جالپى, وبلىستا 145 مىڭ بالانى جازعى دەمالىسپەن قامتۋ قىزۋ ءجۇرىپ جاتىر. دەمالىس ايماقتارىنداعى لاگەرلەردەن بولەك, جالپى ءبىلىم بەرۋ مەكتەپتەرىنىڭ بازاسىندا جانە شاتىرلى لاگەرلەردە 96 مىڭ وقۋشى تىنىعادى. 39 مىڭنان استام بالا اتا-انالارىمەن بىرگە باسقا ايماقتاعى ساۋىقتىرۋ ورتالىقتارىندا ەم-دوم السا, الەۋمەتتىك جاعىنان از قامتاماسىز ەتىلگەن وتباسىلاردىڭ 26 مىڭ بالاسى جازعى لاگەردە 100 پايىز قامتىلادى.
ارينە, تىنىعۋ لاگەرلەرىنىڭ بارلىعى تالاپقا ساي دەۋگە بولمايدى. ءبىرازىنىڭ عيماراتى ەسكى, شتات جەتىسپەۋشىلىگى بار. باسقا دا شەشىمىن كۇتكەن وزەكتى ماسەلەلەر جەتكىلىكتى. ءبىلىم باسقارماسى وسى ولقىلىقتاردى جويۋ ءۇشىن جۇمىس ىستەپ جاتىر.
لاگەردەگى دەمالىس سۋعا ءتۇسۋ, كۇنگە قىزدىرىنۋ, ءتۇرلى ۇيىرمەلەرگە قاتىسۋمەن ءبىتپەيدى. ادامنىڭ ەڭ ءۇلكەن سەرىگى ءارى اقىلشىسى – كىتاپ. كەي جەرلەردە تىنىعۋ ورىندارىنىڭ سىيىمدى-لىعىنا قاراي كيىز ءۇيلەردە جىلجىمالى كىتاپحانا ورنالاسىپتى. ياعني, بالالار تىنىعۋمەن قاتار, ءبىلىم قورىن دا مولايتىپ قايتادى.
قىزىلوردا وبلىسى
