«كاسىپتىك بىلىممەن قامتۋ ارتىپ كەلەدى جانە قازىردىڭ وزىندە ەىدۇ ەلدەرىنىڭ كورسەتكىشتەرىنە جاقىنداپ قالدىق. كادر دايىنداۋعا جۇمىس بەرۋشىلەردى تارتۋ ءۇشىن سەرىكتەستىك تەتىگى دامۋدا, بۇل - دۋالدى وقىتۋ. دۋالدى وقىتۋمەن 438 كوللەدج جانە 3 مىڭنان استام جۇمىس بەرۋشى قامتىلعان. ءبىز دۋالدى وقىتۋدى دامىتقىمىز كەلەدى. بۇعان, سونىمەن قاتار, كوللەدجدەرىمىزدى ءىرى ينۆەستورلاردىڭ سەنىمدى باسقارۋىنا بەرۋ دە كىرەدى. قازىردىڭ وزىندە 5 كوللەدجدى سەنىمدى باسقارۋعا بەردىك جانە 100-دەن استام ينۆەستور قىزىعۋشىلىق تانىتتى», - دەدى مينيستر.
سونداي-اق باس مۇعالىم «جاس مامان» جوباسىنا بيۋدجەتتەن 58 ملرد تەڭگە بولىنگەنىن, ال بۇل قاراجاتقا زاماناۋي قۇرال-جابدىقتار ساتىپ الىناتىنىن ايتتى.
«بۇل رەتتە ءبىز ساپالى كادر دايىنداۋ ءۇشىن كاسىپورىندارعا قۇرال-جابدىقتاردى ورناتۋ ماقساتىندا ينۆەستورلارمەن, بيزنەسپەن تىعىز جۇمىس ىستەيتىن بولامىز. دايىندايتىن ماماندىقتارعا تۇگەندەۋ جۇرگىزدىك. تالاپ ەتىلەتىن جاڭا باعدارلامالار اشۋ بويىنشا جۇمىس ىستەپ جاتىرمىز جانە بيزنەستىڭ ءوتىنىمى نەگىزىندە بۇعان دەيىن بولماعان 24 جاڭا ءبىلىم بەرۋ باعدارلاماسىن اشتىق», - دەدى ا.ايماعامبەتوۆ.
مينيستر, سونداي-اق, تاياۋ ۋاقىتتا كوللەدجدەردەگى ءبىلىم باعدارلامالارىنىڭ بارلىعى جاڭارتىلاتىنىن اتاپ ءوتتى.
«شەتەلدىك ينۆەستورلاردىڭ جاردەمىمەن كوللەدجدەردە قۇزىرەت ورتالىقتارى اشىلۋدا. 2023 جىلدىڭ سوڭىنا دەيىن مۇنداي ورتالىقتار بارلىق جەردە جۇمىس ىستەيتىن بولادى», - دەدى ا. ايماعامبەتوۆ.
فوتو: قازاقپارات
