جاۋاپكەرشىلىككە تارتىلدى
سەيسەنبى, 30 ءساۋىر 2013 1:55
وبلىستىق قارجى باسقارماسىنىڭ مالىمەتتەرىنشە, وتكەن جىلى ءوڭىر بيۋدجەتىنە 104,4 ملرد. تەڭگە ءتۇسىپ, الەۋمەتتىك باعدارلامالار مەن شىعىندار تولىق قارجىلاندىرىلىپتى. قىزمەتكەرلەردىڭ ەڭبەكاقىلارى دا ۋاقىتىلى تولەنگەن. ياعني, قارجىنىڭ باسىم بولىگى اۋرۋحانالاردى قاجەتتى قۇرال-جابدىقتارمەن جابدىقتاۋ, تۇرعىندارعا الەۋمەتتىك كومەك كورسەتۋ, ءمادەنيەت, ءبىلىم, سپورت, اۋىل شارۋاشىلىعى سالاسىن دامىتۋ, كاسىپكەرلەرگە قولداۋ كورسەتۋ شارالارى ءۇشىن جۇمسالىپتى. وبلىستىق بيۋدجەتتىڭ 96 پايىزى يگەرىلىپتى. بيۋدجەتتىك قاراجاتتار ەسەبىنەن وتكەن جىلى اقسۋدا, وبلىس ورتالىعىندا بالاباقشالار پايدالانۋعا بەرىلدى.
سەيسەنبى, 30 ءساۋىر 2013 1:55
وبلىستىق قارجى باسقارماسىنىڭ مالىمەتتەرىنشە, وتكەن جىلى ءوڭىر بيۋدجەتىنە 104,4 ملرد. تەڭگە ءتۇسىپ, الەۋمەتتىك باعدارلامالار مەن شىعىندار تولىق قارجىلاندىرىلىپتى. قىزمەتكەرلەردىڭ ەڭبەكاقىلارى دا ۋاقىتىلى تولەنگەن. ياعني, قارجىنىڭ باسىم بولىگى اۋرۋحانالاردى قاجەتتى قۇرال-جابدىقتارمەن جابدىقتاۋ, تۇرعىندارعا الەۋمەتتىك كومەك كورسەتۋ, ءمادەنيەت, ءبىلىم, سپورت, اۋىل شارۋاشىلىعى سالاسىن دامىتۋ, كاسىپكەرلەرگە قولداۋ كورسەتۋ شارالارى ءۇشىن جۇمسالىپتى. وبلىستىق بيۋدجەتتىڭ 96 پايىزى يگەرىلىپتى. بيۋدجەتتىك قاراجاتتار ەسەبىنەن وتكەن جىلى اقسۋدا, وبلىس ورتالىعىندا بالاباقشالار پايدالانۋعا بەرىلدى. سونىمەن قاتار, قاشىر اۋدانىنداعى يۆانوۆكا-تروفيموۆكا, پانفيلوۆ-بەستوبە اۋىلدارى باعىتىنداعى وبلىستىق جولداردى قالپىنا كەلتىرۋ جۇرگىزىلگەن, وبلىس ورتالىعىنداعى, ەكىباستۇزداعى سۋ جۇيەسى كوللەكتورلارى, اۋدانداردا سۋمەن جابدىقتاۋدىڭ بىرنەشە نىساندارى پايدالانۋعا بەرىلىپتى. بۇل كۇندەرى وبلىس ورتالىعىندا 2 ەمحانا قۇرىلىسى باستالدى. ال, «قولجەتىمدى باسپانا-2020» باعدارلاماسىن جۇزەگە اسىرۋ اياسىندا وبلىس ورتالىعىندا تۇرعىن ءۇي قۇرىلىس جيناق جۇيەسى بويىنشا 5 تۇرعىن ءۇي ەسىك اشسا, بيىل تاعى دا وسىنداي جولمەن 5 ءۇيدىڭ قۇرىلىسى جالعاسۋدا.
جالپى, وبلىس بيۋدجەتى بويىنشا 419,6 ميلليون تەڭگە يگەرىلمەي قالىپتى. ونىڭ 193,7 ميلليون تەڭگەسى رەسپۋبليكالىق بيۋدجەتتەن قارجىلاندىرىلعان نىسانالى ترانسفەرتتەر سانالادى. قارجىگەرلەر بۇل نىسانالى جۇمىستارعا بولىنگەن قاراجاتتىڭ يگەرىلمەۋ سەبەپتەرى مەملەكەتتىك ساتىپ الۋلار جۇيەسىن دۇرىس پايدالانباۋ جانە قولعا العان جوبادان كەتكەن قاتەلىكتەر بولۋى مۇمكىن دەپ وتىر. مىسالى, لەبياجى اۋدانى جامبىل اۋىلىنداعى سۋارمالى القاپ قۇرىلىسى «بيزنەستىڭ جول كارتاسى-2020» باعدارلاماسى اياسىندا جۇزەگە اسۋى كەرەك بولاتىن. اۋداندار مەن قالالار بيۋدجەتتەرى بويىنشا 4,1 ملرد. تەڭگە يگەرىلمەي قالدى. ەكىباستۇز قالاسى – 573 ميلليون تەڭگە, پاۆلودار قالاسى – 3,1 ملرد. تەڭگە, ونىڭ ىشىندە رەسپۋبليكالىق بيۋدجەت قاراجاتى – 2,8 ملرد. تەڭگە, كاشىر اۋدانى – 109,3, ماي اۋدانى – 67,1, پاۆلودار اۋدانى – 75,4 ميلليون تەڭگە كولەمىندە قاراجاتتى يگەرمەگەن. بيۋدجەتتىك قاراجاتتاردىڭ يگەرىلمەۋ سەبەپتەرىنە جوباداعى قاتەلىكتەر, كۇن اياز بولدى دەگەندەي سىلتاۋلار كوپ سياقتى. ءسويتىپ, بيۋدجەت قارجىسىن ۋاقىتىندا يگەرە الماعان 9 اۋدان, قالا اكىمدەرى تارتىپتىك جاۋاپكەرشىلىككە تارتىلدى.
فاريدا بىقاي,
«ەگەمەن قازاقستان».
پاۆلودار وبلىسى.
