قوعام • 12 شىلدە، 2019

شەتەلدىك قازاق بالالار ەلباسى ومىرىمەن تانىستى

154 رەتكورسەتىلدى

وتكەن اپتادا دۇنيەجۇزى قازاقتارى قاۋىمداستىعى مەن «وتانداستار قورىنىڭ» مۇرىندىق بولۋىمەن «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىندا تۇڭعىش رەت شەتەلدەگى قازاق بالالارىنا ارنالعان «ۇلى دالا ۇرپاعى» دەگەن اتپەن جازعى مەكتەپ اشىلعان بولاتىن. ەلوردادا ەكى اپتا بويى قازاقستان تاريحى، ۇلتتىق ءان-بي، ءسالت-داستۇر جانە تۋعان تىلدەن ءدارىس الاتىن رەسەي، يران، موڭعوليا، تۇرىكمەنستان، تاجىكستان، وزبەكستان جانە قىرعىزستان ەلدەرىنەن كەلگەن 150 وقۋشى تۇڭعىش پرەزيدەنت – ەلباسى كىتاپحاناسىنا باردى.

ولار قازاقستان تاۋەلسىزدىگى، تۇڭعىش پرەزيدەنت نۇرسۇلتان نازارباەۆتىڭ ومىرى مەن قىزمەتى تۋرالى فوتوسۋرەتتەر مەن ارحيۆتىك قۇجاتتاردان تۇراتىن ەكسپوزيسيالارمەن جان-جاقتى تانىستى. جاس قوناقتارمەن ەلباسى كىتاپحاناسىنىڭ ديرەكتورى ءامىرحان راحىمجانوۆ سۇحبات قۇردى. «سىزدەر بەيبىت بۋىننىڭ باقىتتى وكىلىسىزدەر. اتامەكەننىڭ توپىراعىن باسىپ، بابالار جەرىنىڭ گۇلدەنىپ، كوركەيگەنىن، قازاقستاننىڭ بيىك شىڭداردى باعىندىرىپ جاتقانىن كوردىڭىزدەر. دەندەرىڭىزدىڭ ساۋ، وقۋلارىڭىزدىڭ جەمىستى بولۋىن تىلەيمىن! بەيبىتشىلىك پەن جاسامپازدىققا، دامۋعا بەت العان لايىقتى ازامات بولىڭىزدار. قازاقستانعا ساپارلارىڭىز ۇمىتىلماستاي ءوتسىن!»، دەدى بالالارعا اق تىلەگىن ارناعان ءا.راحىمجانوۆ.

جاسوسپىرىمدەر كىتاپحانانىڭ كينوزالىندا «ادىلەتتىڭ اق جولى»، «بەيبىتشىلىك كىندىگى»، «ەۋرازيا جۇرەگىندە» اتتى ەلباسىنىڭ شىعارمالارى جەلىسىمەن تۇسىرىلگەن ؛ «بالالىق شاعىمنىڭ اسپانى» كوركەم ءفيلمىن تاماشالادى. ەلباسى كىتاپحاناسىنان ەستەلىك رەتىندە ءبالالارعا «بىزدىڭ پرەزيدەنت» كىتابى تارتۋ ەتىلدى.

«قازاقستاننىڭ استاناسى بارىمىزگە ۇمىتىلماس اسەر قالدىردى. ەكى جىلدان سوڭ مەكتەپتى بىتىرەمىن، بولاشاقتا دارىگەر بولسام دەيمىن. وسى ماقساتىما جەتۋ ءۇشىن نۇر-سۇلتان قالاسىنداعى جوعارعى وقۋ ورىندارىنىڭ بىرىنە تۇسكىم كەلەدى. كەلەشەك ءومىرىمدى اتاجۇرتىمدا ەلەستەتەمىن. اسىرەسە تۋىستارىم تۇراتىن اقتاۋ قالاسى قاتتى ۇنادى»، دەيدى يراننان كەلگەن يستگالدى حاستي. بولاشاقتا بابالارىنىڭ ءىزى قالعان توپىراقتا ءومىر كەشۋدى ارماندايتىن تاعى ءبىر جەتكىنشەك داريا تۋعامبەكوۆا. «نۇرسۇلتان نازارباەۆ الەمگە تانىمال تۇلعا. ونىڭ باستاماسىمەن سالىنعان ەلوردا اسەمدىگى مەن قارقىندى دامۋىمەن كوز سۇرىندىرەدى. قاي جەردە جۇرسەم دە تاريحي وتانىم ماڭگى جۇرەگىمدە. قازاق مادەنيەتى مەن ادەبيەتىن، كوشپەندىلەر فيلوسوفياسىن ۇناتامىن. بىزگە ءتان بۇل ەرەكشەلىگىمىز قازاق ەكەنىمىزدى كەز كەلگەن جەردە، ءتولقۇجاتىمىزدىڭ تۇسىنە قاراماستان بىردەن ءبىلدىرىپ تۇرادى»، دەيدى قىرعىزستاننان كەلگەن قارشاداي قىز.

جازعى لاگەرگە قاتىسقان وقۋشىلار الداعى ۋاقىتتا ەل استاناسىنداعى بارلىق مادەني، تاريحي نىساندارمەن تانىساتىن بولادى. سونداي-اق ولار «بۋراباي» مەملەكەتتىك ۇلتتىق تابيعي ساياباعىنا، «بوتاي-بۋراباي» اسپان استى مۇراجايىنا جانە «الجير» مەموريالدى-مۇراجاي كەشەنىنە بارادى.

سوڭعى جاڭالىقتار

تارتىمدىلىق تەرەڭدەي تۇسپەك

ايماقتار • بۇگىن، 09:37

جاڭىلتپاش جاۋاپتار كىمگە قاجەت؟

ايماقتار • بۇگىن، 09:17

قورعانىس-ونەركاسىپ كەشەنى

قوعام • بۇگىن، 07:59

ۇزدىكتەر ماراپاتتالدى

فۋتبول • بۇگىن، 07:57

جاستار جارادى

سپورت • بۇگىن، 07:51

جەرلەستەرىمىز جوعارىلادى

كاسىپقوي بوكس • بۇگىن، 07:50

فرونت-كەڭسە اشىلدى

ايماقتار • بۇگىن، 07:31

قورشاۋدان قۇتىلعان قالا

قوعام • بۇگىن، 07:28

اناعا تاعزىم ەتىڭدەر!

رۋحانيات • بۇگىن، 06:57

ۇمىتىڭدى ۇزبە، ۇلەسكەر...

قوعام • بۇگىن، 06:51

ۇلىلار مۇراسى – ۇرپاققا ونەگە

ايماقتار • بۇگىن، 06:42

«اتىڭنان اينالايىن، اۋليە اتا»

رۋحانيات • بۇگىن، 06:40

ەل ارداعى – ەلۋ ەسىم

قوعام • بۇگىن، 06:20

ون ايداعى ورنىقتى دامۋ

ەكونوميكا • بۇگىن، 06:17

ستراتەگيالىق ىقپالداستىق ارتادى

پارلامەنت • بۇگىن، 06:09

ميسسيا باسشىسىمەن كەزدەستى

ۇكىمەت • بۇگىن، 06:08

ۇقساس جاڭالىقتار