وسكىندەر نۇر-سۇلتان قالاسىنىڭ اسەم كەلبەتىن تاس جول بەتىنە كەيىپتەپ, وتانعا دەگەن العاۋسىز سەزىمدەرىن پەرىشتە كوڭىلدەن شىققان پەريزات ورنەكتەرى ارقىلى جەتكىزدى. «بايتەرەك», «حانشاتىر» سەكىلدى ايشىقتى ورىنداردى قۇلپىرتا بەينەلەپ, ءوز قيالدارىنداعى استانانىڭ سۇلۋ كەلبەتىنىڭ سۋرەتىن سالدى. بوبەكتەر ءان مەن جىردان شاشۋ شاشىپ جيىلعاندار نازارىنا ارنايى كونتسەرتتىك باعدارلامالارىن دا ۇسىندى.
«ەلىمىزدىڭ جارقىن بولاشاعى وسى بالدىرعاندار. ولاردىڭ قيالىندا شەك جوق. بۇگىنگى شاراعا 200-دەن استام تاربيەلەنۋشى قاتىستى. شارانىڭ ماقساتى بالدىرعانداردىڭ بويىنداعى وتانعا دەگەن پاتريوتتىق سەزىمدەرىن قالىپتاستىرۋ. ەل استاناسى نۇر-سۇلتان قالاسىن بۇگىندە بۇكىل الەم تانىدى. ءبىر قۋانتارلىعى, بالالار بۇل كۇنگە ەرەكشە دايىندالىپ, اسىعا كۇتتى»,– دەيدى بالاباقشا مەڭگەرۋشىسى رايحان مولداعوجينا.
«تۋعان كۇنىڭمەن باس قالا» دەپ اتالعان مەرەكەلىك شارا اياسىندا كورمە ۇيىمداستىرىلدى. شاعىن ەكسپوزيتسياعا بالالاردىڭ قولىنان ورىلگەن اسەم بۇيىمدار مەن سۋرەتتەر قويىلعان.
الماتى
