ايماقتار • 02 شىلدە، 2019

اگروكارتا بويىنشا جۇمىستار ءجۇرىپ جاتىر

171 رەت كورسەتىلدى

وڭىرلىك كوممۋنيكاتسيالار قىزمەتىنىڭ اقپاراتتىق الاڭىندا وتكەن بريفينگتە وبلىستىق اۋىل شارۋاشىلىعى باسقارماسى باسشىسىنىڭ ورىنباسارى مارجان ومىرباەۆا اگروكارتا اياسىندا وبلىستىڭ اۋىل شارۋاشىلىعى سالاسىندا بىرقاتار ءىرى جوبالار ىسكە اسىرىلعاندىعىن ايتتى.

«بۇگىنگى كۇنى وبلىستا ەگىن ەگۋ جۇمىستارى تولىعىمەن اياقتالدى. اۋدانداردان الىنعان مالىمەت بويىنشا اعىمداعى جىلى بارلىعى 183،8 مىڭ گەكتار جەرگە اۋىل شارۋاشىلىعى داقىلدارى ورنالاسىپ، مەجەدەن 5،2 مىڭ گەكتارعا ارتىق ورىندالدى. اگروكارتا بويىنشا 2019 جىلى وبلىستا ەگىلگەن مايلى داقىلدار كولەمى 7 مىڭ گەكتاردى، مال ازىقتىق داقىلدار كولەمى 62،7 مىڭ گەكتاردى قۇراپ، تيىسىنشە، سوڭعى 5 جىلدا مايلى داقىلدار 6 مىڭ گەكتارعا جانە مال ازىقتىق 10،3 مىڭ گەكتارعا ارتىپ وتىر»،-دەدى م. احاتقىزى.

الايدا، جىلىجايلار بويىنشا كۇردەلى ماسەلەلەر بار ەكەن. وبلىس بويىنشا جالپى كولەمى 10،5 گا قۇرايتىن بارلىعى 164 جىلىجاي بار. قولدا بار جىلىجايلاردىڭ 90-ى ناقتى جۇمىس جاساپ تۇرسا، 74 جىلىجايدىڭ جۇمىسى مۇلدە توقتاپ تۇر. وسىعان وراي، قىزىلوردا قالاسى مەن بارلىق اۋدانداردا جىلىجاي شارۋاشىلىعىن دامىتۋ جونىندە ارنايى ءىس-شارالار قابىلدانىپ، ءتيىستى جۇمىستار جۇرگىزىلىپ، ۇستىمىزدەگى جىلى جاڭادان قولعا الىنعان جانە جۇمىسى توقتاپ تۇرعان جالپى كولەمى 6،395 گا بولاتىن 43 جىلىجايدى ىسكە قوسۋ جوسپارلانىپ وتىر.

قىزىلوردا وبلىسى

سوڭعى جاڭالىقتار

اتىراۋدا 9 بالانى يت تالادى

ايماقتار • بۇگىن، 19:57

ۇقساس جاڭالىقتار