-مۇنداي جوبالار ەكى كومپانيا اراسىنداعى دوستىق پەن ىنتىماقتاستىقتىڭ نىشانى بولىپ تابىلادى. ءبىز الداعى ۋاقىتتا دا سەرىكتەستەرىمىزبەن بىرلەسكەن قىزمەتىمىزدى ودان ءارى دامىتىپ, ورتاق جوبالاردى بىرگە ىسكە اسىرۋعا مۇددەلىمىز. بۇل قوس تاراپ ءۇشىن مۇمكىندىكتەر اياسىن كەڭەيتىپ قانا قويماي, قازاقستاندىق مۇناي-گاز سەكتورىنىڭ قۇزىرەتى مەن باسەكەگە قابىلەتىن ارتتىرۋعا جاعداي تۋعىزادى, دەپ اتاپ ءوتتى ا. ايدارباەۆ.
Satti بۇرعىلاۋ قوندىرعىسى – بۇل تولىعىمەن قازاقستاندا قۇراستىرىلعان العاشقى پلاتفورما. ول ءۇش جىل بويى امەريكانىڭ وزىق تەحنولوگيالارى بويىنشا ەكى ۆەرفتە سالىندى. قوندىرعى كاسپي تەڭىزىندە 80 مەترگە دەيىنگى تەرەڭدىكتە بۇرعىلاۋ جۇمىستارىن جۇرگىزۋگە ارنالعان. قوندىرعىنى پايدالانۋ اياسىندا ونى جاڭعىرتۋ جوسپارلانۋدا. بۇل 6 000 مەترگە دەيىن تەرەڭدىكتەگى بارلاۋ ۇڭعىمالارىنىڭ قاۋىپسىز ءارى ءتيىمدى بۇرعىلاۋىن قامتاماسىز ەتۋگە مۇمكىندىك بەرەدى. قازاقستان-ءازىربايجان ماماندارىنىڭ كومانداسى جاساقتالدى. ولار بۇرعىلاۋعا قاتىسىپ, تەحنيكالىق قولداۋ كورسەتەتىن بولادى.
2019 جىلعى اقپان ايىندا قمگ قوندىرعىنى SOCAR كومپانياسىنا سەنىمدى باسقارۋعا بەرۋ جونىندە كەلىسكەن بولاتىن. ماۋسىمنىڭ 14-ءى قمگ ەنشىلەس ۇيىمى «قازاقتەڭىزكولىكفلوتى» قوندىرعىنى قۇرىق پورتىنان باكۋ قالاسىنا تاسىمالداۋعا كىرىستى.
ماڭعىستاۋ وبلىسى
