- وزدەرىڭىزگە بەلگىلى, ەلباسىمىز نۇرسۇلتان ءابىش ۇلى نازارباەۆتىڭ الەۋمەتتىك ستراتەگيالىق باستامالارىن ودان ءارى جالعاستىرۋ ماقساتىندا مەملەكەت باسشىسى قاسىم-جومارت توقاەۆ ارنايى تاپسىرمالار جۇكتەگەن بولاتىن. وسىعان بايلانىستى, تۇرمىسى تومەن ازاماتتارعا جان-جاقتى قولداۋ كورسەتۋ ءۇشىن, حالقىمىزدىڭ الەۋمەتتىك جاعدايىن كۇشەيتۋ ءۇشىن ناقتى شارالار قولعا الىنۋدا. سوندىقتان, وسى ءۇش جىلدىق بيۋدجەتكە ەنگىزگەن وزگەرىستەر بارلىق الەۋمەتتىك تاپسىرمالاردى جەتكىلىكتى قاراجاتپەن قامتاماسىز ەتۋگە زور ىقپال ەتەتىن بولادى, - دەدى ن.نىعماتۋلين.
سونداي-اق, ءماجىلىس توراعاسى ورتالىق جانە جەرگىلىكتى مەملەكەتتىك ورگاندار قيىن ومىرلىك جاعدايعا تاپ بولعان ادامدارعا كومەكتەسۋ جاعىن ۇيىمداستىرۋى كەرەكتىگىنە باسا نازار اۋداردى.
وسىعان بايلانىستى نۇرلان نىعماتۋلين بولىنگەن قاراجاتتى پايدالانۋدىڭ تيىمدىلىگىنە نازار اۋدارىپ, ءمəجىلىس دەپۋتاتتارى وسى مəسەلەنى مۇقيات قاراپ, قول جەتكىزىلگەن نəتيجەلەردى تالداۋعا نيەتتى ەكەنىن اتاپ ءوتتى.
- ءبارىمىز, ۇكىمەت پەن دەپۋتاتتىق كورپۋستىڭ مۇشەلەرى, حالىق اراسىندا ءتۇسىندىرۋ جۇمىستارىن جۇرگىزۋىمىز كەرەك, - دەدى ءماجىلىس توراعاسى.
سونىمەن قاتار, ن.نىعماتۋلين سەسسيا اياقتالعاننان كەيىن دەپۋتاتتار وڭىرلەرگە بارعان كەزدە وسى جۇمىسقا بەلسەنە اتسالىسۋى كەرەكتىگىنە توقتالدى.
