ەلەكتروندى اۋكتسيون ارقىلى ساۋدا
جۇما, 18 قاڭتار 2013 7:27
2012 جىلدىڭ قورىتىندىسى بويىنشا «ازىق-ت ۇلىك كەلىسىم-شارت كورپوراتسياسى» ۇلتتىق كومپانياسى» اق «ەۋرازيا ساۋدا جۇيەسى» (ەسج) تاۋار بيرجاسىندا جاسىرىن اۋكتسيون ارقىلى وتكىزگەن استىقتىڭ جالپى كولەمى 1 ملن. توننادان استى. بۇل رەتتە ەڭ جوعارى باعا تونناسىنا 47 064 تەڭگەنى (ققس قوسا) قۇرادى.
جۇما, 18 قاڭتار 2013 7:27
2012 جىلدىڭ قورىتىندىسى بويىنشا «ازىق-ت ۇلىك كەلىسىم-شارت كورپوراتسياسى» ۇلتتىق كومپانياسى» اق «ەۋرازيا ساۋدا جۇيەسى» (ەسج) تاۋار بيرجاسىندا جاسىرىن اۋكتسيون ارقىلى وتكىزگەن استىقتىڭ جالپى كولەمى 1 ملن. توننادان استى. بۇل رەتتە ەڭ جوعارى باعا تونناسىنا 47 064 تەڭگەنى (ققس قوسا) قۇرادى.
ازىق-ت ۇلىك كەلىسىمشارت كورپوراتسياسى 3-سىنىپتى جۇمساق بيدايدى كوممەرتسيالىق ساتۋ ماقساتىندا قازاقستاننىڭ استىق رىنوگىندا ءبىرىنشى رەت جاسىرىن ەلەكتروندى بيرجالىق اۋكتسيونداردى وتكىزۋدى باستاعانىن ەستەرىڭىزگە سالامىز.
جاسىرىن بيرجالىق اۋكتسيون – بۇل ساۋدا تارتىپتەرىنىڭ بارىنشا ايقىندىعىن, قولجەتىمدىلىگىن جانە تيىمدىلىگىن قامتاماسىز ەتەتىن ەسج بيرجاسىنداعى ەلەكتروندى ونلاين-ساۋدا-ساتتىق رەجيمى. ساۋدا-ساتتىقتارعا ءبىر ساتۋشى جانە كوپتەگەن جاسىرىن ساتىپ الۋشىلار قاتىسادى. ناتيجەسىندە ساۋدا-ساتتىق كەزىندە قالىپتاسقان رىنوك كونيۋنكتۋراسىن ەسكەرەتىن وبەكتيۆتى رىنوك باعاسىنا قول جەتكىزىلەدى.
سونىمەن, العاشقى ساۋدا-ساتتىق 2012 جىلعى 17 قازاندا وتكىزىلدى. 20 مىڭ توننا استىق شىعارىلدى: 5 000 توننادان 4 لوت, باستاپقى باعاسى تونناسىنا 45 000 تەڭگەنى (ققس قوسا) قۇرادى. ساۋدا-ساتتىقتىڭ قورىتىندىسى بويىنشا تونناسى 45 010 تەڭگەدەن 5 مىڭ توننا استىق – 1 لوت ساتىلدى.
ءبىرىنشى ساۋدا-ساتتىقتىڭ تاجىريبەسىن ەسكەرىپ, ازىق-ت ۇلىك كەلىسىمشارت كورپوراتسياسى استىقتى وتكىزۋ شارتتارىنا وزگەرتۋلەر ەنگىزگەنىن اتاپ ايتۋ كەرەك, بۇل ساۋدا-ساتتىقتى وتكىزۋدى جەدەلدەتتى. ىقتيمال ساتىپ الۋشىلارعا قارجى ۇيىمدارىنىڭ كەپىلدەمەسىمەن 9 جانە 10 ايعا اۋكتسيوندا ساتىپ العان استىققا تولەم مەرزىمدەرىن ۇزارتۋ مۇمكىندىگى بەرىلەدى. سوڭعىسىنىڭ«Standard & Poor’s» اگەنتتىگىمەن بەرىلگەن «ۆ-» رەيتينگىنەن تومەن ەمەس بورىشتىق رەيتينگى بار نەمەسە باسقا رەيتينگ اگەنتتىكتەرىنىڭ بىرەۋىنە ۇقساس دەڭگەيدەگى رەيتينگى بولۋى ءتيىس. ناتيجەسىندە 2012 جىلعى قازاننىڭ ورتاسىنان باستاپ جەلتوقساننىڭ سوڭىنا دەيىنگى كەزەڭدە ەسج ساۋدا-ساتتىقتارىندا ازىق-ت ۇلىك كەلىسىمشارت كورپوراتسياسى 1 ملن. توننادان استام استىق ساتتى.
«ەگەمەن-اقپارات».
