قىلمىستى جاسىرۋ ەتەك العان
جۇما, 8 اقپان 2013 7:41
وبلىستىق ىشكى ىستەر دەپارتامەنتىنىڭ باستىعى م.ۇرۇمحانوۆ جەكە قۇرام الدىندا وتكەن جىلعى جۇمىس قورىتىندىلارىنا ساي ەسەپ بەرىپ, مەملەكەت باسشىسى ن.نازارباەۆتىڭ قاتىسۋىمەن وتكەن قۇقىق قورعاۋ ورگاندارى كەڭەسىندە ايتىلعان مىندەتتەرگە توقتالدى. جيىنعا وبلىس اكىمى س.ەسكەندىروۆ, ىشكى ءىستەر ءمينيسترىنىڭ ورىنباسارى ە.تۇرعىمباەۆ قاتىستى.
جۇما, 8 اقپان 2013 7:41
وبلىستىق ىشكى ىستەر دەپارتامەنتىنىڭ باستىعى م.ۇرۇمحانوۆ جەكە قۇرام الدىندا وتكەن جىلعى جۇمىس قورىتىندىلارىنا ساي ەسەپ بەرىپ, مەملەكەت باسشىسى ن.نازارباەۆتىڭ قاتىسۋىمەن وتكەن قۇقىق قورعاۋ ورگاندارى كەڭەسىندە ايتىلعان مىندەتتەرگە توقتالدى. جيىنعا وبلىس اكىمى س.ەسكەندىروۆ, ىشكى ءىستەر ءمينيسترىنىڭ ورىنباسارى ە.تۇرعىمباەۆ قاتىستى.
بايانداماشى بىلتىر وبلىس اۋماعىندا 7,5 مىڭعا جۋىق قىلمىس تىركەلگەنىن, اۋىر جانە اسا اۋىر قىلمىستاردى اشۋ كورسەتكىشتەرى جاقسارعانىن ايتا كەلىپ, كەي ۇرلىق تۇرلەرىنىڭ تىيىلماي وتىرعانىن اتاپ كورسەتتى. ول بۇرىنعىعا قاراعاندا 18,8 پايىزعا ارتىپ, 5 مىڭنان استام ۇرلىق وقيعالارى ورىن العان. مال بارىمتالاۋ, پاتەر توناۋ كوبەيمەسە, ازايار ەمەس. ىشىمدىككە اۋەستەنۋشىلەر اراسىندا دا قىلمىسقا بارۋشىلار قاتارى قالىڭ. جاستار بۇزاقىلىعىنىڭ توقتالماي تۇرعانى دا ويلاندىرادى. جىل وتكەن سايىن ماتەريالدىق-تەحنيكالىق بازانىڭ جاقسارا تۇسكەنىنە قاراماستان, شەشىمىن تاباتىن ماسەلەلەر دە جوق ەمەس. قاراجات تاپشىلىعى جۇرتشىلىق كوپ جۇرەتىن اۋماقتارعا بەينەكامەرالار ورناتۋعا قولبايلاۋ تۋعىزىپ وتىر. وسى ماسەلەگە وراي وبلىستىق ءماسليحاتتىڭ سەسسياسىندا قاراجات ءبولۋ قاراستىرىلعانىمەن, ءسوز كۇيىندە قالعان. تۇرعىلىقتى مەكەنجايى جوق ادامدارعا ارنالعان الەۋمەتتىك بەيىمدەۋ ورتالىعى تارلىق ەتەدى. بۇل تاعى دا قارجىعا كەلىپ تىرەلەدى.
وبلىس پروكۋرورى س.زايتلەر جينالعاندار نازارىن قىلمىستاردى ادەيى جاسىرىپ قالۋشىلىق جايىنا اۋداردى. بىلتىر وسىنداي 69 وقيعا ورىن العان. جول ساقشىلارىنىڭ, كوشى-قون سالاسىنىڭ قىزمەتتەرى ايتارلىقتاي جاقسارتۋدى قاجەت ەتەدى.
ۆيتسە-مينيستر ە.تۇرعىمباەۆ قۇقىق قورعاۋ ورگاندارىنىڭ كەڭەسىندە ەلباسى بىرقاتار تاپسىرمالار جۇكتەگەنىن, باستى باسىمدىق سالانى جاڭعىرتۋ بولىپ تابىلاتىنىن, ول ءۇشىن اركەز تىڭ ءىزدەنىستەر مەن وزىق اقپاراتتىق تەحنولوگيالارعا, جۇرتشىلىق, قوعامدىق ۇيىمدار كومەگىنە سۇيەنۋ قاجەتتىگىن اتاپ كورسەتتى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
