سۇحبات • 19 ماۋسىم، 2019

ءتيىمدى مەنەدجمەنت – ۋنيۆەرسيتەت جەتىستىگىنىڭ باستى فاكتورى

690 رەتكورسەتىلدى

بۇگىندە ەلىمىزدىڭ اگروونەركاسىپتىك كەشەنىنىڭ الدىندا كەشەندى مىندەتتەر تۇر. ول ءوندىرىس كولەمىن ارتتىرۋ، باسەكەگە قابىلەتتى، ەكسپورتقا بەيىمدەلگەن اۋىلشارۋاشىلىق ونىمدەرىن ءوندىرۋ جانە وسى سالاداعى ەڭبەك ونىمدىلىگىن 2022 جىلعا قاراي 2،5 ەسە ارتتىرۋ. اتالعان مىندەتتەرگە قول جەتكىزۋ ءۇشىن قازاق ۇلتتىق اگرارلىق ۋنيۆەرسيتەتى جاڭا بۋىنداعى بىلىكتى مامانداردى دايىنداپ، ءتيىمدى مەنەدجمەنت قولدانۋ ارقىلى الەمدىك دەڭگەيدەگى جوعارى وقۋ ورنىنا ترانسفورماتسيالانۋدا. وسى ورايدا ءبىز ۋنيۆەرسيتەت رەكتورى، قر ۇعا ۆيتسە-پرەزيدەنتى، اكادەميك تىلەكتەس يساباي ۇلى ەسپولوۆپەن سۇحباتتاسىپ، وقۋ ورنىندا جۇرگىزىلىپ جاتقان جۇيەلى جۇمىستار بارىسىمەن جانە ترانسفورماتسيالاۋ تاجىريبەسىمەن ءبولىسۋدى وتىندىك.

– تىلەكتەس يساباي ۇلى، ءسىز باس­قا­رىپ وتىرعان ۋنيۆەرسيتەت قازاق­ستاندا العاشقىلاردىڭ ءبىرى بولىپ زەرتتەۋ ۋنيۆەرسيتەتىنە ترانسفورماتسيالانۋدا. قول جەتكىزگەن ناتيجەلەر تۋرالى ايتىپ بەرسەڭىز؟

– الەمدىك دەڭگەيدەگى ۋنيۆەرسيتەت­تەردى قۇرۋدىڭ حالىقارالىق تاجىريبەسى نەگىزىنەن ءۇش باعىتتان تۇرادى. ول ۇزدىك­تەردى قولداۋ، جوعارى وقۋ ورىندارىن بىرىكتىرۋ جانە جاڭادان قۇرۋ (نازارباەۆ ۋنيۆەرسيتەتى). ءبىزدىڭ وقۋ ورنىمىز ءبىرىنشى جولمەن دامىپ كەلەدى جانە وسى باعىتتا جۇيەلى جۇمىستار جۇرگىزۋدە.

2001 جىلدان باستاپ ءداستۇرلى جوعا­رى وقۋ ورنى رەتىندە ءبىلىم، عىلىم، ءون­دى­رىس ينتەگراتسياسى ءۇردىسىن باستادى. «اگرودامۋ» اگرارلىق عىلىمي-وندىرىستىك كونسورتسيۋمى قۇرىلدى، ونىڭ قۇرامىنا جوعارى وقۋ ورىندارى، عىلىمي-زەرتتەۋ ينستيتۋتتارى، تاجىريبەلىك ستان­سالار، ءىرى اگروقۇرىلىمدار كىردى. ۋنيۆەرسيتەت قازاقستان-امەريكالىق «Extension» اقپاراتتىق-كونسالتينگ ورتا­لىعى، فەرمەرلەردىڭ جوعارى مەك­تەبى جانە «اگروبيزنەس جانە قۇقىق» حا­لىقارالىق ينستيتۋتى ارقىلى فەرمەر­لىك شارۋاشىلىقتارمەن بەلسەندى قا­رىم-قاتىناس جاساي باستادى. ءبىلىم الۋ­شىلاردىڭ تاجىريبەدەن ءوتۋى ءۇشىن ءار ايماقتا وقۋ-عىلىمي-وندىرىستىك ورتا­لىقتار قۇرىلدى.

اگرارلىق ءبىلىم بەرۋدىڭ «مەكتەپ (ليتسەي) – كوللەدج – ۋنيۆەرسيتەت» ۇزدىكسىز جۇيەسىن قامتاماسىز ەتەتىن «ءومىر بويى وقىتۋ» قاعيداسىنا نەگىزدەلگەن «اگرو ءبىلىم بەرۋ» حالىقارالىق قاۋىمداستىعى جانە كىشى اكادەميا اشىلدى. حالىق­ارالىق عىلىمي-ءبىلىم بەرۋ كونسور­تسيۋمى جۇمىس ىستەپ تۇر. ۋنيۆەرسيتەت 15 حالىقارالىق قاۋىمداستىقتار مەن ۇيىم­داردىڭ بەلسەندى مۇشەسى، تمد ەلدەرىندەگى جەتەكشى اگرارلىق جوعارى وقۋ ورىندارىنىڭ رەكتورلارى كەڭەسىنە توراعالىق ەتەدى. «Centەr of Excellence» اكادەميالىق ۇتقىرلىقتى دامىتۋدىڭ مودەلدىك ورتالىعى، حالىقارالىق پانارالىق مەكتەپ (KIIS) قۇرىلعان. اگروونەركاسىپ كەشەنىنىڭ ماماندارىن دايىنداۋدىڭ بارلىق باعىتتارى بو­يىنشا حالىقارالىق قىسقى جانە جازعى مەكتەپتەر بار. و.سۇلەيمەنوۆ اتىنداعى الەۋمەتتىك-گۋمانيتارلىق ءبىلىم بەرۋ جانە تاربيە ينستيتۋتى، «تازا پلانەتا» ورتالىعى جانە «دوستىق» ستۋدەنتتىك اسسامبلەياسى قۇرىلعان.

2010 جىلى ۋنيۆەرسيتەتكە يننوۆا­تسياعا باعىتتالعان جوعارى وقۋ ورىن مارتەبەسى بەرىلدى. وسى جىلدان باس­تاپ ەلىمىزدەگى ۋنيۆەرسيتەتتەر ىشىندە العاشقى بولىپ، جوبالىق باسقارۋدىڭ حالىقارالىق ستاندارتتارى نەگىزىندە عىلىمي ورتالىقتار مەن جوعارى وقۋ ورىندارىنىڭ 13 حالىقارالىق ساراپشىسىمەن بىرلەسىپ، ۇلتتىق زەرتتەۋ ۋني­ۆەرسيتەتىنە ترانسفورماتسيالانۋ ءۇردىسىن باستادى.

ترانسفورماتسيا ناتيجەسىندە حالىق­ارالىق ستاندارتتارعا سايكەس 96 ءبىلىم بەرۋ باعدارلاماسى بويىنشا 217 جاڭا ءبىلىم بەرۋ تراەكتوريالارى ازىرلەندى. ەۋروپا، ازيا جانە اقش-تىڭ جەتەكشى سەرىكتەس وقۋ ورىندارىمەن قوس ديپلوم بەرۋ بويىنشا 12 باعدارلاما ەنگىزىلدى.

ۋنيۆەرسيتەت ۇلتتىق جوعارى وقۋ ورنى رەتىندە قازاقستاننىڭ 20 ۋنيۆەرسيتەتىمەن قوس ديپلوم باعدارلاماسى بويىنشا اگرارلىق بەيىندەگى مامانداردى بىرلەسىپ وقىتادى، سونداي-اق ەلىمىزدىڭ وڭىرلەرى ءۇشىن ماگيسترانتتار مەن دوكتورانتتاردى ماقساتتى تۇردە دايىندايدى. بارلىق ءبىلىم بەرۋ باعدارلامالارى حالىقارالىق اككرەديتتەۋدەن وتكەن. قازۇاۋ زەرتتەۋ ۋنيۆەرسيتەتىنە ترانسفورماتسيالانۋ ناتيجەلەرى ۇكىمەتتە، اۋىل شارۋاشىلىعى، ءبىلىم جانە عىلىم مينيسترلىكتەرىندە بىرنەشە رەت باياندالدى.

2015 جىلى جوو-نىڭ ترانسفورما­تسياسى ناتيجەسى مەن تاۋەلسىز ساراپشى­لاردىڭ ۇسىنىسى نەگىزىندە ۇكىمەت قاۋ­لى­سىمەن قازاق ۇلتتىق اگرارلىق ۋني­ۆەرسيتەتى، جاڭگىر حان اتىنداعى با­تىس قازاقستان اگرارلىق-تەحنيكالىق ۋنيۆەرسيتەتى، س.سەيفۋللين اتىنداعى قازاق اگروتەحنيكالىق ۋنيۆەرسيتەتى ءبىلىم جانە عىلىم مينيسترلىگىنەن اۋىل شارۋاشىلىعى مينيسترلىگىنىڭ قارا­ماعىنا بەرىلدى. اتالعان جوعارى وقۋ ورىندارىنىڭ جانە اۋىل شارۋاشىلىعى مينيسترلىگىنىڭ عىلىمي-زەرتتەۋ ينستي­تۋتتارىنىڭ ءتيىم­دى قىزمەت اتقارۋى ءۇشىن «ۇلتتىق اگرار­لىق عىلىمي-ءبىلىم بەرۋ ورتالىعى» كوم­مەرتسيالىق ەمەس اكتسيونەرلىك قوعامى قۇرىلدى. ونىڭ قۇرامىنا ءۇش وقۋ ورنىنان باسقا 23 عزي، 14 تاجىريبەلىك ستانسا، ءبىلىمدى تاراتۋ جانە كوممەرتسيالاندىرۋ ورتالىقتارى ەندى.

2016 جىلى ۇكىمەت قاۋلىسىمەن قازاق ۇلتتىق اگرارلىق ۋنيۆەرسيتەتى شارۋاشىلىق جۇرگىزۋ قۇقىعىنداعى رەس­پۋبليكالىق مەملەكەتتىك كاسىپ­ورىننان كوممەرتسيالىق ەمەس اكتسيونەرلىك قوعام بولىپ قايتا قۇرىلدى. بۇل ۋنيۆەرسيتەتكە اكادەميالىق ەركىندىك الۋعا، اۆتونومياعا كوشۋگە جانە مەملەكەتتىك-جەكە مەنشىك ارىپتەستىك تەتىكتەرىن پايدالانا وتىرىپ، ءوزىن-ءوزى قارجىلاندىرۋ قاعيدالارىن ىسكە اسىرۋعا مۇمكىندىك بەردى.

– الدىمىزداعى جاڭا وقۋ جىلىندا رەسپۋبليكامىزدىڭ جوعارى وقۋ ورىندارى كوممەرتسيالىق ەمەس اكتسيونەرلىك قوعام (كەاق) مارتەبەسىنە وتەدى. ءوزىڭىز باسقارىپ وتىرعان قازاق ۇلتتىق اگرارلىق ۋنيۆەرسيتەتى بۇل مارتەبەگە 2015 جىلى يە بولىپ، ءتۇر­لى باعىتتاردا جۇيەلى جۇمىستاردى باستاپ تا كەتتى. وسى ورايدا، ءوز ءتاجىري­بە­لەرىڭىزبەن ءبولىسىپ، اتالعان قۇرى­لىمدىق وزگەرىستەر جونىندە كەڭىرەك ايتىپ بەرسەڭىز.

– جارعىلىق كاپيتالىندا 100% مەملەكەتتىڭ قاتىسۋى بار كوممەرتسيالىق ەمەس اكتسيونەرلىك قوعامى مارتەبەسىن الۋ ەرەجەلەرى ەلىمىزدىڭ «كوممەرتسيالىق ەمەس ۇيىمدار تۋرالى»، «اكتسيونەرلىك قوعامدار تۋرالى» زاڭدارىندا بەلگىلەن­گەن. بۇل جەردە مەملەكەت جالعىز اكتسيونەر بولىپ تابىلادى.

كەاق قۇرعاندا ۋنيۆەرسيتەتتە ديرەكتورلار كەڭەسى، باسقارما، كورپوراتيۆتىك حاتشى سياقتى باسقارۋ ورگاندارى جاساق­تالىپ، جاڭا جارعى مەن جوعارى وقۋ ورنىنىڭ دامۋ جوسپارى جانە باسقارۋدىڭ ۇيىمداستىرۋشىلىق قۇرىلىمى بەكىتى­لەدى. ديرەكتورلار كەڭەسى ۋنيۆەرسيتەت ستراتەگياسىن، دامۋ جوسپارىن، قارجىلىق ەسەبىن جانە باسقا دا ماڭىزدى قۇجاتتاردى بەكىتەدى جانە بارلىق قۇرىلىمدىق بولىمشەلەر وعان ەسەپ بەرەدى. اكتسيونەرلىك قوعام ءوز قىزمەتىن ءتيىمدى جۇرگىزۋ ماقساتىندا قارجى تارتىپ، ءوز اكتسيالارىن شىعارادى. ەڭ باستى ماسەلە – كەاق قىزمەتىنەن تۇسكەن تازا كىرىس اكتسيونەرلەر اراسىندا بولىنبەيدى، تەك ۋنيۆەرسيتەتتىڭ دامۋى ءۇشىن پايدالانىلادى. تاعى ءبىر ارتىقشىلىق: كەاق كەز كەلگەن قارجىلاندىرۋ كوزدەرىنەن ينۆەستيتسيا تارتىپ، سونىمەن قاتار باسقا دا ءبىلىم بەرۋ ۇيىمدارى سياقتى مەملەكەتتىك تاپسىرىسپەن وقيتىندارعا ارنالعان ستيپەندياعا، اكادەميالىق ۇتقىرلىققا، شەتەلدىك عالىمدار مەن توپ-مەنەدجەرلەردى شاقىرۋعا مەملە­كەتتىك بيۋدجەتتەن قارجى الا الادى. ۋنيۆەرسيتەت بەكىتىلگەن جارعىسىنا ساي كاسىپكەرلىك قىزمەتپەن اينالىسا الادى.

وسى ورايدا قازاق ۇلتتىق اگرارلىق ۋنيۆەرسيتەتى ەلىمىزدەگى بارلىق جوعارى وقۋ ورىندارىمەن ارىپتەستىك بايلا­نىس ورناتىپ، ترانسفورماتسيالاۋ مەن كوم­مەرتسيالىق ەمەس اكتسيونەرلىك قو­عام­عا ءوتۋ بارىسىندا جيناقتالعان ءتا­جىريبەلەرىمەن بولىسۋگە دايىن ەكەنىن ايتقىم كەلەدى.

– ۋنيۆەرسيتەتكە كوممەرتسيالىق ەمەس اكتسيونەرلىك قوعام مارتەبەسى بە­رىل­گەننەن كەيىن عىلىم-ءبىلىم بە­رۋ ينفرا­قۇرىلىمىندا قانداي وزگە­رىستەر بولدى؟

– 2015 جىلى ۋنيۆەرسيتەت­تە اگرو­تەح­نولوگيالىق حاب – اگروونەر­كاسىپ­تىك كەشەنىندەگى يننوۆاتسيالىق تەحنو­لوگيالاردىڭ حالىقارالىق زەرتتەۋ ينس­تيتۋتى اشىلدى. ونىڭ ماقساتى وتاندىق اگرارلىق سەكتورعا جاڭا ءبىلىم مەن تەحنولوگيالاردى ىزدەستىرۋ، تارتۋ جانە ترانسفەرتتەۋ بولىپ تابىلادى. اگروحابتىڭ قىزمەتى الەمنىڭ جە­تەك­شى جوعارى وقۋ ورىندارىمەن ءجا­نە عىلىمي ورتالىقتارىمەن تىعىز ىنتى­ماقتاستىقتى دامىتۋعا ىقپال ەتەدى. اگروحاب قۇرامىنا 6 عىلىمي-زەرتتەۋ ينس­تيتۋتى، 6 حالىقارالىق يننوۆاتسيالىق ورتالىق جانە 31 زەرتتەۋ زەرتحاناسى كىرەدى. ولار: قازاقستان-جاپون يننو­ۆاتسيالىق ورتالىعى، قازاقستان-كورەي يننوۆاتسيالىق ورتالىعى، تۇراقتى دامۋ ورتالىعى، «تاعام ونىمدەرىنىڭ تەحنو­لوگياسى مەن ساپاسى» ورتالىعى، قازاقستان-بەلارۋس اگروينجەنەرلىك يننوۆاتسيالىق ورتالىعى، يننوۆاتسيالىق جىلىجاي، اگروتەحنوپارك (بيزنەس-ينكۋباتور، ستارتاپ – جوبالار جانە ت.ب.). وسىنداي دامىعان ينفراقۇرىلىم سوڭعى ءتورت جىلدا ۋنيۆەرسيتەت عالىم­دارىنا اشم، بجعم، بۇۇ دامۋ باع­دار­لاماسى بويىنشا 2 ملرد تەڭگەگە جۋىق سوماعا 300 عىلىمي جوبانى ورىن­داۋعا، سەرىكتەستەرمەن بىرلەسىپ 3 ملرد تەڭگەدەن استام سوماعا 50 عىلىمي جوبانى كوممەرتسيالاندىرۋعا مۇمكىندىك بەردى. عىلىمي-زەرتتەۋ جۇمىستارىنىڭ ناتيجەلەرىن وندىرىسكە ەنگىزۋ 48%-دى قۇرادى. ۋنيۆەرسيتەت 116 ملن تەڭگە كولەمىندە بعم كوممەرتسيالاندىرۋ كەڭسەسىن قارجىلاندىرۋ بايقاۋىنىڭ جەڭىمپازى اتاندى.

يدمب اياسىندا 1،1 ملرد تەڭگەگە 4 يننوۆاتسيالىق عىلىمي-ءبىلىم بەرۋ زەرتحاناسى قۇرىلدى. 2019 جىلى 1،9 ملرد تەڭگە سوماعا وسىمدىكتەردىڭ ميكرو­كلونالدىق كوبەيۋ زەرتحانالارى، ءسۇت بويىنشا رەفەرەنتتىك زەرتحانا قۇرىلادى، سونىمەن قاتار Digital ورتالىعى مەن قازاقستان-بەلارۋس اگرو­ينجەنەرلىك يننوۆاتسيالىق ورتالىعى تولىق جابدىقتالادى. زەرتحانالار مەن ورتالىقتار ەلىمىزدىڭ اوك وزەكتى ماسەلەلەرىن شەشۋگە باعىتتالادى. مى­سالى، قازىرگى ۋاقىتتا قازاقستاندا مال باسىنىڭ 50-دەن 69%-عا دەيىنگى ۇلەسى ءۇي شارۋاشىلىقتارىندا شوعىرلانعان. جىل سايىن قازاقستانعا باسقا ەلدەردەن 600 مىڭ توننادان استام ءسۇت جانە ءسۇت ءونىم­دەرى، ونىڭ ىشىندە حالىق تۇتىناتىن قويۋلاندىرىلعان ءتاتتى ءسۇتتىڭ 80%-ى ەكسپورتتالادى. جاڭادان اشىلاتىن ءسۇت ونىمدەرى ساپاسىنىڭ رەفەرەنتتىك زەرتحاناسى ءسۇت جانە ءسۇت ونىمدەرى ساپا­سىنىڭ ونداعان كورسەتكىشتەرىن جىلدام انىقتاۋعا مۇمكىندىك بەرەدى. بۇل باعىتتا ۆاگەنينگەن (نيدەرلاندى) ۋني­ۆەرسيتەتىمەن بىرلەسكەن جۇمىستار اتقارىلۋدا.

Digital ورتالىعىن دامىتۋ اۋىل شارۋاشىلىعىنىڭ قازىرگى جاعدايى تۋرالى بارلىق دەرەكتەردى شوعىرلاندىرۋعا، GIS تەحنولوگيالارىنىڭ كومەگىمەن كوپتەگەن كولەمدى دەرەكتەردى تالداۋدىڭ جۇمىستارىن جەڭىلدەتۋگە جانە جاقسار­تۋعا مۇمكىندىك بەرەدى.

اۋدانى 845 گا قۇرايتىن «اگرو­ۋني­ۆەرسيتەت» وقۋ-تاجىريبە شارۋاشىلىعى نەگىزىندە اگروتەحنوپاركتى دامىتۋ بو­يىنشا جۇمىستار جالعاسۋدا.

ازيا دامۋ بانكىنىڭ قولداۋىمەن سۋ شارۋاشىلىعى سالاسىندا ماماندار دايارلاۋ ورتالىعى بولىپ تابىلاتىن سۋ حابى قۇرىلدى. اقش اۋىل شارۋاشىلىعى مينيسترلىگىنىڭ اۋىل شارۋاشىلىعىن زەرتتەۋ قىزمەتىمەن جانە ميچيگان شتاتىنىڭ ۋنيۆەرسيتەتىمەن جەر جانە كليماتتىق حابتار اشۋ بو­يىنشا جۇمىستار جۇرگىزىلۋدە. ولاردىڭ ماقساتى – قازاقستان مەن ورتالىق ازيا ەلدەرى ءۇشىن جەر جانە سۋ رەسۋرستارىن ءتيىمدى باسقارۋ جونىندەگى ماسەلەلەردى شەشۋ. جۇرگىزىلگەن جۇيەلى جۇمىس ۋني­ۆەرسيتەتتىڭ 9 حالىقارالىق جانە ۇلتتىق رەيتينگتە بەدەلدى ورىن الۋىنا جانە 2023 جىلعا قاراي QS-300 رەيتينگىسىندە الەمدىك دەڭگەيدەگى ۋنيۆەرسيتەت بولۋىنا مۇمكىندىك بەرەدى.

ۋنيۆەرسيتەتتى باسقارۋداعى ءتيىم­دى مەنەدجمەنت مودەلىنىڭ نەگىزگى ماقساتى نەگە باعىتتالعان؟

– جوعارى وقۋ ورنىن عىلىمي-زەرت­تەۋ ۋنيۆەرسيتەتى رەتىندە دامى­تۋدا جىبەرىلگەن قاتەلىكتەر مەن قيىن­دىقتاردى تالداۋ، باعالاۋ بارىسىندا تابىس فاكتورلارى – عىلىمي تالانتتاردى شوعىرلاندىرۋ، رەسۋرستارمەن قامتاماسىز ەتۋ جانە ءتيىمدى مەنەدج­مەنت جۇرگىزۋ كەرەكتىگىن تۇسىندىك.ۋني­ۆەرسيتەتتە كورپوراتيۆتىك باس­قا­رۋدى دامىتۋ – ادامدار-ۇردىستەر-تەحنولوگيالار سياقتى ءتيىمدى جانە يكەمدى مودەل قۇ­رۋعا باعىتتالعان.

ءبىرىنشى اسپەكت – ادامدار. بىلتىردان بەرى ۋنيۆەرسيتەتتە ادام رەسۋرستارىن دامىتۋ باسقارماسى (HR) جۇمىس جاسايدى. قىزمەتكەرلەردىڭ قۇزىرەتتىلىك كريتەريلەرى مەن قىزمەتىنىڭ ناتيجە­سىن باعالاۋ تاسىلدەرى قايتا قارالدى. عىلىمي جوبالاردى ورىنداۋشى، اگرو­قۇرىلىمداردا كونسالتينگتىك قىزمەت كورسەتۋشى قىزمەتتەرى ەنگىزىلدى. شەتەلدىك عالىمدار، عزي جانە ءوندىرىس وكىلدەرى ۋنيۆەرسيتەتتىڭ وقىتۋشى-پروفەسسورلار قۇرامى شتاتىنىڭ 20%-ىن قۇرايدى. كافەدرا مەڭگەرۋشىلەرىنىڭ 57%-ى – جاس PhD دوكتورلار.

تسيفرلى ترانسفورماتسيالاۋ شەڭبە­رىندە ۋنيۆەرسيتەت ەكى نەگىزگى باعىتىن انىقتادى. ءبىرىنشى – باسقارۋدىڭ بىرىڭعاي ەكوجۇيەسىن قالىپتاستىرۋ. وسىنداعى باستى ماقسات – مەملەكەتتىك جانە جەرگىلىكتى اتقارۋشى باسقارۋ ورگاندارىمەن، جوعارى وقۋ ورىندارىمەن، كوللەدجدەرمەن اشىق جانە ۇزدىكسىز ءوزارا قارىم-قاتىناس ورناتۋ. تاۋەكەلگە بەيىمدەلگەن اۆتوماتتاندىرىلعان باس­قارۋ جۇيەسىن قۇرۋ. ۋنيۆەرسيتەتتىڭ ىشكى بيزنەس-ءۇردىسىن ۇزدىكسىز جەتىلدىرۋ مادە­نيەتىن دامىتۋ.

ەكىنشى – زاماناۋي وقۋ ءۇردىسىن قۇ­رۋ: جاڭا ينتەراكتيۆتى ادىستەر مەن قۇ­رالداردى پايدالانۋ، مەملەكەتتىك كاسىپ­ورىندارمەن عانا ەمەس، جەكە بيزنەستەردى تارتۋ ارقىلى تەوريادان تاجىريبەگە كوشۋدى قامتاماسىز ەتۋ.

سونىمەن قاتار لوگيكا، تەحنيكا جانە زاماناۋي اقپاراتتىق تەحنولوگيالار قۇرالدارىن شوعىرلاندىرۋ ارقىلى ءبىلىم باعدارلامالارىن تولىقتىرۋ. وقۋ ور­نىنىڭ جاقىن اراداعى ىسكە اسىراتىن شەشىمدەرى – بيزنەس-ۇردىستەردى اۆتوماتتاندىرۋ جانە مەنەدجمەنتتىڭ ءتيىمدى جاڭا دەڭگەيىنە كوتەرىلۋ.

بۇگىندە ۋنيۆەرسيتەت الەمنىڭ جەتەكشى جوعارى وقۋ ورىندارىمەن جانە عىلىمي ورتالىقتارىمەن بىرلەسىپ، جاڭا ءبىلىم مەن تەحنولوگيالاردى، وزىق تاجىريبەلەردى شوعىرلاندىرۋدا. ۋنيۆەرسيتەت ءوزىنىڭ يننوۆاتسيالىق دامۋىندا اگرارلىق جانە ورمان رەسۋرستارى باعىتىندا ماماندار دايىندايتىن الەمدەگى جوعارى وقۋ ورىندارىنىڭ ىشىندە QS رەيتينگىندە ءبىرىنشى ورىندا تۇرعان ۆاگەنينگەن ۋنيۆەرسيتەتىنىڭ (نيدەرلاندى) وزىق تاجىريبەسىنە سۇيەنەدى.

قازىرگى ۋاقىتتا قازۇاۋ ۆاگەنينگەن ۋنيۆەرسيتەتىمەن «وسىمدىكتەر تۋرالى عىلىم» جانە «ازىق-ت ۇلىك تەحنولوگياسى» وقۋ باعدارلامالارى بويىنشا باكالاۆر ستۋدەنتتەرىن دايىنداۋدا ورتاق كەلىسىمگە كەلدى. بۇل كەلىسىم بويىنشا ۋنيۆەرسيتەتىمىزدە ءار باعدارلاماعا 50 ستۋدەنتتەن قابىلداپ، ءوز ەلىمىزدەن سىرتقا شىقپاي-اق ساپالى ءبىلىم بەرۋ جوسپارلانۋدا. وسى باعىتتا بىرلەسىپ جاساعان جۇمىستار جىل سايىن 100 ستۋدەنتتى حالىقارالىق ستاندارتقا جانە ەڭبەك نارىعىنداعى سۇرانىسقا ساي بىلىكتى مامان ەتىپ دايىنداۋعا مۇمكىندىك بەرەدى. وسىنداي جۇمىستار وگايو شتاتى (اقش) ۋنيۆەرسيتەتىمەن دە جۇرگىزىلەدى.

بۇگىنگى كۇنى وقۋ ورىندارىندا بارلىق «پۋل» جوبالار ستۋدەنتتەرگە باعىتتالعان. ۋنيۆەرسيتەت ولاردىڭ ءبىلىم ساپاسىن جوعارىلاتۋداعى ۇسىنىس-پىكىرلەرىن تولىق ەسكەرەدى جانە بوس ۋاقىتتارىن ءتيىمدى پايدالانۋىن ۇيىمداستىرىپ، شىعارماشىلىقتارىن دامىتۋ ءۇشىن بارىنشا جاعداي جاسايدى.

ۋنيۆەرسيتەت بۇگىندە قازاقستاننىڭ وزىق جوو-لارىن بىرىكتىرەتىن اكادە­ميا­لىق ادالدىق ليگاسى قۇرامىنىڭ مۇشەسى. مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قي­مىل اگەنتتىگىمەن تىعىز جۇمىس ءجۇر­گىزۋ ناتيجەسىندە وقۋ ورنىمىزدا جەم­قورلىققا قارسى تەحنولوگيالار مەن سىبايلاس جەمقورلىققا قارسى مادەنيەتتى قالىپتاستىرۋ الاڭى اشىلۋدا. سوندىقتان ۋنيۆەرسيتەت ءتيىمدى مەنەدجمەنت قولدانۋ ارقىلى قىسقا مەرزىم ىشىندە ءوزىنىڭ بارلىق رەسۋرس­تارىن شوعىرلاندىرا وتىرىپ، ءبىلىم، عىلىم جانە يننوۆاتسيالىق قىزمەت كورسەتۋدە، اگرارلىق سەكتوردى جەدەل دامىتۋدا ەلىمىزدىڭ وسى سالانىڭ باسەكەگە قابىلەتتىلىگىنىڭ ارتۋىنىڭ وزەگى بولىپ تابىلادى.

سوڭعى جاڭالىقتار

جاڭا ۇلگىدەگى كولىكتەر

قوعام • بۇگىن، 09:08

Grand Slam جارىسىندا بەلدەسەدى

سپورت • بۇگىن، 08:30

مەكسيكالىقتىڭ قارسىلاسى اتانۋى مۇمكىن

كاسىپقوي بوكس • بۇگىن، 08:29

وقىرمانمەن وي ءبولىستى

رۋحانيات • بۇگىن، 08:17

قياناتقا قارسى تۇرعان گازەت

رۋحانيات • بۇگىن، 07:49

جەمقورلىق جەرگە قاراتادى

قوعام • بۇگىن، 07:48

«ءبىر سىناعان جاماندى...»

ايماقتار • بۇگىن، 07:46

ەرلى-زايىپتىلاردىڭ ەرلىگى

ايماقتار • بۇگىن، 07:43

ەل يگىلىگىن ەسەلەگەن جان

رۋحانيات • بۇگىن، 07:32

ەڭ قىمبات ۇلتتىق برەندتەر

الەم • بۇگىن، 07:23

تەڭگەنىڭ تەگەۋرىنى

قارجى • بۇگىن، 07:21

سەنىم كاپيتالى

ەكونوميكا • بۇگىن، 07:18

قور الدىندا ۇلكەن مىندەتتەر تۇر

قازاقستان • بۇگىن، 07:04

ۇقساس جاڭالىقتار