ارقار اتىپ, اقبوكەن اۋلاعان براكونەرلەردى قۇقىق قورعاۋشىلار تاپ باستىرماي ۇستادى
بەيسەنبى, 4 ءساۋىر 2013 2:04
قىزىلوردا وبلىسىنىڭ قۇقىق قورعاۋشىلارى اينالاسى بىرەر كۇننىڭ ىشىندە تاۋ اڭعارىندا ارقار اتىپ, ادىردا اقبوكەن اۋلاپ جۇرگەن ارسىز اڭشىلاردى قۇرىققا ءتۇسىرىپ, قىلمىستارىنىڭ جولىن كەستى. الدىمەن پوليتسيا باسقارماسى تابيعاتتى قورعاۋ ءبولىمى مەن «وحوتزووپروم» ءوب مەملەكەتتىك مەكەمەسى قىزمەتكەرلەرى بىرلەسىپ قۇرعان جەدەل توپ جاڭاقورعان اۋدانى اۋماعىنداعى ارقاربۇلاق شاتقالىندا ارقار اتىپ جۇرگەن ازعىندارعا جولىقتى.
بەيسەنبى, 4 ءساۋىر 2013 2:04
قىزىلوردا وبلىسىنىڭ قۇقىق قورعاۋشىلارى اينالاسى بىرەر كۇننىڭ ىشىندە تاۋ اڭعارىندا ارقار اتىپ, ادىردا اقبوكەن اۋلاپ جۇرگەن ارسىز اڭشىلاردى قۇرىققا ءتۇسىرىپ, قىلمىستارىنىڭ جولىن كەستى. الدىمەن پوليتسيا باسقارماسى تابيعاتتى قورعاۋ ءبولىمى مەن «وحوتزووپروم» ءوب مەملەكەتتىك مەكەمەسى قىزمەتكەرلەرى بىرلەسىپ قۇرعان جەدەل توپ جاڭاقورعان اۋدانى اۋماعىنداعى ارقاربۇلاق شاتقالىندا ارقار اتىپ جۇرگەن ازعىندارعا جولىقتى.
تابيعات قورعاۋشىلاردىڭ كوزدەرىنە ەل-جۇرتتان الىس ماڭدا ماڭىپ جۇرگەن «ۋاز» بىردەن ءتۇستى. ال ونى قاۋمالاپ ءجۇرىپ توقتاتىپ, سالونىن اشىپ قالعاندا, ارعى جاعىنان ءبىر ارقاردىڭ سىپىرىلىپ الىنعان ەتى سۋىرىلىپ شىعا كەلدى. قازاقستاننىڭ قىزىل كىتابىنا كىرگەن سيرەك كەزدەسەتىن بۇل اڭدى نەگە جانە نە ءۇشىن اتىپ العاندارىن ەندى ءبىرى 51-دەگى, ەكىنشىسى 34-تەگى جاڭاقورعان اۋدانىنىڭ تۇرعىندارى سوت الدىندا ايتىپ بەرەتىن بولادى. ولار مىنگەن كولىكتىڭ سالونىنان سونداي-اق متس ۇلگىدەگى 1 اڭشى مىلتىعى مەن 3 دانا پوليتيلەندى وق ايعاقتى زات رەتىندە الىندى. قازىر جيناقتالعان قۇجاتتار بويىنشا اۋداندىق ىشكى ىستەر ءبولىمى كۇدىكتىلەر ۇستىنەن تەكسەرۋ امالدارىن جۇرگىزۋدە.
وسىنىڭ ارتىنشا ارال اۋداندىق پروكۋراتۋراسىنىڭ ۇيىمداستىرۋىمەن جۇرگىزىلگەن رەيد كەزىندە ءبىر اقبوكەننىڭ ەتى مەن التى اقبوكەننىڭ ءمۇيىزىن الىپ بارا جاتقان قانىپەزەر قۇرىققا ءتۇستى. ول ارال قالاسىنىڭ سولتۇستىگىندەگى 90 شاقىرىم جەردەگى اۆتوتراسسا بويىنان «حوندا» ماركالى كولىك توقتاتىلعان كەزدە ايان بولدى. ال ماشينا مەن ونداعى زاتتاردىڭ يەسى سەكسەۋىل كەنتىنىڭ 27 جاسار تۇرعىنى بولىپ شىقتى. تەكسەرۋ قورىتىندىسىندا سالوننان تاعى 1 دانا قولدان جاسالعان پىشاق, 1 دانا قول اراسى ايعاق زات رەتىندە تاركىلەنىپ الىندى.
كۇدىكتى رەتىندە ۇستالعان جىگىت اقبوكەندى كەنتتەن 80 شاقىرىم قاشىقتىقتاعى قۇتي تاقىرىنان قۋىپ ۇستاعانىن مويىنداعان. پروكۋراتۋرا بۇل وقيعاعا بايلانىستى دا قىلمىستىق ءىس قوزعالىپ, انىقتاۋ امالدارىن جۇرگىزۋ ءۇشىن قۇجاتتاردى اۋداندىق ىشكى ىستەر بولىمىنە جولدادى.
ەرجان بايتىلەس,
«ەگەمەن قازاقستان».
قىزىلوردا وبلىسى.
