سالىق تولەمدەرىنە قاتىستى مالىمەتتەردى جاريا ەتكەن كىرىس كوميتەتىنىڭ وكىلدەرى جەتىسۋلىق 5219 جەكە تۇلعا 29,0 ملن تەڭگە سوماسىنداعى م ۇلىك سالىعىن تولەمەگەن. ال جەر سالىعى بويىنشا 631 جەكە تۇلعانىڭ 2,0 ملن تەڭگە قارىزى بار. كولىك قۇرالدارىنا سالىناتىن سالىق بويىنشا دا 108 036 جەكە تۇلعانىڭ 2 159,0 ملن تەڭگە شاماسىندا بەرەشەگى بار ەكەن.
- بۇل قارىزداردىڭ كوبى بۇرناعى جىلداردان بەرى قوردالانعان سومالار. 2018 جىل ءۇشىن جەكە تۇلعالاردىڭ م ۇلىك سالىعىن, جەر سالىعىن تولەۋ مەرزىمدەرى 2019 جىلعى 1 قازانعا كەلەدى. 2018 جىلعا كولىك سالىعىن تولەۋ مەرزىمى 2018 جىلدىڭ 31 جەلتوقسانىندا ءوتىپ كەتتى, ال 2019 جىلعا كولىك سالىعىن 2019 جىلدىڭ 31 جەلتوقسانىنان كەشىكتىرمەي تولەۋ قاجەت. قازىر جازعى ماۋسىم. دەمالىس ۋاقىتى باستالعاننان كەيىن كوپتەگەن ادام شەتەلدە دەمالۋدى جوسپارلايدى, سوندا سالىق بەرەشەگى بولعان جاعدايدا ولارعا شەتەلگە شىعۋ قيىندىق تۋعىزادى. سوندىقتان, جەكە تۇلعالار سالىق بويىنشا بەرەشەكتىڭ بار-جوعىن تەكسەرۋى قاجەت. ەڭ دۇرىسى سالىقتى ۋاقتىلى تولەۋ, -دەيدى الماتى وبلىسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى ايدىن ساۋدانبەكوۆ.
الماتى وبلىسى
