دەمالىسىن ۇيىمداستىرۋ جونىندە بىرنەشە ەسكەرتۋلەر ايتىپ, ولاردى قىسقا مەرزىمدە تۇزەتۋدى تاپسىردى.
