ساياسات • 10 شىلدە، 2019

انالاردىڭ ايلىعى ارتتى

218 رەت كورسەتىلدى

قىزىلوردا وبلىسىنداعى «جاڭاقورعان» شيپاجايىندا ەڭبەك ەتەتىن كوپ بالالى جانە جالعىزباستى انالاردىڭ ەڭبەكاقىسى وسىدان ءۇش اي بۇرىن كوبەيىپ، الەۋمەتتىك جاعدايلارى ءبىرشاما جاقسارعان بولاتىن. ەندى وسى يگىلىكتى ءىس تۇركىستان وبلىسىنىڭ «مانكەنت» شيپاجايىندا جالعاسىن تاپتى.

– ەلباسى نۇرسۇلتان نازارباەۆ كوپ بالالى انالارعا الەۋمەتتىك كومەكتىڭ بارلىق ءتۇرىن قاراستىرۋ جونىندە تاپسىرما بەرگەن بولاتىن. مۇنى ەڭبەك ۇجىمدارى ارقىلى شەشۋگە ەلىمىزدە مۇمكىندىك بار. ماسەلەن، ءبىز تومەن جالاقى الاتىن جۇمىسكەرلەردىڭ ەڭبەك­اقىلارىن كوتەرۋ، كوپ بالالى انالارعا جاردەماقى تولەۋ، ومىرگە كەلگەن ءاربىر ءسابيدىڭ اتا-اناسىنا ماتەريالدىق كومەك كورسەتۋ ماسەلەلەرىن ۇدايى كوتەرىپ كەلەمىز. بۇل وزەكتى ماسەلە ۇجىمدىق شارتتا كورىنىس تابۋى ءتيىس. «مانكەنت» شيپاجايىنىڭ باسشىلىعى دا وسىنداي قادامعا بارىپ، ۇجىمدا ەڭبەك ەتەتىن كوپ بالالى انالاردى ءبىر قۋانتىپ تاستادى. وسى شاراپاتتى ءىس رەسپۋبليكانىڭ باسقا دا ەڭبەك ۇجىمدارىندا جالعاسادى دەگەن ويدامىز، – دەيدى قازاقستان كاسىپوداقتارى فەدەراتسياسى توراعاسىنىڭ ورىن­باسارى س.داۋلەتالين.

– ءبىزدىڭ شيپاجايدا قازاق­ستاننىڭ تۇكپىر-تۇكپىرىنەن كەلىپ دەمالاتىن قاراپايىم ەڭبەك ادامدارى وتە كوپ. ماڭ­عىس­تاۋ، اتىراۋ، باتىس قازاق­ستان، اقتوبە وبلىستارىنان كەلەتىن مۇنايشىلار دا جەتەر­لىك. قىزمەتىمىزگە بار­لى­عى دا ريزا. ەڭبەگىڭە العىس العاننان ارتىق باعا جوق قوي. دەمالۋشىلاردىڭ كوڭى­لى­نەن شىعىپ، ءمىنسىز قىز­مەت ەتىپ جۇرگەن ۇجىمنىڭ ىشىندە 11 كوپ بالالى انا بار. شيپاجايدا بارلىعى 230 ادام ەڭبەك ەتەدى. ەڭ تومەنگى ەڭبەكاقى – 59 300 تەڭگە. ەندى ونى 15 پايىزعا كوتەرۋگە شە­شىم قابىلدادىق. سونىمەن بىرگە كوپ بالالى انالارعا جى­لى­نا ەكى ايلىق ەسەپ كورسەت­كىشى مولشەرىندە ءجار­دەماقى تولەۋ مەن ۇجىم ءمۇ­شەلەرىنىڭ وتباسىندا دۇنيەگە كەلگەن سابيگە ءبىر ايلىق ەڭبەك­اقى كولە­مىندە كومەك كورسەتۋدى ۇجىم­دىق شارتقا ەنگىزدىك، – دەيدى «مانكەنت» شيپاجايى­نىڭ باس ديرەكتورى حامراقۇل قۇربانوۆ.

سونداي-اق «مەركى» شيپاجايى قىزمەتكەرلەرىنىڭ جالاقى­سى 1 ماۋسىمنان باستاپ 15 پايىزعا كوتەرىلگەنى جونىندە دە جاعىمدى حابار جەتتى.

 

سوڭعى جاڭالىقتار

تاريحي نىساندار جاڭعىرتىلۋدا

قازاقستان • بۇگىن، 13:05

بۇگىن – ەڭبەك كۇنى

قازاقستان • بۇگىن، 09:20

شەكتەن شىققان احۋال جوق

ايماقتار • كەشە

اتىراۋدا ەگىز ۇل امان-ەسەن تابىلدى

ايماقتار • 25 قىركۇيەك، 2020

اتىراۋدا جول بويىندا تراكتور اۋدارىلدى

ايماقتار • 25 قىركۇيەك، 2020

شىعىستا جازۋشى ءمۇسىنى تۇعىرعا قوندى

رۋحانيات • 25 قىركۇيەك، 2020

ۇقساس جاڭالىقتار