ايماقتار • 12 شىلدە، 2019

ىنتىماقتاستىق تۋرالى مەموراندۋمعا قول قويدى

159 رەت كورسەتىلدى

ورتالىق ازياداعى ترانسشەكارالىق سۋ رەسۋرستارىن باسقارۋ باعدارلاماسى اياسىندا قىزىلوردادا حالىقارالىق ارالدى قۇتقارۋ قورىنىڭ قر-داعى اتقارۋشى ديرەكتسياسى، حالىقارالىق ىنتىماقتاستىق جونىندەگى گەرمانيا قوعامدىق قورى (GIZ) جانە قىزىلوردا وبلىسى اكىمدىگى اراسىندا «سولتۇستىك ارال تەڭىزىنىڭ بالىق قورىن ساقتاۋ، قورعاۋ جانە ونى دامىتۋ. ارال-سىرداريا باسسەيندىك كەڭەسىنىڭ الەۋەتىن ارتتىرۋ» جوباسىن جۇزەگە اسىرۋ تۋرالى ۇشجاقتى مەموراندۋمعا قول قويىلدى.

قىزىلوردا وبلىسى اكىمىنىڭ ورىنباسارى باقىتجان ناماەۆ GIZ «ورتالىق ازياداعى سۋ رەسۋرستارىن ترانسشەكارالىق باسقارۋ» باعدارلاماسىنىڭ باسشىسى كارولينا ميلوۆ پەن حالىقارالىق ارالدى قۇتقارۋ قورىنىڭ قر-داعى اتقارۋشى ديرەكتسياسىنىڭ ديرەكتورى بولات بەكنيازبەن كەزدەسىپ، سىر ءوڭىرىنىڭ ەكولوگيالىق جانە الەۋمەتتىك-ەكونوميكالىق پروبلەمالارىن شەشۋگە قوسقان ەلەۋلى ۇلەستەرى ءۇشىن العىسىن ءبىلدىردى.

«كوكارال بوگەتىندە بالىقتى قورعاۋ قۇرىلعىسىنىڭ بولماۋىنا بايلانىستى جىل سايىن بالىقتار جاپپاي قىرىلۋدا. سونىڭ سالدارىنان 2017 جىلى 200 توننا بالىق شاباقتارىنىڭ قىرىلۋى ورىن العان. سول سەبەپتى «سولتۇستىك ارال تەڭىزىنىڭ بالىق قورىن ساقتاۋ، قورعاۋ جانە ونى دامىتۋ. ارال-سىرداريا باسسەيندىك كەڭەسىنىڭ الەۋەتىن ارتتىرۋ» جوباسى ايماعىمىز ءۇشىن اسا ماڭىزدى. ءبىزدىڭ ىنتىماقتاستىعىمىز الداعى ۋاقىتتا دا تابىستى بولىپ، ەكولوگيالىق جاعدايدى جاقسارتۋدا جانە ايماق تۇرعىندارىنىڭ ءومىر ءسۇرۋ ساپاسىن ارتتىرۋدا قاجەتتى ناتيجەلەرگە قول جەتكىزەتىنىمىزگە سەنىمدىمىز»، دەپ اتاپ ءوتتى ب. ناماەۆ.

جوبانىڭ نەگىزگى ماقساتى سولتۇستىك ارال ءوڭىرىنىڭ بالىق قورلارىنىڭ قاۋىپسىزدىگىن قامتاماسىز ەتۋ، ساقتاۋ جانە دامىتۋ، سۋ رەسۋرستارىن ينتەگراتسيالانعان باسقارۋ پرينتسيپتەرىن ودان ءارى دامىتۋ جانە تاجىريبەگە ەنگىزۋ، سۋ شارۋاشىلىعى جانە باسسەيندىك قۇرىلىمداردى ماتەريالدىق-تەحنيكالىق قامتاماسىز ەتۋ دەڭگەيىن جاسقارتۋ، ارال-سىرداريا باسسەيندىك كەڭەسىنىڭ (شاعىن باسسەيندىك كەڭەستەردى قوسا العاندا) الەۋەتىن ارتتىرۋ، قىزمەتىن جانداندىرۋ، سونداي-اق حالىقتىڭ ەكولوگيالىق ساۋاتتىلىعىن جوعارىلاتۋ جانە جوبا اياسىندا ءتيىمدى ىنتىماقتاستىق ورناتۋ بولىپ تابىلادى.

مەموراندۋمعا سايكەس، حالىقارالىق ارالدى قۇتقارۋ قورىنىڭ قر-داعى اتقارۋشى ديرەكتسياسى بالىق قورعاۋ قوندىرعىسىنىڭ جوبالىق-سمەتالىق قۇجاتتاماسىن ازىرلەيدى، گەرمانيا قوعامى جوبانى قارجىلاندىرۋمەن اينالىسادى، ال وبلىس اكىمدىگى جوبانى ىسكە اسىرۋدى قولداۋ شارالارىن جانە اقپاراتتىق سۇيەمەلدەۋدى قامتاماسىز ەتەدى.

سوڭعى جاڭالىقتار

ەلەنگەن ەرلىك

ايماقتار • بۇگىن، 13:22

قاراشادا كۇن سۋىتادى

اۋا رايى • بۇگىن، 11:59

پنەۆمونيادان تاعى 5 ادام كوز جۇمدى

كوروناۆيرۋس • بۇگىن، 09:35

قاۋىپتى ىندەتكە قارسى قامدانىس

كوروناۆيرۋس • بۇگىن، 07:40

ۇلتتىڭ جاڭا بولمىسى

پىكىر • بۇگىن، 07:35

ۇقساس جاڭالىقتار