دەلەگاتسيا «ۇلتتىق يندۋستريالىق مۇناي-حيميا تەحنوپاركى» ارنايى ەكونوميكالىق ايماعىنىڭ اۋماعىندا ورنالاسقان كەشەننىڭ قۇرىلىس الاڭدارىن, جاڭادان جابدىقتالعان ۋاقىتشا قۇرىلىس قالاشىعىن ارالادى.
«قازمۇنايگاز» ۇك اق باسشىلىعىنىڭ جانە «بىرىككەن حيميالىق كومپانيا» جشس ەنشىلەس ۇيىمدارىنىڭ قاتىسۋىمەن وتكەن كەڭەيتىلگەن ءماجىلىس بارىسىندا «قازمۇنايگاز» ۇك اق باسقارما توراعاسىنىڭ مۇناي وڭدەۋ جانە ماركەتينگى جونىندەگى ورىنباسارى – «Kazakhstan Petrochemical Industries Inc.» جشس باسقارما توراعاسى دانيار تيەسوۆ قۇرىلىستىڭ قازىرگى جاعدايى, ينجينيرينگ, جابدىق پەن ماتەريالداردى ساتىپ الۋ مەن جەتكىزۋ جۇمىستارى تۋرالى باياندادى. اتاپ ايتقاندا, زاۋىتتىڭ باس جوسپارىن بەكىتۋ, تەحنولوگيالىق كەستەلەر جانە قۇرىلىس الاڭىنا ارنالعان جۇمىس قۇجاتتاماسىن ازىرلەۋ جونىندە ءسوز قوزعالدى. سونداي-اق, د. تيەسوۆتىڭ ايتۋى بويىنشا كاسىپورىننىڭ 3D-ۇلگىسىنىڭ 60%-ى ازىرلەندى. كەشەندى جوبالاۋعا «قازاق مۇناي جانە گاز ينستيتۋتى» قاتىسۋدا.تىرەۋىشتەردى قاعۋ, بۇرعىلاۋ-تىعىزداۋ تىرەۋىشتەردى ورناتۋ جونىندەگى جۇمىستار اياقتالدى. ىرگەتاستى قالاۋ بويىنشا نەگىزگى جۇمىستار ورىندالدى. جەراستى كوممۋنيكاتسيالارى تارتىلا باستالدى.
بىرىكتىرىلگەن گاز-حيميالىق كەشەنىنىڭ قۇرىلىسىنا جەرگىلىكتى تاۋار وندىرۋشىلەرى جۇمىلدىرىلعان. «اتىراۋمۇنايماش» جشس, «پەتروپاۆل اۋىر ماشينا جاساۋ زاۋىتى» جشس, «يمستالكون» جشس جانە باسقالار جابدىق پەن ماتەريالداردى شىعارۋ جانە جەتكىزۋمەن اينالىسادى.
قۇرىلىس الاڭدارىندا جۇمىس ىستەپ جاتقان 36 قوسالقى مەردىگەردىڭ 33-ءى – جەرگىلىكتى كومپانيا بولىپ تابىلادى. ساپار قورىتىندىسى بويىنشا «سامۇرىق-قازىنا» قورىنىڭ باسشىسى احمەتجان ەسىموۆ وسى جوبانىڭ قازاقستان رەسپۋبليكاسىنىڭ ەكونوميكاسى جانە مۇناي-حيميا ونەركاسىبىن دامىتۋ ءۇشىن ايرىقشا ماڭىزدىلىعىن اتاپ ءوتتى. سونداي-اق جوبا «قازمۇنايگاز» ۇك اق-عا سەنىمدى باسقارۋعا بەرىلگەننەن كەيىن ونىڭ دامۋىنداعى وڭ تەندەنتسيانى اتاپ ءوتىپ, كەشەندى ۋاقتىلى اياقتاۋدى تاپسىردى.
«سامۇرىق-قازىنا» ۇاق» اق-نىڭ 2018 جىلعى 28 ماۋسىمداعى تاپسىرماسىنا سايكەس جوبا «قازمۇنايگاز» ۇك اق-عا سەنىمدى باسقارۋعا بەرىلدى. جوبا بەرىلگەن ۋاقىتتان بەرى قۇرىلىس جۇمىستارىن كەڭ كولەمدە جۇرگىزىپ, ولاردى قارقىندى ىلگەرىلەتۋ بويىنشا شارالار قابىلداندى, قۇرىلىس كەستەسى وڭتايلاندىرىلدى جانە قازاقستان رەسپۋبليكاسىندا ءىرى جوبارلاردى ىسكە اسىرۋدا تاجىريبەسى بار ماماندار تارتىلدى.
ماڭعىستاۋ وبلىسى
