حالىق قالاۋلىسى جۇمىس ساپارى بارىسىندا م. جۇماباەۆ اۋدانىنا قاراستى نوعايباي اۋىلىندا بولىپ, ەلدى مەكەن تۇرعىندارىنىڭ تۇرمىسىمەن تانىستى.
اۋىلدىڭ گۇلدەنۋىنە وسى جەردىڭ تۋماسى, اۋداندىق ءماسليحاتتىڭ دەپۋتاتى, بەلگىلى مەتسەنات, «نوعايباي» جشس-ءنىڭ ديرەكتورى التىنبەك ساپاروۆ ەلەۋلى ۇلەس قوسىپ كەلەدى. كاسىپكەر وسىندا دەمالىس ساياباعىن اشىپ, جاستارعا فۋتبول جانە باسكەتبول, سونداي-اق جاتتىعۋ الاڭدارىن سالىپ بەردى. جىل سايىن الەۋمەتتىك سالالارعا 50 ميلليون تەڭگە مولشەرىندە قاراجات بولىنەدى.
«نوعايباي – بۇرىنعى كەڭشاردىڭ بولىمشەسى رەتىندە بولاشاعى جوق دەپ تانىلعان بولاتىن. ونى ەلدىڭ ازاماتى التىنبەك ساپاروۆ سەرىكتەستىك قۇرۋ ارقىلى ساقتاپ قالدى. ءار اۋىلدا وسىنداي ازاماتتار تىرلىك جاساسا, اۋىلدار توزبايدى, ساقتالادى ءوسىپ وركەندەيدى. سوعان مەنىڭ كوزىم جەتىپ وتىر», دەدى پارلامەنت ءماجىلىسىنىڭ دەپۋتاتى.
بيىل بۇل اۋىلعا وڭتۇستىكتەن 3 وتباسى كوشىپ كەلمەك. ولار قونىستاناتىن باسپانالار دايىن. كۇنگەيدەن قونىس اۋدارعان بازارباەۆتار وتباسى شارۋا قوجالىعىندا ەڭبەك ەتەدى.
«2017 جىلى كوشىپ كەلدىك. قۇشاق جايىپ قارسى الدى. جاعدايىمىز جاقسى. بالالارىمىز مەكتەپتە وقيدى, دەيدى اينۇر بازارباەۆا.
مۇندا بىلتىر فەلدشەرلەرلىك ورتالىق بوي كوتەرگەن بولاتىن. مەديتسينالىق پۋنكتتى ا. ساپاروۆ ءوز قاراجاتىنا سالىپ بەرىپتى. كۇندىزگى ستانتسيونار جۇمىس ىستەيدى. دەرتىنە شيپا ىزدەپ كەلگەن تۇرعىندارعا 3 دارىگەر مەديتسينالىق قىزمەت كورسەتەدى. ءدارى-دارمەك ىزدەپ, اۋدان ورتالىعىنا سابىلمايدى. اۋىلدا 100 ادام تۇرادى, 24-ءى– بالالار.
