قازاقستان • 03 شىلدە، 2019

سەناتورلار باس پروكۋراتۋراعا باردى

185 رەتكورسەتىلدى

پارلامەنت سەناتىنىڭ توراعاسى داريعا نازارباەۆا باستاعان جوعارعى پالاتا دەپۋتاتتارى «تسيفرلىق قازاقستان» مەملەكەتتىك باعدارلاماسىنىڭ جوبالارىن پروكۋراتۋرا ورگاندارىندا ىسكە اسىرۋ ماسەلەلەرى بويىنشا باس پروكۋراتۋرادا كوشپەلى وتىرىس وتكىزدى. بۇل تۋرالى سەناتتىڭ ءباسپاسوز قىزمەتى حابارلادى.

باس پروكۋراتۋرا ەلەكتروندىق قىلمىستىق ءىستى، اكىمشىلىك ءىس جۇرگىزۋدىڭ جانە سۋبەكتىلەر مەن نىسانداردى تەكسەرۋدىڭ بىرىڭعاي تىزىلىمدەرىن، ەلەكتروندىق وتىنىشتەر مەن تالداۋ ورتالىعىن ەنگىزىپ وتىر. جوبالار مەملەكەتتىك ورگاندار قىزمەتىنىڭ پروتسەستەرىن وڭتايلاندىرۋعا، اشىقتىقتى قامتاماسىز ەتۋگە، سىبايلاس جەمقورلىق قاۋىپتەرىن ازايتۋعا جانە بيۋدجەت قاراجاتىن ۇنەمدەۋگە باعىتتالعان.

باس پروكۋرور عيزات نۇرداۋلەتوۆ ەلىمىزدە بۇگىنگى كۇنى قىلمىستىق ىستەردىڭ 16 پايىزدان استامى ەلەكتروندىق تۇردە تەكسەرىلەتىنىن حاباردار ەتتى.

قازىرگى كەزدە كىشىگىرىم جانە ورتاشا اۋىر قىلمىستار بويىنشا ىستەر تەرگەلۋدە، ال قىلمىستىق قۋدالاۋ ورگاندارى قىزمەتكەرلەرىنىڭ داعدىلانۋىنا قاراي نەعۇرلىم اۋىر قىلمىستاردى تەرگەۋ دە ەلەكتروندىق سيپاتقا كوشەتىن بولادى.

ادۆوكاتتار مەن قىلمىستىق پروتسەستىڭ باسقا دا قاتىسۋشىلارى ءۇشىن بىرقاتار قىزمەت تۇرلەرى، ونىڭ ىشىندە ءىستىڭ ماتەريالدارىنا ونلاين قول جەتكىزۋدى قامتاماسىز ەتەتىن «جاريا سەكتور» جۇزەگە اساتىن بولادى.

پروكۋراتۋرا بارلىق مەملەكەتتىك ورگاندارعا اكىمشىلىك ءىس جۇرگىزۋدى ەلەكتروندى سيپاتتا جۇزەگە اسىرۋعا مۇمكىندىك بەرەتىن بىرىڭعاي جۇيە قۇرعان بولاتىن، وعان 60-تان استام مەملەكەتتىك ورگان قاتىسادى. جوبا ىشكى ىستەر ورگاندارىنان باستاپ ىسكە قوسىلدى ءارى قاجەتتى تەحنيكامەن قامتاماسىز ەتىلدى جانە وسى جىلدىڭ 1 ساۋىرىنەن باستاپ جول قوزعالىسى ەرەجەلەرىن بۇزۋ بويىنشا حاتتامالاردى راسىمدەۋ تولىقتاي ەلەكتروندىق سيپاتقا كوشتى.

اكىمشىلىك قۇقىق بۇزۋشىلىقتىڭ بىرىڭعاي جۇيەسى قالالىق «سەرگەك» كامەرالارىمەن جانە باسقا دا فوتو جانە بەينەجازبا قۇرالدارىمەن بىرىكتىرىلگەن. ايىپپۇل تولەۋ ءتارتىبى وڭايلادى.

ايماقتارداعى جانە تۇتاس ەلىمىز تۇرعىندارىن تولعاندىراتىن وزەكتى ماسەلەلەردى تولىققاندى ەسەپكە الۋ جانە تالداۋدى قامتاماسىز ەتۋ ماقساتىندا پروكۋراتۋرا ەلەكتروندى وتىنىشتەر جۇيەسىن قۇراتىن بولدى. جۇيە ارالىق بۋىنداردى الىپ تاستاۋعا مۇمكىندىك بەرەدى جانە وتىنىشتەر وسى ماسەلەلەردى قاراۋعا ۋاكىلەتتى مەملەكەتتىك ورگانعا تىكەلەي تۇسەتىن بولادى.

قۇرىلعان تالداۋ ورتالىعى بارلىق قۇقىقتىق اقپاراتتى جيناقتايدى جانە اۋقىمدى دەرەكتەردى وڭدەۋ نەگىزىندە زاڭدىلىقتىڭ بۇزىلۋ سەبەپتەرىن تەرەڭىرەك زەرتتەۋگە ءارى ۇسىنىستار ازىرلەۋگە مۇمكىندىك بەرەدى.

باس پروكۋروردىڭ ورىنباسارى مارات احمەتجانوۆ وسى جۇيەنى ءىس جۇزىندە پايدالانىپ وتىرعان مەملەكەتتىك ورگاندار مەن كاسىپكەرلەردىڭ قاتىسۋىمەن ونلاين تۇرىندەگى جۇمىسىن كورسەتتى.

سەنات توراعاسى د.نازارباەۆا كەزدەسۋدى قورىتىندىلاي كەلىپ، ەلەكتروندىق اكىمشىلىك ءىس جۇرگىزۋدى ەنگىزۋ جونىندەگى جوبانى ىسكە اسىرۋعا بايلانىستى، اتاپ ايتقاندا، زاڭناماعا ازاماتتارعا سالىنعان ايىپپۇلدار تۋرالى سمس حابارلاما جونىندە وزگەرىستەر ەنگىزۋ، شەتەلدە تىركەلگەن كولىك قۇرالدارىن باقىلاۋ جۇيەسىن جەتىلدىرۋ، سونداي-اق سالىق تولەۋ جانە سالىق ورگاندارىنىڭ ايماقتىق جۇيەلەرىن كىرىكتىرۋ جونىندە بىرقاتار ۇسىنىستار ايتتى.

سوڭعى جاڭالىقتار

تولەم الۋعا – Telegram-بوت

قوعام • بۇگىن، 08:05

پەتروپاۆل كارانتينگە جابىلدى

ايماقتار • بۇگىن، 08:00

قارجى حالىققا باعىتتالادى

ۇكىمەت • بۇگىن، 07:53

قۇپتارلىق قادام

پارلامەنت • بۇگىن، 07:47

مەشىتتە بەتپەردە تسەحى اشىلدى

ايماقتار • بۇگىن، 07:35

ەلگە پايداسى تيگەن ادام جاقسى

پارلامەنت • بۇگىن، 07:30

ءىشىنارا شەكتەۋ ەنگىزىلدى

كوروناۆيرۋس • بۇگىن، 07:30

اۋدان ءومىرىنىڭ ايناسى

ايماقتار • بۇگىن، 07:27

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار