«باتىس» وڭىرلىك قولباسشىلىعىنىڭ كومانديرى, پولكوۆنيك نۇرلان الدياروۆتىڭ نۇسقاۋىمەن موڭكەبي اۋىلىنا, باتىس قازاقستان جانە اقتوبە وبلىسى ايماقتىق جاۋاپكەرشىلىكتى قامتيتىن ينجەنەرلىك قىزمەتىنىڭ باستىعى مايور اسلان بايماگامبەتوۆتىڭ باسشىلىعىمەن 30238 اسكەري ءبولىمىنىڭ ميناسىزداندىرۋ توبى جىبەرىلدى.
- بۇل ءبىرىنشى جاعداي ەمەس, - دەيدى 30238 اسكەري ءبولىمنىڭ كومانديرى, پولكوۆنيك رۋسلان ۋتەپوۆ. - 2015 جىلدان بەرى جەرگىلىكتى تۇرعىندار مەتالل سىنىقتارىمەن بىرگە تاپقان, وننان استام جارىلماعان سنارياد ميناسىزداندىرۋ توبىمەن جويىلدى.
ءىىم-گە قاراستى قۇرىلىمدىق كۇشتەر اقتوبە قالاسىنان 360 شاقىرىم جەردە ورنالاسقان وقيعا ورنىنا كەلىپ, سنارياد ورنالاسقان اۋماقتى قورشادى. ميناسىزداندىرۋ توبىنىڭ راكەتالىق-ارتەريالىق قارۋ-جاراق مامانىنىڭ جاقىنىراق تەكسەرۋىنەن كەيىن جارىلعىش زات 85 ميلليمەترلىك كۋمۋلياتيۆتىك تانككە قارسى سنارياد بولىپ شىقتى. ونىڭ جاعدايى تاسىمالداۋعا جاتپادى: كورروزياعا ۇشىراعان, جارىلعىشى جاۋىنگەرلىك جاعدايعا قويىلعان, سنارياد قاۋىپتىڭ 3-ءشى دارەجەسىندە بولدى.
ساپەرلەر سناريادتى سول جەردە جويۋعا شەشىم قابىلدادى. سونىمەن قاتار, ميناسىزداندىرۋ توربىمەن ىرگەلەس ايماق زارىلعىش زاتتاردان تەكسەرىلدى.
- كەڭەس داۋىرىندە سوڭعى ۇلگىدەگى اسكەري تەحنيكانى جانە قارۋ-جاراقتى زەرتتەۋ جانە سىناۋ, جاۋىنگەرلىك اتىس جۇرگىزۋ ءۇشىن قولدانىلعان, ەمبى پوليگونىنىڭ جاقىندىعى ءالى كۇنگە دەيىن "توسىنسىيلار" ۇسىنادى, - دەيدى 30238 اسكەري ءبولىمنىڭ ميناسىزداندىرۋ توبىنىڭ كومانديرى, مايور اسلان بايماگامبەتوۆ, - تابىلعان سنارياد كەڭەس داۋىرىنە تيەسىلى دەپ ويلايمىن.
ماڭعىستاۋ وبلىسى
