«العاش رەت پوليتسيا ولاردى جاروكوۆ كوشەسى بويىندا توقتاتۋعا تىرىسادى. بىراق ولار ونى ەلەمەي ىزعىپ وتە شىعادى. ودان سوڭ جول ەرەجەسىن بۇزۋشىلاردى ۇستاۋ ءۇشىن اتاكەنتكە شىعاتىن جول جابىلادى. الايدا بۇل شەكتەۋ دە ولاردى توقتاتا المادى. وسى ارادا «تويوتا كامري» كولىگى پوليتسيا لەيتەنانتى ماقسات قيلىباەۆتى قاعىپ وتە شىققان. قۇداي ساقتاعاندا, ول كەرى شەگىنىپ ۇلەگەرگەن. وسى كورتەجگە تيەسىلى «لادا پريورا» كولىگىن توقتاتپاق بولعان پوليتسيا كاپيتانى جاندوس بۇعالوۆ تا زارداپ شەكتى. ونىڭ تىزەسىنە قاتتى زاقىم كەلگەن, بىراق ول اۋرۋحاناعا بارۋدان باس تارتقان. كاپيتاندى قاققانىمەن قويماي «لادا پريورا» پوليتسيانىڭ قىزمەتتىك كولىگىن دە سوعىپ وتە شىققان. ءبارىبىر ولار ونىڭ ىزىنە ءتۇسىپ, ساحاريەۆ كوشەسىندە توي كولىكتەرىنىڭ ۇشەۋىنىڭ دە جولىن جاپتى. كولىكتەردىڭ ءىشى تولى «قىز ۇزاتۋ» تويىنان قايتىپ كەلە جاتقان جاستار بولعان, ونىڭ ىشىندە قالىڭدىق تا بار», – دەيدى الماتى پوليتسيا دەپارتامەنتى اكىمشىلىك پوليتسيا باسقارماسىنىڭ باستىعى جاندوس مۇراتاليەۆ.
«تويوتا كامري-70» كولىگىن 1996 جىلعى تۋعان ا.مامىتجانوۆ تىزگىندەگەن. وعان قاتىستى 2 اكىمشىلىك حاتتاما تولتىرىلدى. ال «لادا پريورا» كولىگىن تىزگىندەگەن 1998 جىلعى ە.حامزاعا 4 اكىمشىلىك حاتتاما تولتىرىلعان.
الماتى
