سالتاناتتى شاراعا ماڭعىستاۋ وبلىسى اكىمىنىڭ ورىنباسارى رۋسلان ساكەەۆ, قامقورشىلار كەڭەسىنىڭ مۇشەلەرى, اتا-انالار, مەكتەپ اكىمشىلىگى جانە مۇعالىمدەر قاتىستى.
كەيىن ول ءبىلىم ورداسىن ۇزدىك ءتامامداپ, قورىتىندى جيىنتىق باعالاۋدى ءساتتى تاپسىرىپ شىققان نۇرعايسا جاقسىبەكقىزىنا «التىن بەلگى» تاقتى. ال ايدا زينۋرقىزى, فاريزا شىنجىروۆا, مەرۋەرت بيجانوۆا قىزىل اتتەستاتقا يە بولدى.
اقتاۋلىق زياتكەرلەر حالىقارالىق ءبىلىم ارەناسىنداعى جەتەكشى ۋنيۆەرسيتەتتەردىڭ ءبىلىم گرانتىنا دا يە بولىپ وتىر. ماسەلەن, كوپتەگەن رەسپۋبليكالىق پاندىك وليمپيادالار جەڭىمپازى ارمان جۇماحان City University of Hong Kong جوعارعى وقۋ ورنىنا «Data science» ماماندىعى بويىنشا ءبىلىم گرانتىن جەڭىپ الدى. ايتا كەتۋ كەرەك, بۇل زامان سۇرانىسىنا يە جاڭا ماماندىقتاردىڭ ءبىرى. 12 «س» سىنىبىنىڭ تۇلەگى الۋا كاناەۆا گونگ-كونگ پوليتەحنيكالىق ۋنيۆەرسيتەتىنىڭ ءبىلىم گرانتىنا يە بولدى. ال قىزىل اتتەستاتقا العان فاريزا شىنجىروۆا نازارباەۆ ۋنيۆەرسيتەتىندە تەگىن وقۋعا شاقىرتۋ الدى.
- زياتكەرلىك مەكتەپتىڭ تۇلەكتەرى جوعارى كورسەتكىشتەردى كورسەتىپ وتىر. مىسالى, IELTS حالىقارالىق ەمتيحانىنىڭ ناتيجەسى بويىنشا,بارلىق تۇلەكتىڭ اعىلشىن ءتىلىن مەڭگەرۋ دەڭگەيىنىڭ ورتاشا بالى 6,3. كوپتەگەن تۇلەكتەر ەلىمىزدەگى جوعارى وقۋ ورىندارىن تاڭداپ وتىر, دەيدى كاسىبي باعدار بەرۋ بويىنشا كەڭەسشىسى ساۋلە الدابەرگەنوۆا.
ماڭعىستاۋ وبلىسى
