بۇلدىرشىندەر سپورت زالىندا ەمىن-ەركىن ويناپ ءجۇر. ءتۇسىرىلىم بارىسىندا مەكتەپتىڭ جانىنداعى №55 بالاباقشادان ىستىق تاماق جەتكىزىلدى. بالالار تاماقتاندىرىلدى. ازىرگە ەكى بالانى تۋىستارى الىپ كەتتى. سولاردىڭ ءبىرى – ەرمەك باقداۋلەتتىڭ اجەسى. ارىستىق تۇرعىننىڭ ايتۋىنشا, مالىن دا, ءۇيىن دە جايىنا قالدىرىپ, نەمەرلەرىن ىزدەپ شىمكەنتتەن ءبىر-اق شىققان.
«ارىستاعى «التىن تۇمار» بوبەكجايىنان 12 بالامەن شۇعىل تۇردە كولىكپەن شىمكەنتكە جەتكىزدى. №87 مەكتەپكە ورنالاستىق. بالالاردىڭ جاعدايى جاقسى. ءبىز بولساق الاڭداۋلىمىز. بالالاردىڭ كيىمىن دە الماعانبىز. قازىر وسىنداعى بالاباقشادان كيىم جەتكىزەمىز دەدى. راحمەت, بارلىقتارى قولدارىنان كەلگەن كومەكتى كورسەتۋدە. اۋىلدا قالعانداردى ۋايىمداپ جاتىرمىز», دەدى تاربيەشى گۇلفايرۋز ءالجۇمانوۆا.
№87 مەكتەپكە جەتكىزىلگەن ارىستىق بۇلدىرشىندەردىڭ ءتىزىمى: ءومىرحان گ ۇلىم, ءومىرحان نۇرىم, بيمباي مارجان, دوسبولات مەدەت, مەيىرجانقىزى نۋريكامال, وتەگەن ومار, احمەتوۆا كاميلا, 3 بالا ەسىمدەرىن ايتا المادى.
