سوت
بەيسەنبى, 14 ناۋرىز 2013 1:29
ۆلاديمير كوزلوۆتىڭ كاسساتسيالىق شاعىمىن قاناعاتتاندىرۋسىز قالدىردى
كەشە ماڭعىستاۋ وبلىستىق سوتىنىڭ كاسساتسيالىق سوت القاسىندا ۆ.كوزلوۆقا, ا.امينوۆقا جانە س.ساپارعاليعا قاتىستى قىلمىستىق ءىس قارالدى. بۇعان دەيىن حابارلاعانىنداي, اقتاۋ قالالىق سوتىنىڭ 2012 جىلعى 8 قازانداعى ۇكىمىمەن: كوزلوۆ ۆلاديمير يۆانوۆيچ قر قك-ءنىڭ 235-بابىنىڭ 1-بولىگىمەن, 164-بابىنىڭ 3-بولىگىمەن, 170-بابىنىڭ 2-بولىگىمەن كىنالى دەپ تانىلىپ, وعان قر قك-ءنىڭ 58-بابىنىڭ 3-بولىگىمەن مۇلكىن تاركىلەۋمەن 7 جىل 6 ايعا باس بوستاندىعىنان ايىرۋ جازاسى تاعايىندالدى;
بەيسەنبى, 14 ناۋرىز 2013 1:29
ۆلاديمير كوزلوۆتىڭ كاسساتسيالىق شاعىمىن قاناعاتتاندىرۋسىز قالدىردى
كەشە ماڭعىستاۋ وبلىستىق سوتىنىڭ كاسساتسيالىق سوت القاسىندا ۆ.كوزلوۆقا, ا.امينوۆقا جانە س.ساپارعاليعا قاتىستى قىلمىستىق ءىس قارالدى. بۇعان دەيىن حابارلاعانىنداي, اقتاۋ قالالىق سوتىنىڭ 2012 جىلعى 8 قازانداعى ۇكىمىمەن: كوزلوۆ ۆلاديمير يۆانوۆيچ قر قك-ءنىڭ 235-بابىنىڭ 1-بولىگىمەن, 164-بابىنىڭ 3-بولىگىمەن, 170-بابىنىڭ 2-بولىگىمەن كىنالى دەپ تانىلىپ, وعان قر قك-ءنىڭ 58-بابىنىڭ 3-بولىگىمەن مۇلكىن تاركىلەۋمەن 7 جىل 6 ايعا باس بوستاندىعىنان ايىرۋ جازاسى تاعايىندالدى;
امينوۆ اقجانات مەنديباەۆيچ قر قك-ءنىڭ 235-بابىنىڭ 1-بولىگىمەن, 164-بابىنىڭ 3-بولىگىمەن, 170-بابىنىڭ 2-بولىگىمەن كىنالى دەپ تانىلىپ, وعان قر قك-ءنىڭ 55-بابىن قولدانا وتىرىپ, قر قك-ءنىڭ 58-بابىنىڭ 3-بولىگىمەن 5 جىلعا باس بوستاندىعىنان ايىرۋ جازاسى تاعايىندالدى. قر قك-ءنىڭ 63-بابى نەگىزىندە ا.امينوۆكە تاعايىندالعان جازا شارتتى دەپ ەسەپتەلىپ, وعان 3 جىل سىناق مەرزىمى بەلگىلەندى. ا.امينوۆكە قولدانىلعان «قاماۋعا الۋ» تۇرىندەگى بۇلتارتپاۋ شاراسىنىڭ كۇشى جويىلىپ, سوت زالىنان قاماۋدان بوساتىلدى;
ساپارعالي سەرىك سادىق ۇلى قر قك-ءنىڭ 170-بابى 2-بولىگىمەن كىنالى دەپ تانىلىپ, وعان 4 جىل مەرزىمگە باس بوستاندىعىنان ايىرۋ جازاسى تاعايىندالدى. قر قك-ءنىڭ 63-بابى نەگىزىندە س.ساپارعاليعا تاعايىندالعان جازا شارتتى دەپ ەسەپتەلىپ, وعان 3 جىل سىناق مەرزىمى بەلگىلەندى. س.ساپارعاليعا قولدانىلعان «قاماۋعا الۋ» تۇرىندەگى بۇلتارتپاۋ شاراسىنىڭ كۇشى جويىلىپ, سوت زالىنان قاماۋدان بوساتىلدى.
ماڭعىستاۋ وبلىستىق سوتىنىڭ قىلمىستىق ىستەر جونىندەگى اپەللياتسيالىق سوت القاسىنىڭ 2012 جىلدىڭ 19 قاراشاداعى قاۋلىسىمەن سوت ۇكىمى وزگەرىسسىز قالدىرىلعان بولاتىن. اتالمىش سوت اكتىلەرىنە سوتتالعان كوزلوۆ پەن ونىڭ قورعاۋشىلارى ۆ.سارسەمبينا مەن ا.پلۋگوۆ تاراپىنان كاسساتسيالىق تارتىپپەن شاعىم كەلتىرىلدى. ال سوتتالعان امينوۆ اقجانات مەنديباەۆيچ پەن ساپارعالي سەرىك سادىق ۇلىنا قاتىستى ۇكىمنىڭ بولىكتەرىنە كاسساتسيالىق نارازىلىق نەمەسە شاعىم بەرىلگەن جوق.
كاسساتسيالىق سوت القاسىنا پروتسەسكە قاتىسۋشىلار, سوتتالعاننىڭ تۋىستارى مەن قىزمەتتەستەرى, باق وكىلدەرى مەن باقىلاۋشىلار قاتىستى. ماڭعىستاۋ وبلىستىق سوتىنىڭ 2013 جىلعى 13 ناۋرىزداعى قاۋلىسىمەن اقتاۋ قالالىق سوتىنىڭ 2012 جىلعى 8 قازانداعى ۇكىمى جانە ماڭعىستاۋ وبلىستىق سوتىنىڭ قىلمىستىق ىستەر جونىندەگى اپەللياتسيالىق سوت القاسىنىڭ 2012 جىلعى 19 قاراشاداعى قاۋلىسى وزگەرىسسىز قالدىرىلدى, سوتتالعان ۆ.كوزلوۆ پەن ونىڭ قورعاۋشىلارىنىڭ كاسساتسيالىق شاعىمدارى قاناعاتتاندىرۋسىز قالدىرىلدى. سوت قاۋلىسى زاڭدى كۇشىنە ەندى, دەپ حابارلادى ماڭعىستاۋ وبلىستىق سوتىنىڭ ءباسپاسوز قىزمەتى.
