ونەركاسىپتە تۇراقتى ءوسۋ بار
سەيسەنبى, 5 اقپان 2013 7:33
تاياۋدا يندۋستريا جانە جاڭا تەحنولوگيالار مينيسترلىگىنىڭ كەڭەيتىلگەن القا ءماجىلىسى ءوتتى, دەپ حابارلادى مينيسترلىكتىڭ اقپارات باسقارماسى. وعان پرەزيدەنت اكىمشىلىگىنىڭ, پرەمەر-مينيستر كەڭسەسىنىڭ, ۇكىمەتتىك ەمەس ۇيىمداردىڭ وكىلدەرى, وبلىس اكىمدەرىنىڭ ورىنباسارلارى جانە پارلامەنت دەپۋتاتتارى شاقىرىلدى.
ماجىلىستە پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ بايانداما جاسادى.
سەيسەنبى, 5 اقپان 2013 7:33
تاياۋدا يندۋستريا جانە جاڭا تەحنولوگيالار مينيسترلىگىنىڭ كەڭەيتىلگەن القا ءماجىلىسى ءوتتى, دەپ حابارلادى مينيسترلىكتىڭ اقپارات باسقارماسى. وعان پرەزيدەنت اكىمشىلىگىنىڭ, پرەمەر-مينيستر كەڭسەسىنىڭ, ۇكىمەتتىك ەمەس ۇيىمداردىڭ وكىلدەرى, وبلىس اكىمدەرىنىڭ ورىنباسارلارى جانە پارلامەنت دەپۋتاتتارى شاقىرىلدى.
ماجىلىستە پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ بايانداما جاسادى.
كۇن تارتىبىندە وتكەن جىلعى يجتم جۇمىسىنىڭ قورىتىندىسى جانە 2013 جىلعا ارنالعان مىندەتتەر, «قازاقستاننىڭ دامۋ بانكى» اق-تىڭ قىزمەتى جانە 2013 جىلعا ارنالعان باسىمدىقتى مىندەتتەر تۋرالى ماسەلەلەر قارالدى.
2012 جىلى وڭدەۋشى ونەركاسىپتىڭ تۇراقتى ءوسۋ قارقىنى جالعاستى. ءوسىم, اسىرەسە, ماشينا جاساۋ سالاسىندا (16,2%), وزگە دە مەتالل ەمەس مينەرالدى ءونىم وندىرىسىندە (10,6%), جەڭىل ونەركاسىپتە (8,3%), حيميا ونەركاسىبىندە (5,9%), فارماتسەۆتيكا ونەركاسىبىندە (5,6%) بايقالادى. وڭدەۋشى ونەركاسىپتىڭ بەلسەندى دامۋى تۇتاستاي العاندا بارلىق ونەركاسىپتىڭ 0,5% ءوسۋىن قامتاماسىز ەتتى. تاۋ-كەن ءوندىرۋ سەكتورىندا ءوسىم 0,2% قۇرادى. ۋران ءوندىرۋ كولەمى 21242 توننانى قۇرادى, ول وتكەن جىلدىڭ كولەمىنەن 9%-عا ارتتى.
وڭدەۋشى ونەركاسىپتەگى ەڭبەك ونىمدىلىگى 1,4 ەسە ۇلعايدى. ماسەلەن, ماشينا جاساۋداعى ەڭبەك ونىمدىلىگى شامامەن – 2, وزگە دە مەتالل ەمەس مينەرالدى ءونىم شىعارۋ – 1,9, مەتاللۋرگيا – 1,9, حيميا – 1,8, جەڭىل ونەركاسىپ – 1,3, فارماتسەۆتيكا ونەركاسىبى 1,3 ەسە ارتتى.
1993 جىلدان باستاپ 2012 جىلعى 30 قىركۇيەك ارالىعىندا ەل ەكونوميكاسىنا 165,5 ملرد. اقش دوللارىن قۇرايتىن تىكەلەي شەتەلدىك ينۆەستيتسيالار تارتىلدى. 2012 جىلدىڭ 9 ايىندا ول 17 ملرد. اقش دوللارىن قۇرادى.
2012 جىلى يندۋستريالاندىرۋ كارتاسى شەڭبەرىندە جالپى سوماسى 313 ملرد. تەڭگەنىڭ 162 جوباسى ىسكە اسىرىلدى. 2012 جىل ءۇشىن ستاتيستيكا اگەنتتىگىنىڭ دەرەكتەرى بويىنشا پايدالانۋعا بەرىلگەن جوبالار 913 ملرد. تەڭگەدەن استام سوماعا ءونىم شىعاردى نەمەسە ونەركاسىپتىك ءوندىرىستىڭ جالپى كولەمىنىڭ 5,5%-ىن قۇرادى. وڭدەۋشى ونەركاسىپتەگى ۇلەس 8%-دى (5,2 ترلن. تەڭگەدەن 421,5 ملرد. تەڭگە) قۇرادى.
2012 جىلى تەحنولوگيالىق بيزنەس-ينكۋباتسيالاۋ باعدارلاماسى بويىنشا 20 جوبا ىرىكتەلدى. استانا, الماتى, قاراعاندى, پاۆلودار, ورال, وسكەمەن, شىمكەنت قالالارىنداعى عزي جانە ۋنيۆەرسيتەتتەر جانىندا 15 كوممەرتسيالاندىرۋ وفيستەرى جانە الماتى مەن قاراعاندى قالالارىندا 2 وڭىرلىك كوممەرتسيالاندىرۋ ورتالىعى قۇرىلدى.
بارلىعى 2012 جىلى كوممەرتسيالاندىرۋعا ارنالعان جوبالار بويىنشا 148 ءوتىنىم كەلىپ ءتۇستى, ونىڭ ىشىندە, تۇجىرىمدامانى نەگىزدەۋگە 38 جوبا, ودان ءارى كوممەرتسيالاندىرۋ ءۇشىن 20 جوبا ىرىكتەلدى.
ەلىمىزدە 6 قازاقستاندىق جانە 5 شەتەلدىك ۆەنچۋرلىك قور جۇمىس ىستەيدى. تمد اۋماعىندا العاش رەت «ادۆانت» جانە «Almaty Venture Capital» ۆەنچۋرلىك قورلارىنا مەملەكەتتىك ينۆەستيتسيالاردى تابىستى قايتارۋ جۇزەگە اسىرىلدى. جالپى پايدا – 58,2 ملن. تەڭگە.
ەلەكتر ەنەرگياسىن ءوندىرۋ 90,2 ملرد.كۆت/ساع. (104,6%), تۇتىنۋ 91,4 ملرد. كۆت/ساع. (103,7%) قۇرادى. ەلەكتر ەنەرگياسىنىڭ يمپورتى 2,56 ملرد. كۆت/ساع., ەكسپورت – 1,36 ملرد. كۆت/ساع. قۇرادى.
ەنەرگيانىڭ جاڭعىرتىلاتىن كوزدەرىنەن وندىرىلەتىن ەلەكتر ەنەرگياسىنىڭ كولەمى 2011 جىلى 0,42 ملرد.كۆت/ساعاتتان 0,45 ملرد.كۆت/ساعاتقا (106,4%) دەيىن ارتتى.
ءۇيمدب شەڭبەرىندە ىسكە اسىرۋعا جوسپارلانعان 13 جوبادان وتكەن 3 جىل ءۇشىن 7 جوبا پايدالانۋعا بەرىلدى. ولاردىڭ ىشىندە, وتكەن جىلى مويناق گەس (300 مۆت), اقشابۇلاق كەن ورنىنداعى گجەس (87 مۆت), ەكىباستۇز گرەس-1-ءدىڭ № 8 ەنەرگوبلوگى (500 مۆت) قالپىنا كەلتىرىلدى.
2009 جىلدان باستاپ ەلەكتر ەنەرگەتيكاسىنداعى تاريف بەلگىلەۋدىڭ جاڭا تەتىگى ەنگىزىلدى. باعا بەلگىلەۋدىڭ جاڭا تەتىگى ناتيجەسىندە («شەكتى تاريفتەر») 2009-2012 جىلدارى ەنەرگيا گەنەراتسيالاناتىن قۋاتتىلىقتاردى قالپىنا كەلتىرۋگە, قايتا جاڭعىرتۋعا جانە جاڭعىرتۋعا ارنالعان جالپى سوما 501,745 ملرد. تەڭگەنى قۇرادى. شەكتى تاريفتەر شەڭبەرىندە 1250 مۆت ەنگىزىلدى. 2012 جىلى 34 ەنەرگيا وندىرەتىن ۇيىمدار جاڭعىرتۋ جۇمىستارىنا 184 ملرد. تەڭگە ينۆەستيتسيا سالدى.
2012 جىلى كومىر ءوندىرۋ كومپانيالارى 114,3 ملن. توننا كومىر ءوندىردى. ىشكى رىنوكقا 77,3 ملن. توننا, ەكسپورتقا 32,8 ملن. توننا جەتكىزىلدى. قازاقستاندىق تۇتىنۋشىلارعا جەتكىزىلگەن كومىردىڭ جالپى كولەمىنەن 73,2 % نەمەسە 56,5 ملن. توننا ەنەرگيا وندىرەتىن كاسىپورىندارعا جونەلتىلدى.
«ەنەرگيانى ۇنەمدەۋ جانە ەنەرگيا تيىمدىلىگىن ارتتىرۋ تۋرالى» جانە «ەنەرگيانى ۇنەمدەۋ جانە ەنەرگيا تيىمدىلىگىن ارتتىرۋ ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭدار قابىلداندى. 2012-2015 جىلدارعا ارنالعان ەنەرگيا تيىمدىلىگىن ارتتىرۋ جونىندەگى كەشەندى جوسپار ىسكە اسىرىلۋدا.
ەنەرگيا ۇنەمدەۋ سالاسىنداعى كادرلاردى دايارلاۋ جانە ولاردىڭ بىلىكتىلىگىن ارتتىرۋ جونىندەگى وقۋ ورتالىقتارى قۇرىلعان. قازىردىڭ وزىندە ەل كاسىپورىندارىنىڭ 500-دەن استام ماماندارى وقىتۋدان ءوتتى.
ەنەرگيا ۇنەمدەۋ سالاسىنداعى حالىقارالىق ىنتىماقتاستىق دامۋدا. ماسەلەن, گفر, اقش, جاپونيا, نورۆەگيا جانە نيدەرلاند كورولدىكتەرى ۇكىمەتتەرىمەن كەلىسىمدەر مەن مەموراندۋمدارعا قول قويىلدى جانە ولار ىسكە اسىرىلۋدا.
ەنەرگيا اۋديتپەن, ەنەرگيا مەنەدجمەنت جۇيەسىن ەنگىزۋمەن, كونسالتينگتىك قىزمەتتەرمەن, ينۆەستيتسيالاردى تارتۋمەن اينالىساتىن بولاتىن, قازاقستان-گەرمانيا ەنەرگيا تيىمدىلىگى ورتالىعى قۇرىلعان.
ءسوزىنىڭ سوڭىندا ۆيتسە-پرەمەر تۇتاستاي العاندا, مەملەكەت باسشىسىنىڭ بارلىق تاپسىرمالارىنىڭ ۋاقتىلى جانە ساپالى ورىندالۋىن قامتاماسىز ەتۋ جانە ءىجو-ءنىڭ 7 پايىزدىق ءوسىمىن قامتاماسىز ەتۋ ءۇشىن مينيسترلىك جەتەكشىلىك ەتەتىن سالالارداعى جوسپارلانعان كورسەتكىشتەرگە قول جەتكىزۋ جونىنەن قاجەتتى شارالاردى قابىلداۋ قاجەت, دەپ اتاپ ءوتتى.
