تابيعاتتىڭ سۇلۋلىعى, قازاق تۇرمىسىنىڭ جانعا جىلىلىعى, بالالىق شاق تاقىرىبى قارلىعاشتى كەسكىندەمەلىك كومپوزيتسيالاردى جاساۋعا قاناتتاندىرادى.
«تەكەلى», «قىزىل ولكە», «سايرام سۋى», «تاڭ» اتتى تۋىندىلارىندا تۋعان ولكەنىڭ ساف تازا ءتۇسى بەرىلگەن. «انا», «ءمادينا», «بالالىق شاق», «باق ىشىندە», «ءبىر كەسە سۋ» جۇمىستارى كۇندەلىكتى ءومىردىڭ قۋانىش ەنەرگياسىنا تولى. ق. قارلىعاشتىڭ كەسكىندەمەسى الەمدى وتكەن زاماننىڭ وبرازدارى قازىرگى زامانمەن ەركىن ۇيلەسىم تاباتىن ونىڭ جەكە ءوزىنىڭ قابىلداۋىنا نەگىزدەلگەن. كەسكىندەمەلەردىڭ تۇستىك جانە كومپوزيتسيالىق شەشىمى, سۋرەتتەلگەن بەينەلەردى تەحنيكالىق بەرۋگە جاساعان ەكسپەريمەنتتەرى سۋرەتشىنىڭ ءوزىنىڭ دۇنيەنى سەزىنۋىن جارقىن دا ىقشام مانەردە كورسەتۋگە ۇمتىلاتىنىن دالەلدەيدى», دەدى كورمە جەتەكشىسى گۇلنۇر جۇبانوۆا.
قانسەيت قارلىعاش ءا. قاستەەۆ اتىنداعى شىمكەنت كوركەمسۋرەت مەكتەبىن ءتامامدادى. 1993 جىلدان سول ءوزى وقىپ, تۇلەپ ۇشقان مەكتەبىندە ساباق بەرەدى. 1995 جىلدان قازاقستان سۋرەتشىلەر وداعىنىڭ مۇشەسى. حالىقارالىق, رەسپۋبليكالىق جانە قالالىق كورمەلەردىڭ قاتىسۋشىسى.
الماتى
