زاڭدا ءوسىمپۇلداردى ەسەپتەن شىعارۋ وكىلەتتى ورگان - قارجى مينيسترلىگى بەلگىلەگەن ءتارتىپ بويىنشا جۇرگىزىلەتىنى قاراستىرىلعان.
ق. باەدىلوۆ حابارلاعانداي, جاقىندا, شامامەن شىلدە ايىنىڭ ءۇشىنشى ونكۇندىگىندە ءوسىمپۇلداردى ەسەپتەن شىعارۋ بويىنشا جۇمىستار باستالادى.
اتالعان ەرەجەلەرگە سايكەس, ءاربىر اۋداندىق مەملەكەتتىك كىرىستەر باسقارماسىندا ءوسىمپۇلداردى ەسەپتەن شىعارۋ بويىنشا كوميسسيا قۇرىلادى. بۇل كوميسسيا فۋنكتسياسىنا قارىزدار سوماسىن وتەگەن سالىق تولەۋشىلەردى ىرىكتەۋ ءۇشىن دەربەس ەسەپشوتتاردى تۇگەندەۋ بويىنشا كۇندەلىكتى جۇمىستار, 3 جۇمىس كۇنى ىشىندە قارىزدارىن وتەگەن سالىق تولەۋشىلەر بويىنشا ءوسىمپۇلداردى ەسەپتەن شىعارۋ تۋرالى شەشىمدى شىعارۋ كىرەدى. سونىمەن قاتار, شەشىم شىعارىلعان كۇننەن باستاپ 3 كۇننەن كەشىكتىرمەي سالىق تولەۋشىنىڭ دەربەس ەسەپشوتتارى بويىنشا ءوسىمپۇلدار ەسەپتەن شىعارىلادى.
قارىزىنىڭ سوماسىن جەكە تۇلعالار مەملەكەتتىك كىرىستەر كوميتەتىنىڭ ينتەرنەت-رەسۋرسى نەمەسە ەلەكتروندى ۇكىمەت پورتالى (E-gov.kz) ارقىلى بىلە الادى.
«ارنايى ءوتىنىش جازىپ, مەملەكەتتىك كىرىستەر ورگاندارىنا قانداي دا ءبىر قۇجاتتاردى اكەلۋدىڭ قاجەتى جوق. ەڭ باستىسى - وتكەن جىلدارداعى ءوزىنىڭ مىندەتتەمەلەرى بويىنشا نەگىزگى سالىق سوماسىن تولەۋ. مەملەكەتتىك كىرىستەر ورگاندارى كۇن سايىن دەربەس شوتتارىنىڭ جاي-كۇيىنە مونيتورينگ جاسايتىن بولادى جانە ولار نەگىزگى بورىشتى تولەگەن كەزدە ءوسىمپۇلدى ەسەپتەن شىعارۋ تۋرالى ءتيىستى شەشىمدى 3 جۇمىس كۇنىنەن كەشىكتىرمەي شىعارادى», - دەدى قارجى ۆيتسە-ءمينيسترى.
بۇگىندە «سالىق تولەۋشى كابينەتى» ۆەب-قوسىمشاسىندا دەربەس ەسەپشوتىن كورۋ ءۇشىن ەتسق كەرەك. بىراق ەتسق قولدانباي-اق قارىزى تۋرالى بىلۋگە بولادى, ول ءۇشىن مەملەكەتتىك كىرىستەر كوميتەتىنىڭ ينتەرنەت-رەسۋرسىندا جسن بويىنشا مالىمەتتەردى ونلاين-رەجيمدە الۋعا مۇمكىندىك بەرەتىن سەرۆيس ىسكە قوسىلعان.
ق. باەدىلوۆتىڭ ايتۋىنشا, ءوسىمپۇلداردى ەسەپتەن شىعارۋ جەكە تۇلعانىڭ بارلىق سالىقتىق مىندەتتەمەلەرى بويىنشا جۇرگىزىلەدى.
نەگىزىنەن, ولار جەكە تۇلعانىڭ جەكە مەنشىگىنە - جەرىنە, مۇلكىنە, كولىگىنە سالىناتىن سالىقتار, سونداي-اق م ۇلىكتى ساتۋ كەزىندە قۇنىنىڭ وسىمىنەن م ۇلىك سالىعىن الۋمەن بايلانىستى جەكە تابىس سالىعى بويىنشا مىندەتتەمەلەر. جالعىز شارت - 2019 جىلدىڭ سوڭىنا دەيىن 2019 جىلدىڭ 1 قاڭتارىنا دەيىنگى سالىقتىق كەزەڭدەگى سالىق مىندەتتەمەلەرى بويىنشا پايدا بولعان قارىزدارىن تولەۋ. ياعني جەكە تۇلعا تەك وتكەن جىلدارداعى نەگىزگى قارىز سوماسىن وتەۋى كەرەك, ال ءوسىمپۇلدار سوماسى ەسەپتەن شىعارىلادى.
سونىمەن قوسا, اعىمداعى جىلدىڭ باسىنان بەرى نەگىزگى قارىزدى تولەگەن جاعدايدا ءوسىمپۇلدار مەن ايىپپۇلداردى ەسەپتەن شىعارۋ بويىنشا شاعىن جانە ورتا بيزنەس سۋبەكتىلەرى ءۇشىن سالىقتىق راقىمشىلىق جۇرگىزىلىپ كەلەدى. 2019 جىلدىڭ 1 شىلدەسىندەگى جاعداي بويىنشا 40 مىڭعا جۋىق سالىق تولەۋشى 7,6 ملرد سوماسىنا نەگىزگى قارىزىن وتەگەن, ولار بويىنشا 2,1 ملرد تەڭگە سوماسىنا ءوسىمپۇلدار مەن 180,6 ملن سوماسىنا ايىپپۇلدار ەسەپتەن شىعارىلعان. سالىقتىق راقىمشىلىق اعىمداعى جىلدىڭ سوڭىنا دەيىن سوزىلادى.
