قازاقستان • 04 شىلدە، 2019

ارىس قالاسىن قالپىنا كەلتىرۋگە 34،5 ملرد تەڭگە باعىتتالادى — ءا. سمايىلوۆ

111 رەتكورسەتىلدى

بۇل تۋرالى پرەمەر-ءمينيستردىڭ ءبىرىنشى ورىنباسارى - قر قارجى ءمينيسترى ءاليحان سمايىلوۆ قر پارلامەنت سەناتىندا حابارلادى.

الدىن-الا ەسەپتەۋلەر بويىنشا، ا.ج. 1 شىلدەدە ارىس قالاسىن قالپىنا كەلتىرۋ ءۇشىن 34،5 ملرد  تەڭگەگە جۋىق قاراجات قاجەت، ونىڭ ىشىندە ارىس قالاسىنىڭ ءار تۇرعىنىنا 100 مىڭ تەڭگەدەن وتەماقى بەرۋ ءۇشىن 4،5 ملرد تەڭگە قاراستىرىلعان. 

ءا. سمايىلوۆ اتاپ وتكەندەي، وسى ماقساتتاردا قر ۇكىمەتىنىڭ قورىنان 2 ملرد تەڭگە، تۇركىستان وبلىسىنىڭ بيۋدجەتىنەن 1 ملرد تەڭگە، گۋمانيتارلىق كومەك رەتىندە 1،5 ملرد تەڭگە بولىنگەن. 

«7 709 تۇرعىن ءۇيدى قالپىنا كەلتىرۋ قاجەت، ونىڭ ىشىندە 49 ءۇي بۇتىندەي قيراپ قالعان. تۇرعىن ۇيلەردى قالپىنا كەلتىرۋ ءۇشىن 19،2 ملرد تەڭگە بولىنەدى، ونىڭ ىشىندە قاراجاتتىڭ 50%-ىن وڭىرلەردىڭ بيۋدجەتى ەسەبىنەن قامتاماسىز ەتۋ كوزدەلگەن،  50% — قر ۇكىمەتىنىڭ قورىنان باعىتتالادى»، — دەدى ءا. سمايىلوۆ.

 

ارىس قالاسىنداعى 66 الەۋمەتتىك نىساندى قالپىنا كەلتىرۋ ءۇشىن (54 ءبىلىم بەرۋ نىسانى، 8 دەنساۋلىق ساقتاۋ نىسانى، 4 سپورت نىسانى) 7 ملرد تەڭگە باعىتتاۋ جوسپارلانعان، ونىڭ ىشىندە 6 ملرد تەڭگە «سامۇرىق-قازىنا» ۇاق ەسەبىنەن، ال 1 ملرد تەڭگە - ەلىمىزدىڭ بيزنەس قاۋىمداستىعى ەسەبىنەن باعىتتالادى. 

ءا. سمايىلوۆ ەلەكتر جەلىلەرىن، جىلۋمەن قامتۋدى قالپىنا كەلتىرۋ جانە ينفراقۇرىلىمدى جوندەۋ ءۇشىن 2،2 ملرد تەڭگە بولىنەتىنىن ايتتى. 

«34 اكىمشىلىك عيماراتتى جوندەۋ ءۇشىن 1،7 ملرد تەڭگە باعىتتالادى. بۇل ماقساتتارعا قارجىنى قر ۇكىمەتىنىڭ قورىنان ءبولۋ كوزدەلگەن»، — دەدى مينيستر.

 

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار