وتكەن جىل قورىتىندىلارى نە دەيدى؟
سەيسەنبى, 22 قاڭتار 2013 7:06
دۇنيە ديدارىن جايلاعان داعدارىستىڭ سوزىلمالى سىرقاتقا اينالىپ بارا جاتقان ءتۇرى بار. سىرقات بولعاندا دا, وسى وتكەن مەرزىم ىشىندە وعان قارسى ەشقانداي داۋانىڭ تابىلماۋىنا قاراعاندا, ونىڭ مۇلدە ەم قونبايتىن سىرقات بولىپ شىعۋى دا ابدەن مۇمكىن. قازىرگى تاڭدا دۇنيەنىڭ ءتورت بۇرىشىندا بولىپ جاتقان وقيعالار ءدال وسىنداي ويلارعا جەتەلەيدى. راس كەيبىر الدىن الا جاسالعان بولجامدار جۇرتشىلىقتى بولاشاقتا جاعداي جاقسارادى دەگەنگە سەندىرگىسى دە كەلەدى. دەگەنمەن, الەمنىڭ ءار تۇكپىرىنەن جەتىپ جاتاتىن اقپاراتتاردا كوڭىل جۇباتارلىق جاقسىلىقتاردان گورى, الاڭداتارلىق مالىمەتتەر باسىمداۋ.
سەيسەنبى, 22 قاڭتار 2013 7:06
دۇنيە ديدارىن جايلاعان داعدارىستىڭ سوزىلمالى سىرقاتقا اينالىپ بارا جاتقان ءتۇرى بار. سىرقات بولعاندا دا, وسى وتكەن مەرزىم ىشىندە وعان قارسى ەشقانداي داۋانىڭ تابىلماۋىنا قاراعاندا, ونىڭ مۇلدە ەم قونبايتىن سىرقات بولىپ شىعۋى دا ابدەن مۇمكىن. قازىرگى تاڭدا دۇنيەنىڭ ءتورت بۇرىشىندا بولىپ جاتقان وقيعالار ءدال وسىنداي ويلارعا جەتەلەيدى. راس كەيبىر الدىن الا جاسالعان بولجامدار جۇرتشىلىقتى بولاشاقتا جاعداي جاقسارادى دەگەنگە سەندىرگىسى دە كەلەدى. دەگەنمەن, الەمنىڭ ءار تۇكپىرىنەن جەتىپ جاتاتىن اقپاراتتاردا كوڭىل جۇباتارلىق جاقسىلىقتاردان گورى, الاڭداتارلىق مالىمەتتەر باسىمداۋ.
جاھاندىق قارجى داعدارىسى باستالعاننان كەيىن ءتورت جىل وتكەندە الەمدىك ەكونوميكا سول باياعى تۇراقسىز كۇيىندە قالىپ وتىر, ال تابىستارىنىڭ دەڭگەيى جوعارى ەلدەردەگى ءوسىم بۇرىنعىسىنشا ءالى دە ونشالىقتى ايتارلىقتاي ەمەس. وسىنداي پىكىرلەر كەلتىرىلگەن دۇنيەجۇزىلىك بانكتىڭ تاياۋدا جاريالانعان «جاھاندىق ەكونوميكالىق پەرسپەكتيۆالار» اتتى بايانداماسىندا دامۋشى ەلدەرگە ەۋروايماققا جانە اقش-تىڭ سالىقتىق-بيۋدجەتتىك ساياساتىنا بايلانىستى تاۋەكەلدەردى ازايتۋ ءۇشىن كۇش-جىگەردى بۋفەرلىك مەحانيزمدەردى نىعايتۋمەن قاتار, ءوزىنىڭ ەكونوميكالىق ءوسۋ الەۋەتىن دامىتۋعا شوعىرلاندىرۋ قاجەت ەكەندىگى اتاپ كورسەتىلگەن.
«ەكونوميكانىڭ قالپىنا كەلۋ ۇدەرىسى احۋالدى تەز ارادا جاقسارتۋ جانە نەعۇرلىم سەنىمدى ەكونوميكالىق وسىمگە قايتا ورالۋ پەرسپەكتيۆالارىن كۇڭگىرتتەندىرە وتىرىپ, تۇراقسىز جانە بەلگىسىز كۇيىندە قالۋدا, – دەپ مالىمدەدى دۇنيەجۇزىلىك بانك توبىنىڭ پرەزيدەنتى دجيم ەن كيم. – وسى ۋاقىتتارعا دەيىن دامۋشى ەلدەر ەرەكشە تۇراقتىلىق تانىتتى. دەگەنمەن «قول قۋسىرىپ وتىرۋعا» جانە تابىس دەڭگەيلەرى جوعارى ەلدەردەگى ەكونوميكالىق ءوسىمنىڭ قايتا قالپىنا كەلۋىن كۇتىپ وتىرا بەرۋگە بولمايدى, سوندىقتان دا ءبىز دامۋشى ەلدەرگە ينفراقۇرىلىمعا, دەنساۋلىق ساقتاۋ مەن ءبىلىم بەرۋگە ينۆەستيتسيالاردى قارجىلاندىرۋ تۇرعىسىندا ودان ءارى دە ىقپال ەتە بەرۋىمىز كەرەك. ول, ءوزىمىز بىلەتىندەي, ولاردىڭ بولاشاقتا قول جەتكىزۋى مۇمكىن ەكونوميكالىق ءوسىمىن جەدەلدەتۋ ءۇشىن نەگىز قالايدى».
وتكەن جىلى دامۋشى ەلدەردە سوڭعى ونجىلدىقتاعى ەڭ ءبىر تومەنگى ەكونوميكالىق ءوسۋ قارقىنى بايقالدى, ونىڭ ءوزى بەلگىلى ءبىر جاعدايدا ەۋروايماقتا 2012 جىلدىڭ مامىر-ماۋسىم ايلارىنداعى ءدۇدامالدىقتىڭ وسۋىنە بايلانىستى ورىن الدى. سودان بەرى الەمدىك قارجى رىنوگىنداعى كونيۋنكتۋرا ايتارلىقتاي جاقساردى. دامۋشى ەلدەرگە الەمدىك كاپيتالدىڭ قۇيىلۋى قايتا قالپىنا كەلدى (2012 جىلدىڭ ەكىنشى توقسانىندا ونىڭ 30 پايىزعا قۇلاعانىنا قاراماستان), ال وبليگاتسيالار شامامەن 282 بازيستىك پۋنكتكە تەڭ ۇزاق مەرزىمدى ورتادان تومەن دەڭگەيگە دەيىن تومەندەدى. ماۋسىم ايىمەن سالىستىرعاندا دامۋشى ەلدەردىڭ قور يندەكسى 12,6 پايىزعا ءوستى, ال بۇل ۋاقىتتا تابىس دەڭگەيلەرى جوعارى ەلدەردەگى قور رىنوكتارىنىڭ ءوسۋى 10,7 پايىزدى قۇرادى. دەگەنمەن, ورىن العان وزگەرىستەرگە ەكونوميكانىڭ ناقتى سەكتورى تاراپىنان بولعان رەاكتسيا ءبىر قالىپتى دەڭگەيدە قالدى. دامۋشى ەلدەردەگى ءوندىرىس كولەمى ءوستى, بىراق بۇعان ينۆەستيتسيالار دەڭگەيى مەن ەكونوميكالارى دامىعان ەلدەردەگى ونەركاسىپتىك بەلسەندىلىكتىڭ تومەندىگى تەجەۋشىلىك كەلتىرۋدە. بولجامدار, مىنە, وسىلاي دەيدى.
«ەكونوميكانى U ۇلگىسىندەگى تراەكتوريامەن قالپىنا كەلتىرۋگە دەگەن ءۇمىت W ۇلگىسىندەگى تراەكتورياعا دەگەن ۇمىتكە اۋىستى, ەندىگى جەردە الەمدىك ءوسىمنىڭ «الفاۆيتتىك» بولجامى بارعان سايىن كۇردەلەنە تۇسۋدە. ازىرگە تابىس دەڭگەيلەرى جوعارى ەلدەر ۇكىمەتتەرى وزدەرىنىڭ فيسكالدىق ساياساتىنىڭ تۇراقتىلىعىن ارتتىرۋعا تالپىنىپ جاتقاندا, ولاردىڭ وزدەرىنىڭ فيسكالدىق جانە اقشا-كرەديت ساياساتى سەنىمدى جانە ىشكى رىنوكتا قالىپتاسقان جاعدايلاردى ەسكەرۋى ءۇشىن دامۋشى ەلدەر ەكونوميكاسى دامىعان ەلدەردەگى ءاربىر تەربەلىستى الدىن الا بولجاۋعا دەگەن نيەتتەن باس تارتۋى ءتيىس», دەپ اتاپ ءوتتى دۇنيەجۇزىلىك بانكتىڭ اعا ۆيتسە-پرەزيدەنتى جانە باس ەكونوميسى كاۋشيك باسۋ.
دۇنيەجۇزىلىك بانكتىڭ باعالاۋىنا ءسايكەس, الەمدىك ىشكى جالپى ءونىمنىڭ ءوسۋى وتكەن جىلدىڭ ماۋسىم ايىنداعى بولجام بويىنشا 2,5 پايىز مولشەرىندە بولادى دەلىنگەنىمەن, 2012 جىلى 2,3 عانا پايىزدى قۇرادى. 2013 جىلى ءوسۋ قارقىنى ءىس جۇزىندە وزگەرمەيدى, ءسويتىپ 2,4 پايىزدى قۇرايتىن بولادى دەپ كۇتىلۋدە, ال ودان كەيىن بىرتىندەپ ۇلعايىپ, 2014 جىلى 3,1 پايىزعا, ال 2015 جىلى 3,3 پايىزعا جەتەدى. ەسەپتەۋلەر كورسەتىپ وتىرعانداي, دامۋشى ەلدەردەگى ءىجو 2012 جىلى 5,1 پايىزعا ءوستى جانە تيىسىنشە 2013 جىلى – 5,5, 2014 جىلى – 5,7 جانە 2015 جىلى 5,8 پايىزعا ارتۋعا ءتيىس. تابىس دەڭگەيلەرى جوعارى ەلدەردەگى ءوسىمدى باعالاۋ وسىعان دەيىنگى بولجامدارمەن سالىستىرعاندا تومەندەۋ جاعىنا قاراي قايتا قارالدى جانە ول 2012-2013 جىلدارى 1,3 پايىزدى قۇراپ, ودان كەيىن 2014 جىلى 2 پايىزعا جانە 2015 جىلى 2,3 پايىزعا ۇلعاياتىن بولادى. ەگەر ەۋروايماق ەلدەرىندەگى وسىمگە كەلەر بولساق, ەندىگى جەردە وڭ ماڭىزعا قاراي وسىمگە ورالۋ تەك 2014 جىلى عانا بولادى دەپ بولجانىپ وتىر. ال 2013 جىلى ءىجو 0,1 پايىزعا قىسقارادى دەپ كۇتىلۋدە, ودان كەيىن ول 2014 جىلى 0,9 پايىزعا جانە 2015 جىلى 1,4 پايىزعا ارتاتىن بولادى. بۇتىندەي العاندا, 2012 جىلى كولەمى نەبارى 3,5 پايىزعا عانا ۇلعايعان الەمدىك تاۋارلار مەن قىزمەتتەر ساۋداسىنىڭ ءوسۋ قارقىنى 2013 جىلى 6 پايىزعا جانە 2015 جىلى 7 پايىزعا جەتۋى ءتيىس. مىنە, ءوزىمىز اڭعارىپ وتىرعانداي, جوعارىدا كەلتىرىلگەن ساندار ناقا بورىكتى اسپانعا اتا قۋاناتىنداي تسيفرلار ەمەس, تەك كوڭىلگە دەمەۋ بولارلىقتاي عانا كورسەتكىشتەر.
«تابىس دەڭگەيلەرى جوعارى ەلدەر ەكونوميكالارىنىڭ وسالدىعى دامۋشى ەلدەر ەكونوميكالارىنىڭ وسۋىنە تەجەۋ جاساۋدا. دەگەنمەن, بۇل جاعدايدا ىشكى سۇرانىس دەڭگەيىنىڭ جوعارىلىعى مەن «وڭتۇستىك-وڭتۇستىك» جەلىسى بويىنشا ەكونوميكالىق بايلانىستاردىڭ نىعايۋى دامۋشى ەلدەر ەكونوميكالارىنىڭ تۇراقتىلىعىنا سەنىمدى تىرەك قىزمەتىن اتقارادى, سونىڭ ارقاسىندا 2012 جىلى (وسىمەن ەكىنشى جىل قاتارىنان) دامۋشى ەلدەردىڭ ۇلەسىنە الەمدىك ءوسىمنىڭ جارتىسىنان استامى ءتيىپ وتىر», دەيدى دۇنيەجۇزىلىك بانكتىڭ ەكونوميكالىق بولجامداۋ دەپارتامەنتىنىڭ ديرەكتورى حانس تيممەر.
ەۋروايماقتاعى داعدارىستى رەتتەۋدە العا باسۋشىلىقتىڭ بولماۋى, اقش-تاعى بورىشتىق جانە فيسكالدىق پروبلەمالار, قىتاي ەكونوميكاسىنا ينۆەستيتسيالاردىڭ كۇرت قىسقارۋ مۇمكىندىگى, سونداي-اق الەمدىك رىنوكقا مۇناي جەتكىزۋدەگى ىركىلىستەر جاھاندىق ەكونوميكانىڭ دامۋىن باياۋلاتۋى مۇمكىن تاۋەكەلدەر قاتارىنا جاتادى. دەگەنمەن, بىرقاتار بولجامدارعا قاراعاندا, وسىناۋ تاۋەكەلدەردىڭ ىسكە اسۋ ىقتيمالدىعى مەن الەۋەتتى تەرىس ىقپالدارى ازايدى, ال تابىس دەڭگەيلەرى جوعارى ەلدەر ەكونوميكالارىنىڭ تەز قالپىنا كەلۋ مۇمكىندىگى كۇتكەندەگىدەن كورى ارتا ءتۇستى.
دامۋشى ەلدەردىڭ باسىم كوپشىلىگىندە فيسكالدىق تۇراقتىلىق پروبلەماسىنىڭ بولماۋى جاعدايىندا بۇل ەلدەردەگى مەملەكەتتىك بيۋدجەت تاپشىلىعى مەن مەملەكەتتىك بورىش 2007 جىلعا قاراعاندا اناعۇرلىم كوپ.
«ءوز ەكونوميكاسىنىڭ, ونىڭ ءوسۋىن باياۋلاتاتىن تاۋەكەلدەردىڭ تەرىس ىقپالىنا تۇراقتىلىعىن ارتتىرۋ ءۇشىن دامۋشى ەلدەر جۇقارعان بيۋدجەتتىك جانە ۆاليۋتالىق رەزەرۆتەرىن بىرتىندەپ قالپىنا كەلتىرىپ, حالىقتى الەۋمەتتىك قورعاۋ جۇيەسىن نىعايتىپ جانە ازىق-ت ۇلىك قاۋىپسىزدىگىن ارتتىرۋى ءتيىس», دەپ اتاپ كورسەتتى الەمدىك ماكروەكونوميكا ماسەلەلەرى جونىندەگى باسقارۋشى جانە باياندامانىڭ جەتەكشى اۆتورى ەندريۋ بەرنس.
بەلگىلى بولعان باعالاۋلار بويىنشا, 2012 جىلى شىعىس ازيا جانە تىنىق مۇحيتى وڭىرىندە ەكونوميكالىق ءوسىم باياۋلاپ, 7,5 پايىزدى قۇرادى. ول 2011 جىلى 8,3 پايىز بولعان ەدى. مۇنىڭ ءوزى سىرتقى سۇرانىستىڭ تومەن دەڭگەيىنە جانە قىتايدا ينفلياتسيانى تەجەۋگە باعىتتالىپ قولعا الىنعان ەكونوميكالىق شارالارعا بايلانىستى ورىن الىپ وتىر. ىشكى سۇرانىستىڭ تۇراقتى بولۋىنا بايلانىستى قىتايدى ەسكەرمەگەندە وڭىردەگى تومەندەۋ ونشا ەلەۋلى بولا قويعان جوق. جىل سوڭىنا قاراي قارجى رىنوكتارىن تۇراقتاندىرۋ شارالارىنا جانە قىتايدىڭ ەكونوميكالىق ساياساتتى جۇمسارتۋىنا بايلانىستى بۇكىل ءوڭىر اۋماعىندا ەكونوميكالىق بەلسەندىلىك ارتا ءتۇستى. بولجام كورسەتىپ وتىرعانداي, وڭىرلىك ءىجو-ءنىڭ ءوسۋى 2013 جىلى 7,9 پايىزعا ءوسىپ, 2015 جىلعا قاراي شامامەن 7,5 پايىز دەڭگەيىندە تۇراقتالاتىن بولادى. بۇل جاعدايدا قىتاي ەكونوميكاسىنىڭ ءوسىمى 2013 جىلى 8,4 پايىزدى قۇراپ, 2015 جىلعا قاراي 7,9 پايىزعا دەيىن قىسقاراتىن بولادى.
بولجامدارعا سايكەس, ەۋروپا مەن ورتالىق ازيا وڭىرىندە ءىجو-ءنىڭ ءوسۋ قارقىنى 2012 جىلى 2011 جىلعى 5,6 پايىزدان 3 پايىزعا دەيىن كۇرت قىسقاردى. وعان نەگىزىنەن ءوڭىردىڭ سىرتقى سۇرانىس دەڭگەيىنىڭ تومەندىگى, ەۋروپالىق بانكتەر تاراپىنان بورىشتىق قارجىلاندىرۋدى قىسقارتۋ, وتكەن جازداعى قۇرعاقشىلىق, سول سياقتى شيكىزات باعالارى تۋىنداتقان ينفلياتسيالىق قىسىم سياقتى پروبلەمالار سەبەپكەر بولدى. اسىرەسە, ەۋروايماقپەن تىعىز ەكونوميكالىق بايلانىس ورناتقان ەلدەردەگى ءوسىم ايتارلىقتاي دارەجەدە كوبىرەك باياۋلادى. ونىڭ ەسەسىنە تابيعي بايلىقتارى مول مەملەكەتتەر شيكىزات باعاسىنىڭ ءوسۋىنەن ۇتىسقا شىعىپ, سونىڭ ارقاسىندا ءوسىم ايتارلىقتاي تۇراقتى كۇيىندە قالدى. بولجامدارعا سايكەس 2013 جىلى وڭىرلىك ىشكى جالپى ءونىمنىڭ ءوسۋ قارقىنى 3,6 پايىزعا, ال 2015 جىلى 4,4 پايىزعا جەتپەك.
2012 جىلى لاتىن امەريكاسى مەن كاريب باسسەينى ەلدەرى وڭىرىندەگى ءىجو-ءنىڭ ءوسۋى 3 پايىزعا دەيىن قىسقاردى. ول 2011 جىلى 4,3 پايىزدى قۇراعان بولاتىن. بۇعان بىرقاتار ءىرى ەلدەردەگى ىشكى سۇرانىستىڭ قۇلدىراۋى جانە سىرتقى كونيۋنكتۋراداعى قولايسىزدىق سەبەپكەر بولدى. وڭىردەگى ەڭ ءىرى ەكونوميكا – برازيليادا ەسەپتى ءوسۋ قارقىنى 2012 جىلى نەبارى 0,9 پايىزعا عانا جەتتى. وسىعان بايلانىستى بىرقاتار ءىرى ەلدەر قازىردىڭ وزىندە ينفراقۇرىلىمدىق ينۆەستيتسيالار كولەمىن ۇلعايتۋ شارالارىمەن قاتار, ەڭبەك قاتىناستارى جانە سالىق سالۋ سالالارىندا رەفورمالار جۇرگىزۋدە. مۇنىڭ ءوزى وڭىردەگى ءوسىمدى تەجەپ وتىرعان كەيبىر قۇرىلىمدىق پروبلەمالاردى شەشۋگە جاعداي جاساۋى ءتيىس.
تاياۋ شىعىس پەن سولتۇستىك افريكا وڭىرىندەگى ءوسىم قارقىنىنا بۇرىنعىسىنشا ساياسي بەلگىسىزدىك پەن كەيبىر ەلدەردەگى ىشكى تولقۋلار كەرى اسەر ەتۋدە. باعالاۋلار بويىنشا وڭىرلىك ءىجو 2012 جىلى 3,8 پايىزعا وسكەن. ول 2011 جىلى 2,4 پايىزعا قىسقارعان بولاتىن. وسىمگە ءبىراز ۋاقىت سوعىس ءورتى قۇرساۋىندا بولعان ليۆيا مۇنايىن ءوندىرۋدىڭ قايتا قالپىنا كەلتىرىلۋى مەن يراك ەكونوميكاسىنىڭ ودان ءارى سەنىمدى تۇردە ءوسۋى تۇرتكى بولدى. سونىمەن بىرگە, وسى وڭىردەگى مۇناي يمپورتتاۋشى ەلدەردەگى ەكونوميكالىق ءوسىم سىلبىر كۇيىندە قالۋدا. باعالاۋلار بويىنشا, ول 2012 جىلى 2,5 پايىزدى قۇرادى. بولجام كورسەتىپ وتىرعانداي, 2013 جىلى وڭىرلىك ءىجو-ءنىڭ ءوسۋ قارقىنى 3,4 پايىزعا دەيىن تومەندەپ, تەك 2015 جىلى عانا 4,3 پايىزعا ۇلعايماق. مۇنداي بولجامدار قازىرگى ورىن العان بەلگىسىزدىك ازايىپ, ىشكى تولقۋلار تىنىشتالادى, سونىڭ ارقاسىندا تۋريستەر اعىمى ارتىپ, وڭىرلىك ەكسپورت كولەمى قايتادان ۇلعاياتىن بولادى دەگەن كوزقاراستارعا ارقا سۇيەپ وتىر.
وڭتۇستىك ازيا وڭىرىندە ءىجو-ءنىڭ ەسەپتى ءوسۋ قارقىنى 2012 جىلى 5,4 پايىزعا دەيىن قۇلدىرادى. وعان نەگىزىنەن ۇندىستانداعى ەكونوميكالىق ءوسىمنىڭ كۇرت قىسقارۋى سالقىنىن تيگىزدى. بولجامدار بويىنشا ۇستىمىزدەگى قارجى جىلىندا ءىجو ءوسىمى 5,4 پايىزدى قۇرايتىن بولادى. سىرتقى الەمدىك سۇرانىستىڭ تومەندىگى وڭىرگە ءتان ەرەكشە فاكتورلارعا دەگەن ىقپالدى بۇرىنعىدان دا بەتەر كۇشەيتە تۇسكەن, دەيدى وسى ماسەلەگە قاتىستى پىكىر بىلدىرۋشىلەر. ولاردىڭ قاتارىندا ەكونوميكالىق ساياساتتىڭ بەيمالىمدىگى, سونىمەن بىرگە, مۋسسوندى جاڭبىرلار ماۋسىمىندا جىلداعىداي نوسەر جاۋىنداردىڭ بولماۋى سياقتى فاكتورلار بار.
ساحارانىڭ وڭتۇستىگىندەگى افريكا ەلدەرىندە 2012 جىلى 4,6 پايىز مولشەرىندەگى سەنىمدى ءوسىم ساقتالدى. وسى ءوڭىردەگى ەڭ ءىرى ەكونوميكا سانالاتىن وڭتۇستىك افريكانى قوسپاعاندا وڭىرلىك ءىجو كولەمى 2012 جىلى 5,8 پايىزعا ارتتى. سونىمەن بىرگە, وڭىردەگى ەلدەردىڭ 3,1-ءى كەم دەگەندە 6 پايىز ءوسىمدى كورسەتىپ وتىر. مۇنداي وسىمگە ىشكى سۇرانىستىڭ تۇراقتى بولۋى, شيكىزاتقا جوعارى باعالاردىڭ ساقتالۋى جانە ەكسپورت كولەمىنىڭ ارتۋى مەن ەڭبەك ميگرانتتارىنان اقشالاي اۋدارىمدار اعىنىنىڭ تۇراقتى بولۋى جاعداي جاسادى. بولجامدارعا ءسايكەس 2013-2015 جىلدارى اتالعان وڭىردە ءوسىم 5 پايىز شاماسىنا تەڭ داعدارىسقا دەيىنگى ورتا جاعدايدا ساقتالاتىن بولادى.
وتكەن جىلدىڭ كەيبىر قورىتىندىلارى مەن الداعى جىلدارعا قاتىستى دۇنيەجۇزىلىك بانك جاريالاعان باياندامادا كەلتىرىلگەن مالىمەتتەر نەگىزىنەن العاندا, مىنە, وسىنداي. جوعارىدا ايتىپ كەتكەنىمىزدەي, جاعداي جاقسارىپ كەلەدى دەۋگە ءالى ەرتەرەك. ال, الداعىنىڭ قالاي بولارىن, ارينە, ۋاقىت كورسەتەدى.
سەيفوللا شايىنعازى,
«ەگەمەن قازاقستان».
