الاياق
بەيسەنبى, 28 ناۋرىز 2013 1:09
تالايدىڭ اقىسىن جەگەن قىلمىسكەر قۇرىقتالدى
باياعىدا ءبىر بەيباق كۇيىپ كەتكەننەن: «اكەسىن ساباعاندى كورىپ ەدىك, ارباعا بايلاپ ساباعاندى ءبىرىنشى رەت كورۋىم», دەپتى عوي. سول ايتقانداي, مىنا ءبىر وقيعانىڭ دەرەگىمەن تانىسىپ, جاعامىزدى ۇستاپ وتىرعان جايىمىز بار.
ارال اۋدانىندا «ارال-شەپ» دەگەن پوليتسيا بەكەتى بار. اقتوبە جاق بەتىندە. قايسىبىر كۇنى جول پوليتسياسىنىڭ قىزمەتكەرلەرى وسى بەكەتتە «Seat alhambra» ماركالى كولىكتى توقتاتادى.
بەيسەنبى, 28 ناۋرىز 2013 1:09
تالايدىڭ اقىسىن جەگەن قىلمىسكەر قۇرىقتالدى
باياعىدا ءبىر بەيباق كۇيىپ كەتكەننەن: «اكەسىن ساباعاندى كورىپ ەدىك, ارباعا بايلاپ ساباعاندى ءبىرىنشى رەت كورۋىم», دەپتى عوي. سول ايتقانداي, مىنا ءبىر وقيعانىڭ دەرەگىمەن تانىسىپ, جاعامىزدى ۇستاپ وتىرعان جايىمىز بار.
ارال اۋدانىندا «ارال-شەپ» دەگەن پوليتسيا بەكەتى بار. اقتوبە جاق بەتىندە. قايسىبىر كۇنى جول پوليتسياسىنىڭ قىزمەتكەرلەرى وسى بەكەتتە «Seat alhambra» ماركالى كولىكتى توقتاتادى. قۇجاتتارىن تەكسەرمەككە. جۇرگىزۋشى باتىس قازاقستان وبلىسىنىڭ تۇرعىنى ەكەن. بارلىق قۇجاتتارى دۇرىس بولىپ شىعادى. تولەنبەگەن ەشقانداي ايىپپ ۇلى دا بولمايدى. ءدال وسى ساتتە كولىكتەن الدەبىر قىز جانۇشىرا ايقايلاپ, قاشىپ شىعادى. ارتىنان سوقتالداي ءبىر جىگىت قۋا جۇگىرەدى. قىزعا جەتە المايتىنىن بىلگەن جىگىت بەتى اۋعان جاققا قاشادى. دەگەنمەن, پوليتسيا قىزمەتكەرلەرى قىزدى دا, ءجىگىتتى دە ۇستايدى. ءسويتىپ, ارال اۋداندىق ىشكى ىستەر بولىمىنە اپارادى. وسى جەردە ءمان-جايدىڭ بارلىعى اقتارىلادى.
قاشقان كەلىنشەك پەن قۋعان جىگىت بۇرىن وتاسقان ادامدار ەكەن. قىز وڭتۇستىك قازاقستان وبلىسىنىڭ تۋماسى دا, جىگىت اتىراۋدان ەكەن. كەيىن ءدام-تۇزدارى جاراسپاي اجىراسىپ كەتكەن كورىنەدى. بىراق ءبىر شاڭىراق استىندا تۇرىپ جاتقان كەزىندە كۇيەۋ بالا قايىناتاسىنان قارىزعا اقشا الادى. اقشا العاندىعى تۋرالى قولحات بەرىپ, ونى نوتاريۋستان بەكىتەدى. سودان اقشانى قايتارمايدى عوي. ءىس ناسىرعا شابادى. قارىز بەرۋشى سوتقا بەرەتىنىن ايتادى. وسى تۇستا بۇرىنعى كۇيەۋ بالا ورالدان ءبىر كولىكتى جالداپ شىمقالاعا تارتىپ كەتەدى. ول بارعاندا قىز ۇيىندە ەكەن. تاماعىنا پىشاق تاقاپ, گاز باللونمەن ۇركىتىپ جىگىت بۇرىنعى ايەلىن الىپ قاشادى. جولدا قىزدى اكەسىمەن سويلەستىرەدى. سوسىن: «قولحاتتى اتىراۋعا اكەلىپ بەرگەننەن كەيىن قىزىڭدى الىپ كەتەسىڭ», دەپ شارت قويادى. ءبىر قىزىعى, جۇرگىزۋشى بۇل ءىستىڭ بارىنەن بەيحابار بولىپ شىعادى. ءوزى بەرگەن كۋالىگىندە: «كۇدىكتى تەلەفونمەن مەنىڭ كوزىمشە سويلەسكەن جوق, مەن ەشتەڭە بىلمەيتىن ەدىم», دەيدى. ال قىز بولسا جۇرگىزۋشىنى بۇرىنعى كۇيەۋىنىڭ ىمداسى ەكەن دەپ ويلايدى. وقيعانىڭ ۇزىن-ىرعاسى وسىنداي.
كۇدىكتى وزىنەن سۇراق الىنىپ جاتقاندا قاشپاققا ارەكەتتەنىپتى. ءسويتىپ, بولىمشەنىڭ ءۇشىنشى قاباتىنان سەكىرىپ كەتىپتى. بىراق ءبارىبىر ۇستالعان. زەرتتەي كەلە كۇدىكتىنىڭ بۇل ءبىر عانا قىلمىسى ەمەس ەكەنى انىقتالعان. اتىراۋ قالالىق قارجى پوليتسياسى ونىڭ ۇستىنەن قر قك-ءنىڭ 177/3 ءبولىگىمەن ايىپ تاعىپ, ىزدەۋ جاريالاعانى ءمالىم بولدى. بۇل – ادامداردىڭ سەنىمىنە كىرىپ, اقشالارىن الىپ, قايتارماي قويعان, الاياقتىق جاساعان دەگەن ءسوز. ءبىر ءوزى 11 ادامدى قانقاقساتىپ كەتكەن دەيدى.
سونىمەن, تالايدىڭ اقىسىن جەپ, كوز جاسىنا قالعان كۇدىكتى ارالدا قۇرىقتالدى. بۇگىندە ول قاماۋدا وتىر. ال قۇجاتتارى وڭتۇستىك قازاقستان وبلىسىنىڭ اباي اۋداندىق ىشكى ىستەر بولىمىنە جىبەرىلدى. وسىلايشا, ناقاقتان-ناقاق كۇيىپ كەتكەلى تۇرعان قىزدىڭ تاعدىرى وڭىنان شەشىلدى.
ەرجان بايتىلەس,
«ەگەمەن قازاقستان».
قىزىلوردا وبلىسى.
