شاراينا
بەيسەنبى, 18 ءساۋىر 2013 2:01
كۇدىكتى قولعا ءتۇستى
پوليتسيا بوستونداعى مارافون كەزىندە ورىن العان ەكى بىردەي تەراكتىنى جاسادى دەگەن العاشقى كۇدىكتىنى ۇستادى. كۇدىكتى تۋرالى ازىرگە تەك ونىڭ ساۋد ارابياسىنىڭ وكىلى ەكەنى عانا حابارلانىپ وتىر.
بەيسەنبى, 18 ءساۋىر 2013 2:01
كۇدىكتى قولعا ءتۇستى
پوليتسيا بوستونداعى مارافون كەزىندە ورىن العان ەكى بىردەي تەراكتىنى جاسادى دەگەن العاشقى كۇدىكتىنى ۇستادى. كۇدىكتى تۋرالى ازىرگە تەك ونىڭ ساۋد ارابياسىنىڭ وكىلى ەكەنى عانا حابارلانىپ وتىر.
جارىلىس كەزىندە ول جارىقشاق جاراقاتىن العان. سوندىقتان قازىرگى ۋاقىتتا بوستونداعى كۇزەت قويىلعان اۋرۋحانادا جاتقان كورىنەدى. بوستون پوليتسياسى قالاداعى پرەزيدەنتتىك كىتاپحانا مەن دجون كەننەدي اتىنداعى مۇراجايدا تاعى ءبىر جارىلىستىڭ بولعانىن حابارلاعان. دەگەنمەن, پوليتسيانىڭ بولجامىنشا, بۇل وقيعالاردىڭ ءبىر-بىرىنە قاتىستارى جوق. سونىمەن بىرگە, بوستونداعى جارىلىستان زارداپ شەككەندەر سانىنىڭ 141 ادامعا جەتكەنىن دە ايتا كەتۋ قاجەت.
«تەمىر كۇمبەزدىڭ» پايداسى تيمەدى
17 ءساۋىر كۇنى تاڭعى ساعات 9-دار شاماسىندا ءيزرايلدىڭ كۋرورتتى قالاسى ەيلاتقا ەگيپەتكە قاراستى سيناي تۇبەگى جاعىنان ەكى «گراد» زىمىرانى ۇشىپ كەلگەن. زىمىراننىڭ قۇلا تۇزدەگى قۇرىلىسقا قۇلاۋىنا بايلانىستى زارداپ شەككەندەر جوق.
ەيلاتتا وسى وقيعاعا بايلانىستى جەرگىلىكتى اۋەجاي جۇمىسى توقتاتىلعان. يزرايل پوليتسياسىنىڭ ءباسپاسوز حاتشىسى ميكي روزەنفەلدتىڭ ايتۋىنشا, قازىرگى ۋاقىتتا ەيلاتتا قاتاڭ قاۋىپسىزدىك شارالارى قابىلدانعان. «تەمىر كۇمبەز» اتالاتىن اۋە شابۋىلىنا قارسى باتارەيا ەيلات قالاسىنىڭ جانىنا ءساۋىردىڭ باسىندا ورناتىلعان ەكەن. بىراق ول زىمىرانعا قارسى ارەكەت جاساي الماعان كورىنەدى.
فرانتسۋز مينيسترلەرى بايلىقتارىن پاش ەتتى
فرانتسۋز مينيسترلەرى العاش رەت وزدەرىنىڭ تابىستارى تۋرالى ەسەپ بەردى. كۇتكەندەگىدەي, ولاردىڭ شۆەيتسارلىق بانكتەردە ەسەپ-شوتتارى جوق ەكەنى انىقتالدى.
ەڭ قىزىعى, ۇكىمەت باسشىسى ەمەس, سىرتقى ىستەر ءمينيسترى لوران فابيۋس ەڭ باي ادام بولىپ شىققان. ونەر تۋىندىلارىن ساتۋمەن اينالىساتىن باي ساۋداگەرلەر اۋلەتىنەن شىققان فابيۋس ءوز داۋلەتىن 6 ميلليون ەۋرودان استام دەپ باعالاعان. ال دەنساۋلىق ساقتاۋ جانە الەۋمەتتىك قورعاۋ ءمينيسترى ماريسول تۋرەننىڭ بايلىعى 1,4 ميلليون ەۋرونى قۇرايدى ەكەن. سونداي-اق, ونىڭ پاريجدە بىرنەشە پاتەرى بار كورىنەدى. فرانتسۋزدار بۇگىندە مينيسترلەردىڭ بايلىعىن قىزۋ تالقىلاۋدا. سونىمەن بىرگە, ولار بايلىقتارىن تولىق كورسەتىپ وتىرعان جوق دەگەن كۇمان دا ايتادى ەكەن.
سيريادا جاپپاي امنيستيا جاريالاندى
16 ساۋىردە سيريا پرەزيدەنتى باشار اساد 2013 جىلدىڭ 16 ساۋىرىنە دەيىن قىلمىس جاساعانداردىڭ بارىنە امنيستيا جاريالادى. دەگەنمەن, ۇكىمەت تۇرمەدەگىلەردىڭ قانشاسىنا راقىمشىلىق جاسالاتىنىن حابارلاعان جوق.
وپپوزيتسيالىق سيريا ۇلتتىق كواليتسياسىنىڭ ليدەرى مواز ءال-ءحاتيبتىڭ اتاپ وتۋىنشە, ەگەر ەشقانداي كىناسى جوق 16 مىڭ بەيبىت تۇرعىندار بوساتىلمايتىن بولسا, امنيستيانى ۇكىمەت تاراپىنان جاسالعان وڭ قادام دەپ باعالاۋعا بولمايدى. ال ادام قۇقىقتارى جونىندەگى باقىلاۋشى كەڭەستىڭ باستىعى رامي ابدەل راحمان امنيستيانىڭ ساياسي تۇتقىندارعا قاتىسى جوق ەكەنىن, سوندىقتان, ونى جاپپاي امنيستيا دەپ ايتۋعا بولمايتىنىن اتاپ كورسەتكەن.
پاكستان اسكەرلەرى كومەك كورسەتۋدە
پاكستان ءۇندىستاننان تاياۋ شىعىسقا دەيىنگى وراسان زور اۋماقتى قامتىعان قۋاتتى جەر سىلكىنىسىنەن زارداپ شەككەندەرگە كومەك كورسەتۋ ءۇشىن ءوز اسكەريلەرىن جونەلتتى.
ەل وكىمەتىنىڭ مالىمەتتەرىنە قاراعاندا, بەلۋدجيستان پروۆينتسياسىندا قىرىقتان استام ادام قازا تاپقان. ال جاراقات العاندار ءتۇرلى باعالاۋلار بويىنشا 150-200 ادامدى قۇرايدى. جەر سىلكىنىسىنىڭ 7,8 بالدى قۇراعان ەپيتسەنترى يراننىڭ وڭتۇستىك شىعىسىنداعى, پاكستانمەن شەكارالاس حاش قالاسىنا جاقىن جەردە بولعان كورىنەدى. سيستان جانە بەلۋدجيستان پروۆينتسيالارى يرانداعى ەڭ كەدەي وڭىرلەر بولىپ تابىلادى. مۇندا ادامدار بالشىقتان جاسالعان باسپانالاردا تۇرادى. قازا تاپقانداردىڭ از بولۋىنا دا وسى جاعداي اسەر ەتكەن.
سەناتورعا ۋ سالىنعان حات جولداندى
امەريكا كونگرەسىنىڭ مۇشەلەرىنە ارنالعان پوشتا بولىمشەسىنە ىشىنە وتە قاۋىپتى ريتسين ۋى سالىنعان حات كەلىپ تۇسكەن. ول ميسسيسيپي شتاتىنان سايلانعان رەسپۋبليكاشىل-سەناتور رودجەر ۋيكەردىڭ اتىنا جولدانعان كورىنەدى.
زەرتحانالىق ساراپتاما حاتتىڭ ىشىندە ۋدىڭ بار ەكەنىن انىقتاعان. پوليتسيا شۇعىل تۇردە بارلىق زاڭ شىعارۋشىلاردى ورىن العان وقيعا جونىندە قۇلاقتاندىرعان. ال سەناتور-دەموكرات كەر ماككاسكيل وسى ىسكە قاتىستى كۇماندىنىڭ بار ەكەنىن حابارلاپ تا ۇلگەرگەن. ونىڭ ايتۋىنشا, زاڭ شىعارۋشىلارعا ءجيى حات جازىپ تۇراتىن ءبىر ادام بار جانە ونىڭ ەسىمى قاۋىپسىزدىك قىزمەتىنە ءمالىم.
ەرەۋىل سوڭى قاقتىعىسقا ۇلاستى
وپپوزيتسيا وكىلدەرى ۇلتتىق سايلاۋ كەڭەسىنەن كەزەكتەن تىس پرەزيدەنت سايلاۋىندا بەرىلگەن داۋىستاردى قايتا ساناۋدى تالاپ ەتىپ, ۆەنەسۋەلا استاناسىندا شەرۋ ۇيىمداستىردى.
دۇيسەنبى كۇنى بولعان مارش كەزىندە ەرەۋىلشىلەر مەن پوليتسيا اراسىندا قاقتىعىس ورىن العان كورىنەدى. وسىدان كەيىن پوليتسيا قىزمەتكەرلەرىنە كوزدەن جاس اعىزاتىن گاز قولدانۋعا تۋرا كەلگەن. كوشەلەرگە شىققان بەلسەندىلەردىڭ قولدارىنا قارۋ رەتىندە تاستار مەن تاياقتار العانى دا بەلگىلى بولىپ وتىر. وسى ارقىلى ولار نيكولاس مادۋرونىڭ ەل پرەزيدەنتى بولىپ سايلانۋىنا قارسىلىقتارىن بىلدىرۋدە.
قارۋ-جاراق جەتكىزۋشىلەر تۇتقىندالدى
تۇركيادا سيرياداعى قارۋلى وپپوزيتسياعا قارۋ-جاراق جەتكىزىپ بەردى جانە ۇكىمەتتىك كۇشتەرمەن سوعىسۋشى سودىرلاردى دايارلاۋعا قاتىستى دەگەن كۇمانمەن 10 يسلاميست تۇتقىندالدى.
ينتەرنەت-باق-تىڭ حابارلاۋىنشا, وپەراتسيا ەلدىڭ ورتالىق بولىگىندەگى كونيا قالاسىندا جۇزەگە اسىرىلعان. بۇعان دەيىن «ءال-كايداعا» قارسى كۇرەس ءىس-شارالارى دا تالاي رەت ءدال وسى جەردە جۇرگىزىلگەن بولاتىن. سيرياداعى بيلىك پەن وپپوزيتسيا اراسىنداعى قاقتىعىستار سالدارىنان ەكى جىل ىشىندە 70 مىڭعا تارتا ادامنىڭ قازا تاپقانىن دا ايتا كەتۋ قاجەت.
ينتەرنەت ماتەريالدارى نەگىزىندە ازىرلەندى.
