پوليتسيادا پارمەن بولماسا, ۇرىدان ۇيات كەتەدى
سارسەنبى, 3 ءساۋىر 2013 2:24
بالكىم, بارىمتاشىلاردىڭ بۇلاي باتىل قيمىلداۋىنا جول پوليتسياسى, جالپى اۋىلداعى ۋچاسكەلىك ينسپەكتورلاردىڭ بەيعامدىعى دا سەپ بولىپ وتىرعان شىعار. «ءبىر جىل ىشىندە وڭتۇستىكقازاقستاندىق جول پوليتسياسى قىزمەتكەرلەرى مال ۇرلىعىنا بايلانىستى ءبىر-اق قىلمىستىڭ اشىلۋىنا كومەگى ءتيىپتى» دەيدى بۇل جونىندە وبلىس پروكۋرورى يبراگيم يمانوۆ. ودان بولەك بىرقاتار اۋىل وكرۋگتەرىنىڭ تۇرعىندارىمەن سويلەسكەندە, ولاردىڭ كوبىسى وزدەرىنە بەكىتىلگەن ۋچاسكەلىك ينسپەكتورلاردى مۇلدەم تانىمايتىنى بەلگىلى بولىپتى.
سارسەنبى, 3 ءساۋىر 2013 2:24
بالكىم, بارىمتاشىلاردىڭ بۇلاي باتىل قيمىلداۋىنا جول پوليتسياسى, جالپى اۋىلداعى ۋچاسكەلىك ينسپەكتورلاردىڭ بەيعامدىعى دا سەپ بولىپ وتىرعان شىعار. «ءبىر جىل ىشىندە وڭتۇستىكقازاقستاندىق جول پوليتسياسى قىزمەتكەرلەرى مال ۇرلىعىنا بايلانىستى ءبىر-اق قىلمىستىڭ اشىلۋىنا كومەگى ءتيىپتى» دەيدى بۇل جونىندە وبلىس پروكۋرورى يبراگيم يمانوۆ. ودان بولەك بىرقاتار اۋىل وكرۋگتەرىنىڭ تۇرعىندارىمەن سويلەسكەندە, ولاردىڭ كوبىسى وزدەرىنە بەكىتىلگەن ۋچاسكەلىك ينسپەكتورلاردى مۇلدەم تانىمايتىنى بەلگىلى بولىپتى.
ۇرىلاردىڭ ەركىنسىپ كەتكەنى سونشالىق شاردارا اۋدانىنىڭ تۇرعىنىنا تيەسىلى 40 باس جىلقىنى جايىلىمنان ۇرلاپ, ەكى «كاماز» كولىگىمەن سوناۋ قاراعاندىعا جەتكىزىپ, ساتىپ جىبەرىپتى. قاراعاندى قايدا, شاردارا قايدا… جول-جونەكەي ەشقانداي توسقاۋىل بولماعان. سونداي-اق, ۇرلانعان مالدى كورشىلەس اۋداندارعا, ءتىپتى باسقا وبلىستارعا ەشقانداي ۆەتەرينارلىق تولقۇجاتسىز تاسىمالداۋعا, بازارلار مەن مال سويۋ ورىندارىنا وتكىزۋدە دە توسقاۋىلدىڭ بولماۋى بۇل قىلمىستاردىڭ جيىلەۋىنە سەپتىگىن تيگىزۋدە. وڭتۇستىك قازاقستان وبلىستىق پروكۋراتۋراسى بۇل تاراپتا قاداعالاۋدى كۇشەيتىپ, ىشكى ىستەر سالاسىنىڭ جۇمىسىن ءبىر شيراتىپ الدى. مىسالى, تۇلكىباس اۋدانىنىڭ پروكۋراتۋراسى مال ۇرلىقتارىنىڭ كۇرت ءوسۋ سەبەپتەرى مەن الدىن الۋ, بولدىرماۋ جانە ولارمەن كۇرەسۋگە باعىتتالعان شارالاردىڭ پارمەندىلىگىنە تەكسەرۋ جۇرگىزىپ, ونىڭ قورىتىندىسى بويىنشا 9 پوليتسيا قىزمەتكەرى تارتىپتىك جاۋاپكەرشىلىككە تارتىلسا, 20 ۋچاسكەلىك ينسپەكتوردىڭ اكىمشىلىك اۋماقتارى اۋىستىرىلدى. وسىنداي جۇمىستار قازىعۇرت اۋدانىندا دا جۇرگىزىلگەن.
ناتيجەسىندە سوڭعى ايلاردا 12 قىلمىستىڭ بەتى اشىلىپ, 2012 جىلدىڭ وسى مەرزىمىمەن سالىستىرعاندا مال ۇرلىعى 43 پايىزعا ازايىپتى.
ورالحان ءداۋىت,
«ەگەمەن قازاقستان».
وڭتۇستىك قازاقستان وبلىسى.
