ايماقتار • 12 شىلدە، 2019

سۋ كودەكسى جوباسىن ازىرلەگەن قايراتكەر

154 رەت كورسەتىلدى

قىزىلوردا وبلىسىنىڭ اكىمى قۋانىشبەك ىسقاقوۆ قازاق كسر مەليوراتسيا جانە سۋ شارۋاشىلىعىنىڭ بۇرىنعى ءمينيسترى ناريمان قىپشاقباەۆتى 85 جاسقا تولعان مەرەيتويىمەن جانە سۋ شارۋاشىلىعى قىزمەتكەرلەرىنىڭ كاسىبي مەرەكەسىمەن قۇتتىقتادى.

ناريمان قىپشاقباي ۇلىنىڭ ەڭبەك جولى ۋچاسكەلىك ينجەنەر-گيدروتەحنيك قىزمەتىنەن باستالعان. 1974 جىلدان تاۋەلسىزدىك العانعا دەيىن قازاق كسر مەليوراتسيا جانە سۋ شارۋاشىلىعى مينيسترلىگىن باسقاردى. قر تۇڭعىش پرەزيدەنتى ن.ءا.نازارباەۆتىڭ جارلىعىمەن 1990 جىلى سۋ رەسۋرستارى مەملەكەتتىك كوميتەتىنىڭ توراعاسى بولىپ تاعايىندالعان. تاۋەلسىزدىك جىلدارى سۋ كودەكسى جوباسىنىڭ ازىرلەنۋىنە جەتەكشىلىك جاساپ، ورتالىق ازيا، رەسەي فەدەراتسياسى جانە قىتاي مەملەكەتتەرى اراسىندا ترانسشەكارالىق وزەندەردەگى سۋ رەسۋرستارىن پايدالانۋ جونىندە حالىقارالىق ۇيىمنىڭ قۇرىلۋىنا، سونىڭ ىشىندە قازاقستان، قىرعىزستان، تاجىكستان، تۇركىمەنستان، وزبەكستان مەملەكەتتەرىنىڭ پرەزيدەنتتەرىمەن قۇرىلعان حالىقارالىق ارالدى قۇتقارۋ قورىنىڭ قۇرىلۋىنا ۇلەسى زور.

«ەلباسىنىڭ تىكەلەي تاپسىرماسىمەن جۇزەگە اسىپ، عاسىر جوباسى اتانعان «سىرداريا وزەنىنىڭ ارناسىن رەتتەۋ جانە ارال تەڭىزىنىڭ سولتۇستىك بولىگىن ساقتاۋ» (ساراتس) جوباسى ءبىرىنشى فازاسىنىڭ جۇزەگە اسۋىنا ناريمان قىپشاقباي ۇلىنىڭ ەرەكشە ۇلەس قوسقاندىعىن ارال ءوڭىرىنىڭ تۇرعىندارى جاقسى بىلەدى. زەينەتكە شىققاننان كەيىن دە جيعان-تەرگەن باي تاجىريبەڭىزدى ىزىڭىزدەن ەرگەن جاستارعا ۇيرەتۋدەن جالىققان ەمەسسىز. سونىڭ ىشىندە، سىر ءوڭىرىنىڭ سۋ شارۋاشىلىعىنىڭ وزەكتى ماسەلەلەرىن شەشۋ جۇمىستارىنا دا ايانباي اتسالىسىپ كەلەسىز»، دەپ اتاپ ءوتتى وبلىس اكىمى.

سونداي-اق ارىپتەستەرى مەن سۋ شارۋاشىلىعىنىڭ ارداگەرلەرى سەرىكباي ساعىمباەۆ جانە بەگەش جاقىپ مەرەيتوي يەسىنە جىلى لەبىزدەرىن جەتكىزدى.

سالتاناتتى كەشتە ءسوز العان ناريمان قىپشاقباي ۇلى وبلىس باسشىلىعى مەن زامانداستارىنا قۇرمەت كورسەتكەنى ءۇشىن العىسىن ءبىلدىردى.

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار