«تالايلاردى تامساندىرعان, تال بەسىگىم – تالدىقورعان» اتتى تاقىرىپپەن باستالعان ەكسپەديتسياعا اقتاۋداعى ءبىلىم ورداسىنان «قاراقيا» شاڭىراعىنىڭ 12 وقۋشىسى جانە استانا قالاسىنداعى مەكتەپ وقۋشىلارى قاتىستى.
ەكسپەديتسيا بارىسىندا بالالار ەجەلگى پەتروگليفتەرمەن تانىسۋ ماقساتىندا تامعالى تاس تاۋلارىنا, «شارىن» شاتقالى مەن اتاقتى كولساي كولدەرىن تاماشالادى.
- بۇل جوبا تۋعان جەردىڭ تابيعاتى مەن ءار ءوڭىردىڭ ەرەكشەلىگىن تۇسىندىرگەن ساپار بولدى. كولساي كولدەرىنە ساپار وتە ۇزاققا سوزىلدى. قاتتى شارشاعانىمىزبەن كولساي كولىنىڭ اسەمدىگىن, بويىنا جيناعان تىلسىم كۇشىن سەزىنگەندە قاتتى تاڭعالىپ, ەلىمىز ءۇشىن كەۋدەمىزدى ماقتانىش كەرنەدى. ءتىپتى سول جەردەن كەتكىمىز كەلمەي قالدى. بۇل ساپاردى ەشقاشان ۇمىتپايمىن, دەيدى گۇلدانا سۇلەيمەنوۆا العان اسەرىمەن ءبولىسىپ.
جوبا بارىسىندا وقۋشىلار «چەركاساي» شاتقالى مەن سارقىراماسىن تاماشالاپ, فلورا, فاۋناسىمەن, ءتىپتى جانۋارلارىمەن دە تانىستى.
اپتانىڭ ەكىنشى جارتىسى الماتى وبلىسىنىڭ تىنىسىمەن ەتەنە جاقىن تانىسۋمەن جالعاستى. وقۋشىلار او «ازيا-ەلەكتريك» جانە كولىك اككۋمۋلياتورلارىن وندىرەتىن «كاينار – اكب» مەكەمەسىنە بارىپ, وندىرىلەتىن ونىمدەردى ءوز كوزدەرىمەن كوردى. سونداي-اق تالدىقورعانداعى مەملەكەتتىك ارحيۆتە شاڭ باسقان قۇجاتتارمەن جۇمىس ىستەۋدى ۇيرەندى.
- ولكەتانۋ-زەرتتەۋ ەكسپەديتسياسىن ۇيىمداستىرۋداعى نەگىزگى ماقسات مەملەكەتىمىزدىڭ تاريحىنا زياتكەرلەردى تەرەڭ ءۇڭىلتۋ. بۇل تۇرعىدان تالدىقورعانداعى ارحيۆكە بارعانىمىز وتە قىزىقتى بولدى. بالالار دەرەكتەرگە قىزىعۋشىلىق تانىتىپ, كوپتەگەن سۇراقتارىنا جاۋاپ الدى, دەيدى ساپارعا اتتانعان تاريح ءپانى مۇعالىمى شولپان سامەنوۆا.
«تۋعان ەلگە تاعزىم» ءىس-ارەكەتتى زەرتتەۋ باعىتىنداعى ولكەتانۋلىق ەكسپەديتسيا 2012 جىلدان بەرى ۇيىمداستىرىلىپ كەلەدى.
زياتكەرلىك مەكتەپتەردىڭ ءوزارا مارشرۋت الماسۋ ارقىلى قازاقستان ايماقتارىمەن تانىسىپ, زەرتتەۋ جۇرگىزۋى بۇل ءبىلىم بەرۋ ساپارىنىڭ ەرەكشەلىگى بولىپ تابىلادى. ەكسپەديتسياعا ءار ايماقتىڭ 7, 8, 9, 10 سىنىپتارىنان وقۋ بارىسىندا, شىعارماشىلىقتا, سپورتتىق شارالارداعى جەتىستىكتەرى ءۇشىن تاڭدالعان وقۋشىلار قاتىسادى.
