«قازاق حاندىعى. التىن تاق» ءفيلمىنىڭ جەلىسى «قازاق حاندىعى. الماس قىلىش» تۋىندىسىنىڭ جالعاسى رەتىندە كەرەي مەن جانىبەك حانداردىڭ ابىلقايىر شايباني ۇرپاقتارىمەن سىعاناق تاعى ءۇشىن تالاسى توڭىرەگىندە ءوربيدى.
تاريحي جوبانىڭ اۆتورى - قر تۇڭعىش پرەزيدەنتى - ەلباسى ن.ءا.نازارباەۆ. فيلم ستسەناريى ءىلياس ەسەنبەرليننىڭ «كوشپەندىلەر» تريلوگياسىنىڭ نەگىزىندە جازىلعان.
«ەلوردا كۇنىنە وراي ۇلتتىق ارنانىڭ مەرەكەلىك كەستەسىنە بىرنەشە تۇساۋكەسەر جوبا ەنگىزىلدى. سولاردىڭ ءبىرى - رۇستەم ابدىراشەۆتىڭ «قازاق حاندىعى: التىن تاق» كينوداستانى. تاريحي تۋىندى «Qazaqstan» ارناسىنان سەنبى, 6 شىلدە كۇنى ساعات 17:10-دا كورسەتىلەدى», - دەپ حابارلايدى «قازاقستان» رترك» اق ءباسپاسوز قىزمەتى.
ەستەرىڭىزگە سالساق, «قازاق حاندىعى. التىن تاق» ءفيلمى جالپىۇلتتىق پروكاتقا وسى جىلدىڭ ناۋرىز ايىندا شىعارىلدى. قازاق تاريحىنداعى كۇردەلى كەزەڭدەردى سيپاتتايتىن جوبا ارقىلى كورەرمەن كوشپەندى حالىقتىڭ تىنىس-تىرشىلىگىنە تەرەڭ ۇڭىلە الادى.
