پرەزيدەنتتىڭ قاتىسۋىمەن جاۋىنگەرلىك ونەر فەستيۆالى ءوتتى

شارانىڭ اشىلۋىنا پرەزيدەنت  قاسىم-جومارت توقاەۆ قاتىستى. قر مادەنيەت جانە سپورت ءمينيسترى اقتوتى رايىمقۇلوۆا بارلىق قوناقتاردى جاڭا سارايدىڭ اشىلۋىمەن، سونىمەن قاتار، جاۋىنگەرلىك ونەر فەستيۆالمەن قۇتتىقتادى.

«مادەنيەت جانە سپورت مينيسترلىگى جانە ءوز اتىمنان پرەزيدەنت قاسىم-جومارت كەمەل ۇلىنا قازاقستاندىق سپورتقا ۇنەمى قولداۋ ءبىلدىرىپ كەلگەنىڭىزگە العىس بىلدىرەمىن. بارلىق سپورتسۇيەر قاۋىمدى وسىنداي فەستيۆالدىڭ وتۋىمەن، سپورت سارايىنىڭ اشىلۋىمەن قۇتتىقتاعىم كەلەدى. سىزدەرگە بۇگىنگى كەشتەن ۇمىتىلماس اسەر تىلەيمىن!»، دەدى مينيستر.

شاراعا GAISF (Global Association of international sports federations) پرەزيدەنتى دوكتور رافاەلە كيۋللي كەلدى.

«قازاقستان ۇنەمى قوناقجايلىعىمەن تاڭقالدىرادى. ءسىز ارقاشان وزدەرىڭىزدى سپورتقا جاقىن ەكەندىكتەرىڭىزدى كورسەتىپ كەلەسىزدەر. وسى ورايدا ايتا كەتكىم كەلەدى، قازاقستان 2021 جىلى دۇنيەجۇزىلىك جاۋىنگەرلىك ويىندارىن قابىلدايدى. بۇل سپورتتىق مۇمكىندىكتى كورسەتۋگە بەرىلگەن مىقتى مۇمكىندىك دەپ بىلەمىن. قر مادەنيەت جانە سپورت مينيسترلىگى، قازاقستاننىڭ جاۋىنگەرلىك ونەر اسسوتسياتسياسىنا سپورتقا كورسەتكەن قولداۋلارىڭىز  ءۇشىن العىس بىلدىرەمىن.»،-دەدى ول.

قازاقستاننىڭ جاۋىنگەرلىك ونەر باس حاتشىسى امانقۇلوۆ فارحات امەن ۇلى جوعارى دارەجەلى قوناقتارعا ەستەلىك سىيلىقتار تابىستادى.

ءۇش ساعاتتىق كەزدەسۋ بارىسىندا ءتۇرلى سپورت ءتۇرى بويىنشا كورسەتىلىمدەر قويىلدى. كاسىبي كەزدەسۋلەر، تامەشۆاري، مۋزىكالىق نومىرلەرى، جارىق شوۋى جانە تاعى باسقا قىزىقتى دۇنيەلەر سپورتتىق باعدارلاماعا ەنگەن.

ەستەرىڭىزگە سالا كەتەيىك، فەستيۆال 7 مامىردا شىمكەنت قالاسىندا باستالعان بولاتىن. ءار دەمالىستا مەرەكەلىك شارا ءتۇرلى وبلىس پەن قالا تۇرعىندارىن قۋانتتى. سپورتتىق شوۋ ەلىمىزدىڭ بارلىق وبلىسىن قامتىدى.  سپورتتىق مەيرامدى وتكىزۋدە ءار ءوڭىر وزدىگىمەن ەرەكشەلەندى.