ەكى پوليتسەيگە ىزدەۋ جاريالاندى

سارسەنبى, 17 ءساۋىر 2013 2:19

قىزىلوردا وبلىسى, شيەلى اۋداندىق ىشكى ىستەر ءبولىمى كريمينالدىق پوليتسيا بولىمشەسىنىڭ ەكى اعا ۋاكىلىنە ىزدەۋ جاريالاندى.  قۇقىق قورعاۋ ورگاندارىنىڭ قۇرساۋىنان قاشىپ, بوي تاسالاپ جۇرگەن بۇل ەكەۋگە ۋاقىتشا ۇستاۋ يزولياتورىنا قامالعان ادامدى ۇرىپ-سوقتى دەگەن ايىپ تاعىلدى.

سارسەنبى, 17 ءساۋىر 2013 2:19

قىزىلوردا وبلىسى, شيەلى اۋداندىق ىشكى ىستەر ءبولىمى كريمينالدىق پوليتسيا بولىمشەسىنىڭ ەكى اعا ۋاكىلىنە ىزدەۋ جاريالاندى.  قۇقىق قورعاۋ ورگاندارىنىڭ قۇرساۋىنان قاشىپ, بوي تاسالاپ جۇرگەن بۇل ەكەۋگە ۋاقىتشا ۇستاۋ يزولياتورىنا قامالعان ادامدى ۇرىپ-سوقتى دەگەن ايىپ تاعىلدى.

وقيعانىڭ كىرىسپەسى مىناداي. شيەلى اۋداندىق ىشكى ىستەر ءبولىمى كريمينالدىق پوليتسيا بولىمشەسىنىڭ اعا ۋاكىلدەرى س.ءپىر­مانوۆ پەن ە.تولەشەۆ  قىل­مىستىق كودەكستىڭ 175-بابى 2-بولىگىنىڭ ا, ۆ تارماقتارى بو­يىن­شا ۇستىنەن قىلمىستىق ءىس قوزعالىپ, كۇدىكتى رەتىندە ۇستالعان ا.دۇيسەنباەۆتى ۇرىپ-سوققان. كۇدىكتى سوسىن پوليتسەيلەردىڭ اۋىر سوققىلارىن كوتەرە الماي, شۇعىل اۋرۋحاناعا جاتقىزىلعان. سول جەردە وعان «اششى ىشەگى جىرتىلىپ, 3-دارەجەلى گەموررولوگيالىق شوك العان» دەگەن دياگنوز قويىلىپ, جەدەل تۇردە وتا جاسالعان.
ارتىنشا ىسكە اۋداندىق پروكۋراتۋرا قىزمەتكەرلەرى ارالاسىپ, الدىن الا جۇرگىزگەن تەرگەۋ الدى تەكسەرۋلەرى ناتيجەسىندە ەكى اعا ۋاكىلدىڭ كۇدىكتىگە اۋدان كولەمىندەگى اشىلماعان باسقا دا قىلمىستاردى مويىنداتپاق بولىپ قيناعاندارى انىقتالادى. وسىعان وراي, اتالمىش وقيعا نەگىزىندە قك-ءنىڭ 141-1 بابى 3-بولىگىمەن قىلمىستىق ءىس قوزعالدى.
قازىرگى تاڭدا بۇل ءىس بويىنشا تەرگەۋ جۇمىستارىن وبلىستىق پروكۋراتۋرانىڭ ارنايى پروكۋرورلار باسقارماسى جۇرگىزۋدە. ءىس بويىنشا جۇرگىزىلگەن تەرگەۋ امالدارى مەن جيناقتالعان دالەلدەمەلەردىڭ جەتكىلىكتىگى ەسكەرىلىپ, شيەلى ءاىىب كريمينالدى پوليتسيا بولىمشەسىنىڭ اعا جەدەل ۋاكىلدەرى س.ءپىرمانوۆ پەن ە.تولەشەۆكە ءتيىستى ايىپتار تاعىلدى. بىراق سوڭىنان ەكى پوليتسيا قىزمەتكەرىنىڭ قاشىپ كەتكەنى بەلگىلى بولدى. وسىعان بايلانىس­تى ىزدەۋ جاريالاندى. قازىر سول باعىتتا جەدەل-ىزدەستىرۋ شارالارى جۇرگىزىلۋدە.
ەرجان بايتىلەس,
«ەگەمەن قازاقستان».
قىزىلوردا وبلىسى,
شيەلى اۋدانى.