قوعام • 17 ماۋسىم، 2019

«قورعاس» بەكەتىندە دەكلاراتسيالانباعان ۇيالى تەلەفوندار تاركىلەندى

231 رەت كورسەتىلدى

ۇستىمىزدەگى جىلدىڭ 15 ماۋسىمى كۇنى ساعات كەشكى 18-دەن 10 مينۋت كەتكەندە «التىنكول» كەدەن بەكەتىنىڭ حالىقارالىق شەكارا ماڭى ىنتىماقتاستىق ورتالىعى «قورعاس» وتكىزۋ پۋنكتىنىڭ جولاۋشىلار تەرمينالىندا كەزەكتى كەدەندىك تەكسەرۋ بارىسىندا كەدەن قىزمەتكەرلەرى مەن شەكارا قىزمەتكەرلەرى بىرلەسە وتىرىپ، كەدەندىك تەكسەرۋدەن جاسىرىلعان ۇلكەن كولەمدە ۇيالى تەلەفونداردى تاركىلەدى.

تەكسەرۋ بارىسىندا كەدەن ءتارتىبىن بۇزعان قازاقستان رەسپۋبليكاسى ازاماتىنىڭ قول جۇگىنىڭ ىشىنەن جالپى سانى 246 دانا، سالماعى 19 كەلىنى قۇرايتىن «Samsung»  SCH-U365 ماركالى ۇيالى تەلەفوندارى شىقتى. تاركىلەنگەن ۇيالى تەلەفونداردىڭ كەدەندىك قۇنى 3 420 445 تەڭگەنى قۇرادى

قازىرگى ۋاقىتتا كەدەن ءتارتىبىن بۇزۋ فاكتىسى بويىنشا مەملەكەتكە ءتيىستى كەدەندىك تولەمدەردى ءوندىرۋ جانە تاۋار يەسىن اكىمشىلىك جاۋاپكەرشىلىككە تارتۋ ماسەلەسى قارالىپ وتىر.

سوڭعى جاڭالىقتار

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار