ق. باەدىلوۆ سالىقتىق راقىمشىلىق جۇرگىزۋ قاعيدالارى بەكىتىلەتىن جانە جاقىن ارادا بارلىق اۋماقتىق مەملەكەتتىك كىرىستەر دەپارتامەنتتەرىنىڭ نازارىنا جەتكىزىلەتىنىن ايتتى.
قارجى ۆيتسە-ءمينيسترى حابارلاعانداي, جول كارتاسى بەكىتىلدى, ونىڭ اياسىندا مەملەكەتتىك كىرىستەر ورگاندارى سالىقتىق راقىمشىلىق جۇرگىزۋ ءتارتىبى تۋرالى حالىق اراسىندا كەڭ اۋقىمدى ءتۇسىندىرۋ جۇمىستارىن جۇرگىزلەدى, سونىڭ ارقاسىندا ءاربىر ازامات بيىلعى جىلدىڭ سوڭىنا دەيىن ەسەپتەلگەن ءوسىمپۇلداردى الىپ تاستاۋ بويىنشا وسى ناۋقاندى پايدالانا الاتىن بولادى.
«2019 جىلعى 1 قاڭتارداعى جاعداي بويىنشا 1,4 ملن جەكە تۇلعانىڭ جالپى سوماسى 20,9 ملرد تەڭگەنى قۇرايتىن سالىقتىق بەرەشەگى بولعان, ونىڭ ىشىندە نەگىزگى بورىش - 14,3 ملرد تەڭگە, ەسەپتەلگەن ءوسىمپۇلدار – 6,6 ملرد تەڭگە. سالىق بەرەشەگىنىڭ ەڭ كوپ سوماسى نەمەسە 70% كولىك قۇرالدارىنا سالىناتىن سالىققا تيەسىلى. جەر سالىعى بويىنشا بەرەشەككە 12%, م ۇلىك سالىعىنا 6,7% تيەسىلى», - دەدى ق. باەدىلوۆ.
جىل باسىنان بەرى مەملەكەتتىك كىرىستەر ورگاندارى جەكە تۇلعالارعا سالىقتىق راقىمشىلىق جۇرگىزۋ ءۇشىن ۇلكەن دايىندىق جۇمىستارىن جۇرگىزدى. اتاپ ايتقاندا, ۋاكىلەتتى ورگاندارمەن دەرەكتەر بازاسىن سالىستىرىپ تەكسەرۋ, سونداي-اق سالىق تولەۋشىلەردىڭ دەربەس شوتتارىن وزەكتەندىرۋ ماقساتىندا ەسەپتەۋلەردىڭ تولىقتىعى مەن دۇرىستىعىن انىقتاۋ ءۇشىن دەربەس شوتتاردى تۇگەندەۋ جۇرگىزىلدى.
قارجى ۆيتسە-ءمينيسترى اتاپ وتكەندەي, وسىعان بايلانىستى وسى راقىمشىلىقتىڭ ماڭىزدى شاراسى - جەكە كاسىپكەر بولىپ تابىلمايتىن, بىراق كاسىپكەرلىك قىزمەتتەن تۋىندايتىن سالىقتار بويىنشا بەرەشەگى بار جەكە تۇلعالاردىڭ سالىقتىق بەرەشەگىن ەسەپتەن شىعارۋعا مۇمكىندىك بەرۋ.
«بۇل جەردە كورسەتىلگەن بەرەشەك 2002-2003 جىلدارى سالىق ورگاندارىنىڭ جەرگىلىكتى جۇيەدەن جالپى رەسپۋبليكالىق سالىقتىق اقپاراتتىق جۇيەگە (بساج) كوشۋى كەزىندە پايدا بولعان. 2019 جىلعى 1 قاڭتارداعى جاعداي بويىنشا سوماسى 700 ملن تەڭگەگە, ونىڭ ىشىندە نەگىزگى بورىش - 400 ملن تەڭگە, ءوسىمپۇل – 300 ملن تەڭگە بولاتىن مۇنداي سالىقتىق بەرەشەك 16 مىڭنان استام جەكە تۇلعادا بولعان», - دەپ ءتۇسىندىردى ق. باەدىلوۆ.
جەكە تۇلعا سالىقتار بويىنشا نەگىزگى قارىزدى تولەگەن جاعدايدا ءوسىمپۇل ەسەپتەن شىعارىلادى.
«سالىق تولەۋشىلەرگە بۇل ءۇشىن ەشقايدا بارۋدىڭ قاجەتى جوق, مەملەكەتتىك كىرىس ورگاندارى كۇن سايىن جەكە تۇلعالاردىڭ دەربەس شوتتارىنىڭ جاي-كۇيىنە مونيتورينگ جاسايتىن بولادى جانە ولار نەگىزگى بورىشتى تولەگەن كەزدە ءوسىمپۇلدى ەسەپتەن شىعارۋ تۋرالى ءتيىستى شەشىم شىعارادى», - دەپ ءتۇسىندىردى قانات باەدىلوۆ جانە ول 2019 جىلدىڭ 1 قاڭتارىنداعى جاعداي بويىنشا سالىق بەرەشەگى بار بارلىق ازاماتتارى مەملەكەت تاراپىنان ءوسىمپۇل رەتىندەگى سانكتسيالاردى ەسەپتەۋسىز سالىق مىندەتتەمەلەرىن ورىنداۋ مۇمكىندىگىن پايدالانۋعا شاقىردى.
