اياۋلى مەنىڭ اۋىلىم!..
سەيسەنبى, 1 قاڭتار 2013 8:29
مەنىڭ بۇكىل ءومىرىم اۋىلدا ءوتىپ كەلەدى. جوعارى وقۋ ورنىن بىتىرگەن سوڭ, مەڭدىعارا اۋدانىنىڭ «حاركوۆ» كەڭشارىنا اگرونوم بولىپ كەلگەن ەدىم. وسى اۋىل مەنىڭ تاعدىرىما اينالدى. ەڭبەك ەتسەڭ جەر-انا بەرەرىن ايامايدى. سول ءۇشىن جەردى تەك قانا كۇتۋ, ايالاۋ كەرەك. دەگەنمەن, قازاقستاننىڭ سولتۇستىك وڭىرىندەگى ءشول-شولەيتتى ايماقتاعى ەگىن شارۋاشىلىعى سۋارمالى ەمەس, ول كوكتەن تامعان تامشىعا تاۋەلدى. وتكەن جىلى وتىز جىلدا ءبىر رەت قايتالانعان قۋاڭشىلىق بولدى. كوكتەم-جاز بويى جاڭبىر جاۋماي, ديقاننىڭ ەتكەن ەڭبەگى ەش كەتتى. ىلعال ساقتاۋ تەحنولوگياسىنىڭ ارقاسىندا شالعىعا ىلىنەرلىك قانا بيداي وسىردىك.
سەيسەنبى, 1 قاڭتار 2013 8:29
مەنىڭ بۇكىل ءومىرىم اۋىلدا ءوتىپ كەلەدى. جوعارى وقۋ ورنىن بىتىرگەن سوڭ, مەڭدىعارا اۋدانىنىڭ «حاركوۆ» كەڭشارىنا اگرونوم بولىپ كەلگەن ەدىم. وسى اۋىل مەنىڭ تاعدىرىما اينالدى. ەڭبەك ەتسەڭ جەر-انا بەرەرىن ايامايدى. سول ءۇشىن جەردى تەك قانا كۇتۋ, ايالاۋ كەرەك. دەگەنمەن, قازاقستاننىڭ سولتۇستىك وڭىرىندەگى ءشول-شولەيتتى ايماقتاعى ەگىن شارۋاشىلىعى سۋارمالى ەمەس, ول كوكتەن تامعان تامشىعا تاۋەلدى. وتكەن جىلى وتىز جىلدا ءبىر رەت قايتالانعان قۋاڭشىلىق بولدى. كوكتەم-جاز بويى جاڭبىر جاۋماي, ديقاننىڭ ەتكەن ەڭبەگى ەش كەتتى. ىلعال ساقتاۋ تەحنولوگياسىنىڭ ارقاسىندا شالعىعا ىلىنەرلىك قانا بيداي وسىردىك.
كەلگەن جاڭا جىلدان ءۇمىتىم كوپ. الدىمەن تابيعات-انانىڭ جومارتتىعىن تىلەيمىن. جەردىڭ اپشىسىن قۋىرعان قۇرعاقشىلىق جىل سايىن قايتالانۋعا ءتيىس ەمەس. بيىل قىس قاتتى باستالدى. قار قالىڭ جاۋدى. قىس اياعىنا دەيىن تاعى دا قار جاۋسا, كوكتەم جاڭبىرلى بولسا, جىل دا جامان بولمايدى. ىلعال مول بولعان جىلى ءشوپ تە جاقسى شىعادى, مال قوڭدى بولادى. سوڭعى جىلدارى وبلىستا مال شارۋاشىلىعى جەدەل دامي باستادى. يننوۆاتسيالىق-ينۆەستيتسيالىق جوبالار جۇزەگە اسىپ جاتىر. سوندىقتان اۋىلداعى اعايىن الدىمەن جىلدىڭ شارۋاعا قولايلى بولۋىن تىلەيدى.
ەلباسى نۇرسۇلتان نازارباەۆتىڭ «قازاقستان-2050» ستراتەگياسى وتكەن جىلدىڭ باستى وقيعاسى بولدى. اۋىل شارۋاشىلىعىن دامىتپاي ەكونوميكا دا ورگە باسپايدى. اۋىلدىڭ بولاشاعىن بۇگىننەن ويلاماساق بولمايدى. جاڭا قادام باسقان جىل اۋىلدى كوركەيتۋگە, ونىڭ الەۋمەتتىك ماسەلەلەرىن ازايتۋعا بەتبۇرىس جاساسا ەكەن دەپ تىلەيمىن. قازاق ءۇشىن اۋىل تەك استىق پەن ەت ەمەس, اۋىل – حالقىمىزدىڭ, ۇلتىمىزدىڭ تامىرى. اۋىل تولىققاندى ءومىر ءسۇرۋى قاجەت. جاس ماماندار تۇراقتاپ قالعاندا عانا اۋىل وسەدى, وركەندەيدى. جاڭا جىلدا اۋىلعا باعىتتالعان باعدارلامالار كوبەيسىن!
سايران بۇقانوۆ,
«كاركەن» جاۋاپكەرشىلىگى شەكتەۋلى
سەرىكتەستىگىنىڭ ديرەكتورى,
قازاقستاننىڭ ەڭبەك ەرى.
قوستاناي وبلىسى,
مەڭدىعارا اۋدانى,
حاركوۆ اۋىلى.
