جاۋاپكەرشىلىك – زاڭ جەتىستىگى
بەيسەنبى, 28 ناۋرىز 2013 1:33
كەشە ەلوردادا «قازاقستان رەسپۋبليكاسىنىڭ مەديا زاڭناماسىن رەفورمالاۋدىڭ كەلەشەگى» اتتى دوڭگەلەك ۇستەل بولىپ ءوتتى. ونىڭ جۇمىسىنا ەلىمىزدەگى مەملەكەتتىك ورگانداردىڭ, ۇكىمەتتىك ەمەس جانە ديپلوماتيالىق ميسسيالار مەن حالىقارالىق ۇيىمداردىڭ وكىلدەرى مەن زاڭگەرلەر, ساراپشىلار, جۋرناليستەر قاتىستى. وندا, جوعارىدا ايتىلعان, ءارتۇرلى مينيسترلىكتەر مەن ۆەدومستۆولاردان كەلگەن ماماندار, حالىقارالىق جانە ۇلتتىق ساراپشىلار, ازاماتتىق قوعامنىڭ وكىلدەرى مەديا زاڭنامانى جۇمسارتۋدىڭ مۇمكىندىكتەرىن تالقىلاپ, قىلمىستىق كودەكستىڭ جاڭا جوباسىنا ارنالعان ءوز ۇسىنىستارىن ورتاعا سالدى.
بەيسەنبى, 28 ناۋرىز 2013 1:33
كەشە ەلوردادا «قازاقستان رەسپۋبليكاسىنىڭ مەديا زاڭناماسىن رەفورمالاۋدىڭ كەلەشەگى» اتتى دوڭگەلەك ۇستەل بولىپ ءوتتى. ونىڭ جۇمىسىنا ەلىمىزدەگى مەملەكەتتىك ورگانداردىڭ, ۇكىمەتتىك ەمەس جانە ديپلوماتيالىق ميسسيالار مەن حالىقارالىق ۇيىمداردىڭ وكىلدەرى مەن زاڭگەرلەر, ساراپشىلار, جۋرناليستەر قاتىستى. وندا, جوعارىدا ايتىلعان, ءارتۇرلى مينيسترلىكتەر مەن ۆەدومستۆولاردان كەلگەن ماماندار, حالىقارالىق جانە ۇلتتىق ساراپشىلار, ازاماتتىق قوعامنىڭ وكىلدەرى مەديا زاڭنامانى جۇمسارتۋدىڭ مۇمكىندىكتەرىن تالقىلاپ, قىلمىستىق كودەكستىڭ جاڭا جوباسىنا ارنالعان ءوز ۇسىنىستارىن ورتاعا سالدى. ءسويتىپ, جينالعاندار ازاماتتىق, اكىمشىلىك قۇقىق بۇزۋشىلىق تۋرالى كودەكسكە جانە «بۇقارالىق اقپارات قۇرالدارى تۋرالى» زاڭعا وزگەرىستەر قاجەتتىگىن جەتكىزدى.
مۇندا, الدىمەن, قازاقستان رەسپۋبليكاسى قىلمىستىق كودەكسى جوباسىنىڭ جاڭا رەكداكتسياسىندا ءسوز ەركىندىگىن تەرىس پايدالانعانى ءۇشىن كوزدەلگەن قىلمىستىق جاۋاپكەرشىلىك تۋرالى ايتىلدى. وسىعان بايلانىستى جالا جاپقانى ءۇشىن قىلمىستىق قۋدالاۋدى توقتاتۋ قاجەتتىگى دە ءسوز بولدى. بۇل ايتىلعان پىكىرلەر مازمۇنى قىلمىستىق كودەكسكە وزگەرىس ەنگىزۋ جالا جاپقانى ءۇشىن قىلمىستىق قۋدالاۋدى ازاماتتىق-اكىمشىلىك جاۋاپكەرشىلىككە اۋىستىرۋعا مۇمكىندىك بەرەدى ەكەن. ويتكەنى, «جالا جاپقانى جانە ءتىل تيگىزگەنى ءۇشىن قىلمىستىق قۋدالاۋ تەك جۋرناليستەر ءۇشىن عانا ەمەس, سونىمەن قاتار, جازۋشىلار مەن اقىندار, رەجيسسەرلەر مەن دراماتۋرگتەر سەكىلدى بارلىق شىعارماشىلىق وكىلدەرى ءۇشىن رەپرەسسيۆتى شارا بولىپ تابىلادى», دەپ ەسەپتەيدى سوروس-قازاقستان قورىنىڭ باسقارما توراعاسى ا.ارتەمەۆ.
ول جوعارىدا ايتىلعان جاعداي وتاندىق جۋرناليستيكانىڭ دامۋىنا ۇلكەن سوققى بولاتىندىعىن, سەبەبى, سوت كيكىلجىڭىنىڭ شىعىندىق قاۋىپتەرىن بىلە تۇرا ءارى شەنەۋنىكتەردىڭ وزبىرلىعىنان وزدەرىن قورعالماعاندىعىن بىلەتىن جۋرناليستەر ەل ءۇشىن, قوعام ءۇشىن ماڭىزدى جايتتەردى اشۋدان, سىناۋدان سانالى تۇردە باس تارتادى, دەيدى. ونىڭ ۇستىنە «ءادىل ءسوز» قوعامدىق قورى جۇرگىزگەن مونيتورينگكە سايكەس, وتكەن جىلى ازاماتتىق ىستەر بويىنشا مورالدىق زيان ءۇشىن وتەماقىنى تولەۋدى تالاپ ەتكەن تالاپ ارىزداردىڭ جالپى سوماسى 4,5 ملرد. تەڭگەنى قۇراعان. «ال ەندى قىلمىستىق كودەكستىڭ جاڭا رەداكتسياسىندا جالا جاپقانى ءۇشىن ايىپپۇل ون ەسەگە ءوستى. سوندا بەس ميلليون تەڭگەدەن اساتىن سومانى بىردەن تولەۋ جۋرناليستەر ءۇشىن اۋىر بولىپ تابىلادى», – دەيدى «ءادىل ءسوز» قق-نىڭ پرەزيدەنتى ت. كالەەۆا.
ويتكەنى, قىلمىستىق كودەكستە لاۋازىمدى تۇلعالاردىڭ جەكە م ۇلىكتىك ەمەس قۇقىقتارىن قورعاۋدىڭ اسا جوعارى شارالارىن كوزدەگەن بەس بىردەي باپ بار, دەيدى جينالعاندار. جالا جابۋ باپتارى بويىنشا جازالاۋ تۇرلەرىنىڭ ىشىندە ءۇش جىلعا دەيىن باس بوستاندىعىنان ايىرۋ تاعى بار. باق پەن جۋرناليستەرگە قارسى بەرىلگەن م ۇلىكتىك ەمەس قۇقىقتاردى قورعاۋ تۋرالى تالاپ ارىزداردى قابىلداۋدىڭ مەرزىمى شەكتەلمەگەن, مورالدىق زياننىڭ سوماسى كورسەتىلمەگەن. مۇنىڭ ءبارىن تىركەي كەلگەندە, اكىمشىلىك زاڭنامادا بۇقارالىق اقپارات قۇرالدارىنىڭ قىزمەتىنىڭ سالاسىنا قاراستى اكىمشىلىك قۇقىق بۇزۋشىلىقتىڭ قىرىقتان استام وزىندىك قۇرامى بار كورىنەدى.
وسىلايشا دوڭگەلەك ۇستەل باسىندا ءورىس العان اتالعان ماسەلەلەر بويىنشا جانە قىلمىستىق كودەكس جوباسىنىڭ جاڭا رەداكتسياسىنداعى ازاماتتار مەن لاۋازىمدى تۇلعالاردىڭ جەكە م ۇلىكتىك ەمەس قۇقىقتارىن تومەندەتكەنى ءۇشىن جاۋاپكەرشىلىك تۋرالى اتالعان كودەكستىڭ جاڭا جوباسىن دايىنداۋ جونىندەگى قىزمەتتىك توپتىڭ ساراپشىلارى دا ويلارىمەن ءبولىستى. ودان ءارى مەديا زاڭناماسىن مەملەكەت پەن قوعام مۇددەسى ءۇشىن رەفورمالاۋدىڭ جولدارى, قىلمىستىق كودەكس جوباسىنىڭ جاڭا رەداكتسياسىندا – حالىقارالىق ستاندارتتار, جەكە ومىرگە قول سۇقپاۋ, ينتەرنەتتە ءسوز بوستاندىعىن تەرىس پايدالانعانى ءۇشىن قىلمىستىق قۋدالاۋ, ار-نامىس, قادىر-قاسيەت جانە ىسكەرلىك بەدەلدى قورعاۋدىڭ حالىقارالىق قالىپتارى, مورالدىق زالال مەن ونى ەلىمىزدىڭ ازاماتتىق كودەكسى ارقىلى ءوندىرۋ, باق پەن جۋرناليستەردەن مورالدىق زالالداردى تالاپ ەتۋدىڭ سوت تاجىريبەسى, «بۇقارالىق اقپارات قۇرالدارى تۋرالى» جانە «تەلەحابارلاردى تاراتۋ تۋرالى» زاڭدارداعى مەديابيزنەستى دامىتۋدىڭ كەدەرگىلەرى جونىندە جانە ت.ب ماسەلەلەر تۋرالى ءسوز بولدى.
الەكساندر تاسبولاتوۆ,
«ەگەمەن قازاقستان».
