شاراينا
سارسەنبى, 12 ماۋسىم 2013 2:07
نارازى توپ الاڭنان قۋىلدى
ىستامبۇلدىڭ ورتالىعىنداعى تاكسيم الاڭىنداعى ۇكىمەتكە قارسى نارازىلىق اكتسياسىن باسۋ ءۇشىن تاڭەرتەڭگىلىك ارنايى ماقساتتاعى پوليتسيا وتريادتارى كەلدى. وسىلايشا, نارازىلىق بىلدىرۋشىلەردى سۋلى زەڭبىرەكتەرمەن جانە كوز جاساۋراتاتىن گازبەن قۋىپ تاراتتى.
سارسەنبى, 12 ماۋسىم 2013 2:07
نارازى توپ الاڭنان قۋىلدى
ىستامبۇلدىڭ ورتالىعىنداعى تاكسيم الاڭىنداعى ۇكىمەتكە قارسى نارازىلىق اكتسياسىن باسۋ ءۇشىن تاڭەرتەڭگىلىك ارنايى ماقساتتاعى پوليتسيا وتريادتارى كەلدى. وسىلايشا, نارازىلىق بىلدىرۋشىلەردى سۋلى زەڭبىرەكتەرمەن جانە كوز جاساۋراتاتىن گازبەن قۋىپ تاراتتى.
الاڭدا قازىرگى ۋاقىتتا ەشكىم قالماعان كورىنەدى. ءبىزدىڭ ماقساتىمىز پوليتسيانى ارالاستىرۋ ەمەس, كەمال اتاتۇرىك ەسكەرتكىشىن تازارتۋ جانە ۇسقىنسىز پلاكاتتاردىڭ كوزىن جويۋ, دەپ حابارلاعان تۇرىك تەلەديدارىنىڭ تىكەلەي ەفيرىندە ىستامبۇل گۋبەرناتورى حۋسەين اۆني مۋتلۋ. سونداي-اق, ول ازاماتتاردى پوليتسيانىڭ ءىس-قيمىلدارىنا بايلانىستى الاڭداماۋعا شاقىرعان. ۇستالعاندار مەن زارداپ شەككەندەر تۋرالى ەشقانداي مالىمەتتەر جوق.
ەكس-اگەنت اشكەرەلەۋلەرىن ۇلعايتا تۇسپەك
ەلدىڭ ارنايى قىزمەتتەرى PRISM باعدارلاماسى ارقىلى جۇزەگە اسىراتىن جاپپاي ينتەرنەت-تىڭشىلىق تۋرالى ايتىپ بەرگەن اقش ورتالىق بارلاۋ باسقارماسىنىڭ بۇرىنعى قىزمەتكەرى ەدۆارد سنوۋدەن ودان دا زور اشكەرەلەۋلەر جاساماق نيەتتە.
ءبىر ءجۋرناليستىڭ ايتۋىنشا, ازىرگە ورتالىق بارلاۋ باسقارماسىنىڭ بۇرىنعى اگەنتى بەرگەن حابارلاردى جاريالاۋدىڭ ۋاقىتى تۋرالى ماسەلە شەشىلۋدە. ول بەرگەن قۇجاتتار ونداعان ماقالالار جازۋعا مۇمكىندىك بەرەدى. ءبىز وسى مالىمەتتەردىڭ ءبارىن پايدالانباقشىمىز, دەپ مالىمدەگەن رەپورتەر. قازىرگى ۋاقىتتا ەدۆارد سنوۋدەننىڭ قايدا جاسىرىنىپ جۇرگەنى بەلگىسىز كورىنەدى.
تەررورلىق اكتىلەر كۇشەيىپ تۇر
يراكتىڭ سولتۇستىگىندە ورىن العان تەررورلىق اكتىلەر مەن سودىرلاردىڭ تىكەلەي شابۋىلدارى سالدارىنان 70-تەن استام ادام زارداپ شەككەن. سونىمەن بىرگە, ەلدە جانكەشتى-بومبالاۋشىلار ارەكەتتەرى مەن قارۋلى شابۋىلدار ورىن الىپ وتىر.
جاقىندا ديالا پروۆينتسياسىنداعى دجيدايدات-ءال-شاتت قالاسىندا ءۇش بىردەي اۆتوموبيل جارىلعان. موسۋلدا تەررورشىلار جەرگىلىكتى پوليتسيا باسقارماسىنا شابۋىل ۇيىمداستىرىپ, جانكەشتى-تەررورشىلار شابۋىلى مەن زىمىراندىق اتقىلاۋ سالدارىنان 24 ادام قازا تاپقان. ولاردىڭ كوپشىلىگى پوليتسەيلەر مەن اسكەري قىزمەتشىلەر كورىنەدى. ماۋسىمنىڭ باسىنان بەرى يراكتا تەراكتىلەر سالدارىنان 100-دەن استام ادام قازا تاۋىپ وتىر.
يادرولىق قارۋلار تۋرالى مالىمدەدى
گوللانديانىڭ ەكس-پرەمەر-ءمينيسترى رۋد ليۋببەرس ەل اۋماعىندا امەريكالىق يادرولىق قارۋلاردىڭ بار ەكەندىگىن مالىمدەگەن. ونىڭ ايتۋىنشا, سولتۇستىك برانبانت پروۆينتسياسىنداعى ۆولكەل اۋە بازاسىنىڭ جەراستى بۋنكەرلەرىندە 22 يادرولىق وقتۇمسىق ساقتاۋلى تۇر.
گوللانديا اسكەري-اۋە كۇشتەرىنىڭ وكىلى ساياساتكەردىڭ مالىمدەمەسىن سىنعا الدى. مۇنداي ءجايت تۋرالى ەشقاشان اشىق ايتۋعا بولمايدى, بۇرىنعى پرەمەر رەتىندە مۇنى وتە جاقسى بىلەدى, دەپ اتاپ كورسەتكەن ول. وسىلايشا ساياساتكەر نيدەرلاندتاعى يادرولىق قارۋ تاقىرىبىن كوپشىلىك الدىندا تالقىلاماۋ تۋرالى ۋاعدالاستىقتى بۇزعان.
اۋە ديسپەتچەرلەرىنىڭ ەرەۋىلى
فرانتسيانىڭ باستى اۋەجايلارىندا شامامەن 1,8 مىڭداي رەيستەر كەيىنگە قالدىرىلدى. وعان اۋە ديسپەتچەرلەرىنىڭ ەرەۋىلدەرى سەبەپكەر بولىپ وتىر.
فرانتسياداعى ەرەۋىلدەردى ەۋرووداقتىڭ قارارلارىنا سايكەس سالانى بەيتاراپتاندىرۋعا قارسى نارازىلىق بەلگىسى رەتىندە كاسىپوداقتار ۇيىمداستىرعان. بريۋسسەلدىڭ پايىمىنشا, ەۋروپادا «ءبىرتۇتاس اسپان» قۇرىلۋى ءتيىس, ول اۋە كەڭىستىگىن ۇلتتىق پرينتسيپ بويىنشا بولشەكتەۋدى تاراتىپ, ەو شەڭبەرىندە بىرەگەي باسقارۋ ورتالىعىن قۇرۋدى قاراستىرادى. ەرەۋىلدەر ءۇش كۇنگە سوزىلماقشى.
نوسەر جاڭبىر اكەلگەن شىعىن
وتكەن بىرنەشە كۇن ىشىندە نوسەرلەتە جاۋعان جاۋىن سالدارىنان قىتايدىڭ ءتۇرلى اۋداندارىندا 3,57 ملن. ادام ماتەريالدىق زارداپ شەكتى.
ەلدىڭ 10 پروۆينتسياسىندا نەعۇرلىم كۇردەلى احۋال قالىپتاسىپ وتىر. ولاردىڭ قاتارىندا حۋبەي, حۋنان, تسزيانسي, انحوي, يۋننان جانە گۋيچجوۋ پروۆينتسيالارى بار. رەسمي مالىمەتتەر بويىنشا, 13 ادام تابيعات اپاتىنىڭ قۇربانىنا اينالعان. نوسەر جاڭبىر 287 مىڭ اۋىلشارۋاشىلىق القاپتارىن جويىپ, 1,5 مىڭنان استام تۇرعىن-جايلاردى قۇلاتقان. شىعىننىڭ جالپى كولەمى 209 ملن. دوللار بولادى دەپ باعالانىپ وتىر.
الەپپونى قايتارۋعا دايىندالۋدا
سيريانىڭ اسكەري كوماندوۆانيەسى تاياۋ كۇندەرى الەپپو پروۆينتسياسىنداعى قارۋلى وپپوزيتسيونەرلەرگە قارسى كەڭ اۋقىمدى وپەراتسيا باستاۋدى جوسپارلاپ وتىر.
وپەراتسيانىڭ ماقساتى – ب ۇلىكشىلەر ۇستاپ تۇرعان قالالار مەن دەرەۆنيالاردى بوساتۋ. سيريالىق «ءال-ۆاتان» گازەتى ءوز تاراپىنان اسكەريلەر وپەراتسياعا دايىندىقتى باستاپ كەتتى دەپ جازۋدا. ەسكە سالا كەتەيىك, بۇعان دەيىن سيريا ۇكىمەتى قارۋلى وپپوزيتسيانىڭ ليۆانمەن شەكاراداعى باستى تىرەگى بولىپ تابىلاتىن كۋسەير قالاسىن تولىق باقىلاۋعا العانىن حابارلاعان بولاتىن.
پرەزيدەنت رەاكتور قۇرىلىسىندا بولدى
يران پرەزيدەنتى ماحمۇد احمادينەجاد اراكا قالاسى اۋدانىنداعى اۋىر سۋداعى زەرتتەۋشىلىك رەاكتور قۇرىلىسى ءجۇرىپ جاتقان جەردە بولدى.
ينتەرنەت-باق-تاردىڭ حابارلاۋىنشا, يراننىڭ اتوم ەنەرگياسى جونىندەگى ۇيىمىنىڭ باسشىسى فەرەيدۋن ابباسي ينجەنەرلەردىڭ بۇل رەاكتوردى 2014 جىلدىڭ ناۋرىزىندا ىسكە قوسۋدى جوسپارلاپ وتىرعانىن مالىمدەگەن. وسى ورايدا, ماگاتە باس ديرەكتورى يۋكيا امانو 3 ماۋسىم كۇنى يراننىڭ يادرولىق پروبلەماعا قاتىستى ۇستانىمىن, سونىمەن بىرگە, جوعارىدا اتالعان رەاكتور قۇرىلىسىن سىنعا العان بولاتىن. ول يراننىڭ يادرولىق جوباسى بۇۇ قاۋىپسىزدىك كەڭەسىنىڭ قارارلارىنا قايشى كەلەدى دەپ اتاپ كورسەتكەن-ءدى.
ينتەرنەت ماتەريالدارى نەگىزىندە ازىرلەندى.
