«اتامەكەن» كەدەن بەكەتىندە وزبەكستان رەسپۋبليكاسىنان قازاقستان رەسپۋبليكاسىنا باعىتتالعان 1967 جىلى تۋعان تاجىكستان ازاماتى باسقارعان اق ءتۇستى «Nexia» ماركالى جەڭىل اۆتوكولىگى شەكارالىق جانە كەدەندىك باقىلاۋ جۇرگىزۋ ءۇشىن تەكسەرىپ قاراۋ الاڭىنا ورنالاستىرىلادى.
اتالعان جەڭىل اۆتوكولىگىنە «اتامەكەن» كەدەن بەكەتىنىڭ جاۋاپتى قىزمەتكەرى باس مامانى جانە قىزمەتتىك ءيتى بار شەكاراشى تەكسەرىپ قاراۋ جۇمىستارىن جۇرگىزۋ ناتيجەسىندە, لامار قىزمەتتىك ءيتى «Nexia» ماركالى جەڭىل اۆتوكولىگىنىڭ جانار جاعار ماي ىدىسى ورنالاسقان تۇسىنان كۇدىك بارىن سەزدىرۋ بەلگىسىن ءبىلدىردى.
بىرلەسكەن تەكسەرۋ توبى ماي قۇيۋ باگىنىڭ تۇسىنان قوسىمشا جالعانعان ىدىسقا ۇقساس تەمىر كونتەينەر قوراپتى بايقادى.
اتالعان تەمىر قوراپتىڭ ىشىنەن كۇدىك تۋعىزاتىن, شامامەن سالماعى 2 كگ, ەكى وراما تابىلادى. كولىك جۇرگىزۋشىسى ورامادا اق ءتۇستى ۇنتاق «گەروين» ەكەنىن, تاجىكستان رەسپۋبليكاسىنان شىمكەنت قالاسىنا جەتكىزۋ ءۇشىن تاسىمالعا اقى العانىن ايتتى.
قازىرگى تاڭدا انىقتالعان جاعداي بويىنشا بارلىق ماتەريالدار ماقتاارال اۋداندىق ىشكى ىستەر باسقارماسىنا جىبەرىلدى.
