تۇراقتىلىق پەن قاۋىپسىزدىك تالابى
جۇما, 1 اقپان 2013 7:59
مەملەكەت باسشىسىنىڭ ەلىمىزدى ودان ءارى كوركەيتۋ مەن حالقىمىزدىڭ جاعدايىن جاقسارتۋ جولىنداعى العا قويعان تاپسىرمالارىن ورىنداۋ ءۇشىن قۇقىق قورعاۋ ورگاندارىنىڭ قىزمەتىنىڭ ساپاسى مەن تيىمدىلىگى اۋاداي قاجەت. بۇل ورايدا پرەزيدەنت قۇقىق قورعاۋ ورگاندارىنىڭ باسشى قۇرامىمەن وتكىزگەن كەڭەستە تۇراقتىلىق پەن ۇلتتىق قاۋىپسىزدىك – جاڭا ساياسي باعىتتى ىسكە اسىرۋدىڭ نەگىزگى شارتى, سوندىقتان ونىڭ باسىمدىعىن ايتىپ جاتۋ ارتىق, دەدى.
جۇما, 1 اقپان 2013 7:59
مەملەكەت باسشىسىنىڭ ەلىمىزدى ودان ءارى كوركەيتۋ مەن حالقىمىزدىڭ جاعدايىن جاقسارتۋ جولىنداعى العا قويعان تاپسىرمالارىن ورىنداۋ ءۇشىن قۇقىق قورعاۋ ورگاندارىنىڭ قىزمەتىنىڭ ساپاسى مەن تيىمدىلىگى اۋاداي قاجەت. بۇل ورايدا پرەزيدەنت قۇقىق قورعاۋ ورگاندارىنىڭ باسشى قۇرامىمەن وتكىزگەن كەڭەستە تۇراقتىلىق پەن ۇلتتىق قاۋىپسىزدىك – جاڭا ساياسي باعىتتى ىسكە اسىرۋدىڭ نەگىزگى شارتى, سوندىقتان ونىڭ باسىمدىعىن ايتىپ جاتۋ ارتىق, دەدى. ەندەشە, بىلتىر عانا باسشىلىعىنان باستاپ قاتارداعى قىزمەتكەرلەرىنە دەيىن كەزەكتەن تىس اتتەستاتتاۋدان ءوتىپ, لايىقتىلار قاتارىنان تابىلعان قۇقىق قورعاۋ قىزمەتكەرلەرىنە حالىق ەندى ۇلكەن سەنىم ارتادى. قۇقىمىز تالاپقا ساي قورعالىپ, زاڭ قاتاڭ ورىندالادى دەپ ءۇمىت ارتادى. مىنە, وسى ءۇمىت اقتالۋ ءۇشىن ەلباسى قۇقىق قورعاۋ قىزمەتىن جەتىلدىرۋ بويىنشا بىرقاتار مىندەتتەر جۇكتەدى. سونىڭ ىشىندە قىلمىستىق ىستەر بويىنشا سوت ءوندىرىسىن رەفورمالاۋ, كەز كەلگەن ۇساق قۇقىق بۇزۋشىلىقتاردى تولىق تىركەۋگە قول جەتكىزۋ, شەكارا قىزمەتى جەكە قۇرامىن كەزەكتەن تىس اتتەستاتتاۋدان وتكىزۋ, كەدەن ورگاندارى قىزمەتىنىڭ تيىمدىلىگىن ارتتىرۋ, قاۋىپسىزدىكتىڭ زاماناۋي وزىق زياتكەرلىك جۇيەسىن ەنگىزۋ, ازاماتتار مەن قۇقىق قورعاۋ ورگاندارىنىڭ ىنتىماقتاستىعىن دامىتۋدى جانە ت.ب. مىندەتتەردى تاپسىردى. وسىعان بايلانىستى ەلىمىزدىڭ بارلىق سالاسىندا ەڭ الدىمەن ادامداردىڭ عانا باستى مۇددەسىن جاقتايتىن زاڭدىلىق پەن قۇقىقتىق ءتارتىپتى نىعايتۋدى كوزدەيتىن قۇقىق قورعاۋ ورگاندارى الدىنا قويعان ەلباسى تاپسىرمالارىنا وراي جۇرتشىلىقتىڭ قولداۋ بىلدىرگەن پىكىرلەرىن ۇسىنىپ وتىرمىز.
كادر ساياساتىنا – جاڭا كوزقاراس
وتكەن سارسەنبىنىڭ ءساتتى كۇنى اقوردادا وتكىزىلگەن كەڭەستە ەلباسى قۇقىق قورعاۋ ورگاندارىنىڭ الدىنا جاڭا مىندەتتەر قويدى. بۇل مىندەتتەر بارىنشا ناقتى, بارىنشا تۇجىرىمدى ايتىلعان. ايتسە دە مەملەكەت باسشىسى اتالعان مىندەتتەردى تەك قۇقىق قورعاۋ سالاسىندا قىزمەت اتقاراتىندار قاتارىمەن شەكتەمەي, وعان جالپىحالىقتىق سيپات بەرۋدى قاجەت دەپ سانايدى. بۇل ءۇردىس بارشا قازاقستاندىقتاردىڭ ويىنان شىعاتىنى انىق. ەلباسى ايتىپ وتكەندەي, ازاماتتارمەن بىرلەسكەن جۇمىستاردىڭ ءتۇرلى تاسىلدەرى مەن ادىستەرىن دامىتۋ – بۇگىنگى كۇننىڭ باستى تالاپتارىنىڭ ءبىرى.
ءيا, بۇعان دەيىن دە ەلىمىزدەگى قۇقىق قورعاۋ ۇيىمدارىنىڭ جانىندا قوعامدىق نەگىزدەگى كەڭەستەر قۇرىلعانى بەلگىلى. الايدا, اتالعان قوعامدىق قۇرىلىمدار تولىق قايتارىممەن جۇمىس ىستەپ كەلدى دەپ ايتۋعا دا اۋىز بارا بەرمەيدى. ەندىگى جەردە ونىڭ جۇمىسىنا تىڭ سەرپىن مەن جۇيەلى كوزقاراس قاجەتتىگى تۋىپ وتىر. بۇل تۇرعىدا ەلىمىزدەگى قۇقىق قورعاۋ ورگاندارى ارداگەرلەرى مەن جالپى جۇرتشىلىق مۇنداي قوعامدىق كەڭەستەردىڭ قىزمەتى مازمۇندى دا ناتيجەلى بولۋىنا ءوز ۇلەستەرىن قوسا الادى دەگەن ويدامىن.
ەكىنشىدەن, ءبىزدى, مەملەكەت باسشىسىنىڭ اتالعان ورگانداردا كادر ساياساتىنا قاتىستى جاڭا تۇجىرىمدامانى ىسكە اسىرۋ جونىندەگى تىڭ ويلارى دا ءتانتى ەتتى. قاراپ, بايقاپ, سالىستىرمالى تالداۋلار جاساپ, بۇگىنگى كۇن بيىگىنەن كوز جۇگىرتسەك, يننوۆاتسيالىق تەحنولوگيالار تەك وندىرىسكە عانا ەمەس, سونىمەن بىرگە, قۇقىق قورعاۋ سالاسىنا دا قاجەت ەكەن. ەلىمىزدە ىسكە اسىرىلاتىن جاڭا كادر ساياساتىنىڭ باستى ءبىر ەرەكشەلىگى دە وسىندا بولسا كەرەك. ارينە, بۇل, سايىپ كەلگەندە, الەمدىك ۇزدىك ستاندارتتارعا سايكەس قىزمەت اتقارۋ دەگەن ءسوز.
وتكەن جىلى قۇقىق قورعاۋ ورگاندارى قىزمەتكەرلەرىن اتتەستاتتاۋ جۇرگىزىلگەنى ءمالىم. كەيدە تۇڭعىش رەت ومىرگە قادام باسقان ءىستىڭ كەيبىر اتتەگەنايلارى مەن ءالسىز, بوساڭ تۇستارى دا ورىن الىپ قالاتىنى تابيعي قۇبىلىس. وسى ورايدى كەڭەستە اتالعان اتتەستاتتاۋ جۇيەسىن ودان ءارى جەتىلدىرۋ, ءارى ونى ءار جىل سايىن وتكىزۋدى داستۇرگە اينالدىرۋ شارالارى بەلگىلەنۋى دە وتە ورىندى دەپ ەسەپتەيمىز.
تۇجىرىمداپ ايتقاندا, ەلباسى قويىپ وتىرعان مىندەتتەردىڭ تاكتيكالىق قانا ەمەس, سونىمەن بىرگە, ۇلكەن ستراتەگيالىق ماڭىزى بار. ەندەشە, ونى دەر ۋاقىتىندا بۇلجىتپاي ورىنداۋ – پارىز.
جەڭىس قاپەزوۆ,
قازاقستان رەسپۋبليكاسى پروكۋراتۋراسىنىڭ
قۇرمەتتى قىزمەتكەرى.
ورال.
