ءابىلازوۆتىڭ سوڭعى وففشورى
سەيسەنبى, 11 ماۋسىم 2013 2:32
لوندون جوعارعى سوتىنان كەيىن قازاقستاندىق وليگارح مۇحتار ءابىلازوۆتىڭ ءىسى يرلانديادا دا مىقتاپ قولعا الىنا باستادى.
قازىر ەۋروپادا قاشقىن بانكيردىڭ ءىسى بويىنشا سوت تەرگەۋلەرى ءجۇرىپ جاتىر. وسى تۇستان باستاپ ونىڭ حالىقارالىق دەڭگەيگە جەتكىزگەن الاياقتىق سىزباسىنىڭ قيتۇرقىسىن زەرتتەۋگە يرلاند بيلىگى دە قوسىلدى. بۇدان بىرەر كۇن بۇرىن مۇندا قازاقستاننىڭ بتا بانكىنەن زاڭسىز جولمەن اكتيۆتەردى وففشورلىق ايماققا الىپ كەتۋ ءۇشىن اشىلعان بىرقاتار كومپانيالاردىڭ ءىس-ارەكەتتەرى تەكسەرىلەتىنى بەلگىلى بولدى. وسى الاياقتىقتىڭ باستى ۇيىمداستىرۋشىسى رەتىندە لاتۆيانىڭ ءبىر توپ ازاماتتارى قاراستىرىلدى.
سەيسەنبى, 11 ماۋسىم 2013 2:32
لوندون جوعارعى سوتىنان كەيىن قازاقستاندىق وليگارح مۇحتار ءابىلازوۆتىڭ ءىسى يرلانديادا دا مىقتاپ قولعا الىنا باستادى.
قازىر ەۋروپادا قاشقىن بانكيردىڭ ءىسى بويىنشا سوت تەرگەۋلەرى ءجۇرىپ جاتىر. وسى تۇستان باستاپ ونىڭ حالىقارالىق دەڭگەيگە جەتكىزگەن الاياقتىق سىزباسىنىڭ قيتۇرقىسىن زەرتتەۋگە يرلاند بيلىگى دە قوسىلدى. بۇدان بىرەر كۇن بۇرىن مۇندا قازاقستاننىڭ بتا بانكىنەن زاڭسىز جولمەن اكتيۆتەردى وففشورلىق ايماققا الىپ كەتۋ ءۇشىن اشىلعان بىرقاتار كومپانيالاردىڭ ءىس-ارەكەتتەرى تەكسەرىلەتىنى بەلگىلى بولدى. وسى الاياقتىقتىڭ باستى ۇيىمداستىرۋشىسى رەتىندە لاتۆيانىڭ ءبىر توپ ازاماتتارى قاراستىرىلدى. مۇنداعى باستى سۇراق ۇرلانعان قارجىلار قايدا كەتتى, دەگەنگە سايادى.
قازىرگى تاڭدا تەرروريزممەن كۇرەس پەن الەمدىك داعدارىس قارجى قوزعالىسىن رەتتەۋ سحەماسىنىڭ ناعىز بۇرىلىستى نۇكتەسىنە اينالىپ وتىر. وسىعان بايلانىستى بۇرىن بارىنشا قۇپيا دا جۇمباق بولىپ كەلگەن وففشورلىق ايماقتارداعى اقشا اينالىمى جونىندەگى دەرەكتەر سۋدىڭ بەتىنە قالقىپ شىعىپ جاتىر. ول ەندى تىلسىمنىڭ سىرى بولۋدان قالدى. سەبەبى, اۋەلدە لاڭكەستىك ماقساتتارعا جاراتىلىپ كەلگەن مۇنداي شوتتاردى جاسىرىپ قالا بەرۋگە بانكيرلەردىڭ دە جۇرەگى داۋالاي بەرمەيدى. ءسويتىپ, قاشقاندار مەن پىسقاندار ءۇشىن تالاي جىل «قارجى جۇماعى» بولىپ كەلگەن وففشورلار ءوز بەتپەردەلەرىن سىپىرىپ تاستاۋعا ءماجبۇر بولۋدا. سول تىزىمدەگى ەڭ سوڭعى بەكىنىس – كيپردەگى بانكتەردىڭ دە جاسىراتىن ەشتەڭەسى قالمادى. مۇندا, اسىرەسە, وسى بانكتەردىڭ ءوزى بانكروتتىق حالگە جەتكەننەن كەيىن شەگىنەر جەرى تاۋسىلدى. سونىڭ تولقىنىندا مۇحتار ءابىلازوۆتىڭ جىمداپ جاسىرعان اقشالارى دا اق ايدىننىڭ جۇزىنە انداعايلاپ شىعا كەلدى.
قۇپيالىلىقتى ساقتاۋ ءجونىنەن ءاۋ باستان الەمدەگى ەڭ بەرىك سانالىپ كەلگەن شۆەيتساريا بانكتەرىنىڭ ءوزى الاياقتاردىڭ سىزبالارىنان زارداپ شەگە باستاعانى انىقتالدى. سودان كەيىن ولار دا قازىر شەتەلدىك ازاماتتاردىڭ قۇپياسىن تاس ق ۇلىپتىڭ استىنا سالىپ وتىرۋدى مۇلدەم قويدى. وسىمەن بىرگە, ءابىلازوۆ سەكىلدى الاياقتاردىڭ قارجى قازانىنداعى سوڭعى قورعانىس قامالدارىنىڭ تاس-تالقانى شىقتى. بۇل تۇرعىدا شۆەيتساريا ءتىپتى ىلگەرى كەتتى. وندا تاياۋدا «سالىق ماسەلەلەرىندەگى حالىقارالىق كومەك تۋرالى» دەپ اتالاتىن جاڭا زاڭ كۇشىنە ەندى.
مىنە, وسىلاردىڭ ارقاسىندا مۇحتار ءابىلازوۆتىڭ ەۋروپاداعى شىرماۋىقتاي شيراتىلعان الاياقتىق تورىنداعى اقشالار انىقتالىپ قالدى. بالىقشىنىڭ اۋىنداي ءبىر شەتى سەتىنەپ جىرتىلعان بۇل جۇيەنىڭ تاقىرعا وتىراتىن كۇنى ەندى تىم قاشىق ەمەس.
مۇرات ايتقوجا.
