ايماقتار • 24 ماۋسىم، 2019

قالالىق فيليالدىڭ توراعاسى سايلاندى

128 رەتكورسەتىلدى

Nur Otan پارتياسى توراعاسىنىڭ ءبىرىنشى ورىنباسارى ماۋلەن اشىمباەۆ پارتيانىڭ نۇر-سۇلتان قالالىق فيليالىنىڭ كەزەكتەن تىس حXX كونفەرەنتسياسىنا قاتىستى. جيىندا فيليالدىڭ جاڭا توراعاسىن سايلاۋ ماسەلەسى قارالدى. ودان بولەك، قاتى­سۋشىلار قازاقستان رەسپۋبليكاسى پرەزيدەنتىنىڭ سايلاۋ­الدى باعدارلاماسىن جۇزەگە اسىرۋ جونىندە ءوز ۇسىنىستارىن ءبىلدىرىپ، قالالىق فيليالدىڭ جۇمىسىنا قاتىستى باسقا دا ماسەلەلەردى تالقىلادى.

جيىننىڭ كۇن تارتىبىنە ءساي­كەس تاياۋدا عانا نۇر-سۇلتان قا­لا­سىنىڭ اكىمى بولىپ تاعايىن­دال­عان التاي كولگىنوۆ ەلباسى، پارتيا توراعاسى نۇرسۇلتان نا­زار­باەۆتىڭ ۇسىنىسىمەن، كون­­­­فە­رەنتسيا دەلەگاتتارىنىڭ ءبىر­­اۋىز­دان ماقۇلداۋىمەن پار­تيا­نىڭ ەلور­دالىق فيليالى­نىڭ توراعاسى بولىپ سايلاندى.

– التاي سەيدىر ۇلى – «بولا­شاق» باعدارلاماسىنىڭ تۇلەگى. ۇزاق جىلدار بويى ەلىمىزدىڭ دامۋى جولىندا تالماي ەڭبەك ەتىپ كەلە جاتقان بىلىكتى مامان. بۇ­عان دەيىن باتىس قازاقستان وبلى­سى­نىڭ اكىمى رەتىندە ءوڭىردىڭ ءوسىپ-ءور­كەن­دەۋىنە ۇلكەن ۇلەس قوس­تى. پرە­زيدەنت اكىمشىلىگىندە دە جاۋاپتى قىزمەت اتقارىپ، شەبەر ۇيىمداستىرۋشىلىق قابىلەتىمەن تانىلدى. سوندىقتان ارىپتەسىمىزدىڭ جاڭا قىزمەتتە دە بيىكتەن كورىنەتىنىنە كامىل سەنەمىز جانە سول جولدا تابىس تىلەيمىز، – دەدى م.اشىمباەۆ.

ودان بولەك، Nur Otan پارتيا­سى توراعاسىنىڭ ءبىرىنشى ورىنبا­سارى وتكەن پرەزيدەنت ساي­لاۋى­نىڭ ماڭىزىنا توقتالدى. ول ءوز سوزىندە بۇل سايلاۋدىڭ بۇ­رىن­­عى­لاردان وزگەرەك بولعانىن، قازاق­ستان حالقى العاش رەت ەل­با­سى­دان باسقا كانديداتقا داۋىس بەرگەنىن تىلگە تيەك ەتتى. سونداي-اق ول سايلاۋالدى ناۋقان كەزىندە پارتيا تاراپىنان اتقارىلعان جۇمىستارعا توقتالىپ، بۇل ىستە بەلسەندىلىك تانىتقان نۇر-سۇلتان قالالىق فيليالىنىڭ ۇجىمىنا العىس ءبىلدىردى. م.اشىمباەۆتىڭ ايتۋىنشا، اتالعان ناۋقان كەزىندە كانديداتتىڭ رەسپۋبليكالىق، ايماقتىق جانە اۋماقتىق قو­عامدىق شتابتارىنىڭ مۇرىندىق بولۋىمەن 100 مىڭنان استام ۇگىت-ناسيحات ءىس-شاراسى وتكى­زىلگەن. ودان بولەك، قاسىم-جومارت توقاەۆتىڭ قوعام­دىق قا­بىل­داۋلارىندا 20 مىڭ­نان استام ازاماتتىڭ ءوتىنىشى تىڭدالىپ، الەۋمەتتىك جەلىلەردە 40 مىڭنان اس­تام جازبا جاريالانعان.

– سونىمەن قاتار ءبىزدىڭ جاق­تاستارىمىز 5 ميلليونعا جۋىق ۇگىت-ناسيحات ماتەريالىن تاراتىپ، «ەسىكتەن – ەسىككە» اكتسياسى اياسىندا 3 ميلليون ءۇيدى ارالاپ شىقتى. TeamQazaqstan جاستار قاناتىنىڭ مۇشەلەرى دە اتالعان جۇمىستارعا بەلسەندى قاتىستى. سوندىقتان ەلباسى ۇسىنعان كانديدات قاسىم-جومارت كەمەل ۇلى­نىڭ جەڭىسى زاڭدى قۇبىلىس جانە بۇل جەتىستىكتە ءار نۇروتاندىقتىڭ ۇلەسى بار، – دەدى م.اشىمباەۆ.

سونىمەن قاتار Nur Otan پارتياسى توراعاسىنىڭ ءبىرىن­شى ورىنباسارى حالىقتىڭ قاسىم-جومارت توقاەۆتىڭ ساي­لاۋالدى باعدارلاماسىندا كور­سەتىلگەن باستى قاعيدالاردى قول­داپ داۋىس بەرگەنىنە نازار اۋدارىپ، ەندى ازاماتتاردىڭ ناقتى ناتيجە كۇتەتىنىن ايتتى.

– حالىق ەندى وزدەرى جاساعان تاڭداۋدان ناقتى ناتيجە كۇتەدى. تۇرعىندارعا بوس ءسوز بەن قۇر ءۋا­دە قاجەت ەمەس. ءبىزدىڭ ازاماتتار ەڭ الدىمەن جاريالانعان باع­دارلامالاردىڭ جەمىسىن، ءوز ومىرلەرىنىڭ جاقسارعانىن، الەۋ­مەتتىك ماسەلەلەرىنىڭ وڭ شەشىل­گەنىن كورگىسى كەلەدى. سوندىقتان ءبىز سايلاۋدان كەيىن بوساڭدىق تانىتپاي، قازاقستاندىقتاردىڭ ءال-اۋقاتىن ارتتىرۋ جولىندا بۇ­رىن­عىدان دا بەلسەندى جۇمىس ءىس­تەۋىمىز كەرەك، – دەدى م.ءاشىم­باەۆ.

وسىعان وراي ول قازاقستان پرە­زيدەنتى كورسەتىپ بەرگەن باسىم باعىتتاردى ءتيىمدى جۇزە­گە اسىرۋدا Nur Otan پار­تيا­سىنا ۇلكەن جاۋاپكەرشىلىك جۇك­تەلەتىنىن ايتىپ، بارشا پارتيا­لىق­تاردى بەلسەندى ارەكەت ەتۋگە شاقىردى. سونداي-اق وسى با­عىت­تا پارتيانىڭ ورتالىق اپپاراتى، ايماقتىق جانە اۋماقتىق في­ليال­دارىنىڭ الدىندا تۇرعان باستى مىندەتتەردى اتاپ ءوتتى.

– بىرىنشىدەن، سايلانعان پرە­­­زيدەنتىمىز قاسىم-جومارت كەمەل ۇلى توقاەۆتىڭ ساي­لاۋ­ال­­دى باعدارلاماسىن جۇزەگە اسىرۋدا بەلسەندىلىك تانىتىپ، قوعام­دىق باقىلاۋ جۇرگىزۋدى كۇشەيتۋى­مىز قاجەت. ەكىنشىدەن، «Birge» جال­پىۇلتتىق اكتسيا­سى اياسىندا جينالعان ءوتىنىش­تەر­­­دى تالداپ، ولارمەن ناقتى جۇ­­­مىس جۇرگىزۋىمىز كەرەك. ءار ءوتى­­نىش نازاردان تىس قالماۋى ءتيىس. ءۇشىن­­شىدەن، پارتيا ناعىز ديا­لوگ الا­­ڭىنا اينالۋى قا­جەت. ءتور­­تىن­­شى­دەن، جاستار­مەن جۇ­مىس­­تى ودان ءارى كۇشەي­تىپ، ءتيىمدى تە­تىك­­تەر­دى ىسكە قوسۋى­مىز كەرەك. بە­سىن­­شى­دەن، ەلباسى­مىز­دىڭ پارتيا­نىڭ كە­زەكتى XVIII سەزىن­دە انىق­تاپ بەرگەن جالپى­ۇلتتىق جوبا­لار مەن پارتيالىق جاڭعىرۋ جولىن­داعى تىڭ باستامالار ءارى قا­راي جال­عاسىن تابۋى ءتيىس. مىنە، ال­داعى ۋا­قىتتا ءبىزدىڭ جۇمىس باع­د­ارى­­مىز وسى باعىتتا ءوربيدى، – دەدى م.اشىمباەۆ.

ايتا كەتەيىك، «Birge» اكتسيا­سى قاسىم-جومارت كەمەل ۇلى توقاەۆتىڭ تىكەلەي باستاماسى­مەن حالىقپەن كەرى بايلانىس ورناتۋ ماقساتىندا قولعا الىن­عان جوبا. سونىڭ اياسىندا قازاق­ستان­دىقتاردان 540 مىڭ ۇسىنىس پەن تىلەك كەلىپ ءتۇستى. ونىڭ ىشىندە 28 مىڭىن نۇر-سۇلتان قالاسىنىڭ تۇرعىندارى جولداعان.

ءوز كەزەگىندە نۇر-سۇلتان قالا­سىنىڭ اكىمى، Nur Otan پارتياسى قالالىق فيليالىنىڭ توراعاسى ا.كولگىنوۆ ەلباسى، پارتيا ءتور­اعاسى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆتىڭ جانە حالىق پەن بارشا نۇروتاندىقتاردىڭ سەنىمىن اقتاۋ ءۇشىن ايانباي ەڭبەك ەتەتىنىن جەتكىزدى.

جيىن بارىسىندا س.سەي­فۋل­لين اتىنداعى اگروتەحنيكالىق ۋنيۆەرسيتەتىنىڭ رەكتورى، نۇر-سۇلتان قالالىق ءماسليحاتىنىڭ دەپۋتاتى اقىلبەك كۇرىشباەۆ، Jas Otan جاستار قاناتى قالالىق فيليالىنىڭ توراعاسى باقداۋلەت جاندىلداەۆ جانە تاعى باسقا شا­ھار­دىڭ بەلسەندى ازاماتتارى ءسوز الىپ، كۇن تارتىبىندە قارالعان ماسەلەلەر بويىنشا ءوز ويلارىن ءبىلدىردى.

سوڭعى جاڭالىقتار

كۇلكى كەرۋەنى № 21

رۋحانيات • كەشە

شاعامان باتىر

تاريح • كەشە

361 ليفت اۋىستىرىلادى

ايماقتار • كەشە

«ءتسۋناميدى» سۇلاتىپ سالدى

كاسىپقوي بوكس • كەشە

استىڭ ءدامىن كەلتىرگەن

ايماقتار • كەشە

سايرايدى بۇلبۇل...

رۋحانيات • كەشە

باعا QR كودتار ارقىلى بەرىلەدى

ايماقتار • 08 جەلتوقسان، 2019

«جەلتوقسانشى» جەتكىنشەك ەسكە الىندى

رۋحانيات • 08 جەلتوقسان، 2019

ۇقساس جاڭالىقتار