قازىردىڭ وزىندە قازاقستان سپورتشىلارى ەل نامىسىن لايىقتى قورعاپ ءجۇر. حالىقارالىق دودالاردا كوك بايراعىمىز استە تومەن تۇسكەن جوق. وليمپيا ويىندارىندا قازاقستاندىقتار ازۋلى ەلدىڭ سپورتشىلارىمەن تەڭ دارەجەدە ونەر كورسەتىپ كەلەدى. مۇنداي ناتيجەگە ەلدەگى تۇراقتىلىق پەن حالىقتىڭ اۋىزبىرشىلىگى ارقاسىندا عانا جەتۋگە بولادى. بۇدان دا قيىن كەزەڭدەر بولعان. سونىڭ بارلىعىن ەلمەن بىرگە كورىپ, كۇردەلى ساتتەردى ەڭسەرە بىلدىك. دەسە دە بۇل مەجەمەن توقتاپ قالمايمىز دەگەن ويدامىن. سالاۋاتتى قوعام قۇرۋ ءۇشىن مەملەكەتتىڭ قولداۋى قاجەت. بۇل باعىتتا قازاقستاندا اتقارىلعان شارۋا جەتەرلىك. ءبىزدىڭ مەملەكەتتە سپورتقا جاقسى كوڭىل بولىنگەن دەپ تولىق سەنىممەن ايتۋعا نەگىز بار. قاسىم-جومارت كەمەل ۇلىن جاۋاپتى قىزمەتكە كەلۋىمەن قۇتتىقتايمىن. مەملەكەتىمىزدى وڭ بەتبۇرىس كۇتىپ تۇر دەگەن ۇمىتتەمىن. بارشا قازاقستاندىقتاردى ايتۋلى كۇنمەن شىن جۇرەكتەن قۇتتىقتاعىم كەلەدى. ەلىمىزدى تەك گۇلدەنۋ كەزەڭدەرىن باسىنان وتكەرەدى دەگەن ءۇمىتىم باسىم.
ولگا رىپاكوۆا,
ءۇش قارعىپ سەكىرۋدەن وليمپيادا جانە
ازيا ويىندارىنىڭ چەمپيونى
